[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا راعي الغر العذاب المباهيش=رش الكبود اليابسةعن عطشها
دنق علي وطمن الراس بشويش=واحي العروق الذابلة وانتعشها
حبك ينهش ثومة القلب تنهيش=نهش الحنيش لعرش رجل(ن)نهشها
واهل الهوى في سجن غيك دراويش= وقلوبهم وجلانة(ن)من دهشها
من ذاق من خمرالسوالف بخاشيش= يبطي وروحه معتلقها بلشها
ياعنق ريم(ن)ذار واوحى شوابيش=بدو(ن)طلوع الشمس ذاره وغشها
والعنق عنق الي جسر عقب توحيش=امير بيت للحرار وحشها
جابوه من عين الشمال الهماميش=ابرك لهادي طرشة(ن)قد طرشها
جابوه لمثمن طويل المطاريش= شيخ(ن)قوانين العرب مادغشها
محمد عشير منقضات العكاريش=نجل العيون الي جميل بهشها
لا يابعد ناس(ن)تكبر على ويش=لاشافت الناصي تلوت خششها
لويملكون ارقام الاموال حتيش=در الحمارة دوب يكفي جحشها
وروس الظبا ماذكر فيها عراميش= لوهي على الزيلة اكبار(ن)اشوشها[/poem]


جابوه من عين الشمال الهماميش=ابرك لهادي طرشة(ن)قد طرشها
الهماميش من العاصم قحطان
وهذه القصيده مقيوله في محمد العبدلله الفيصل