قصيدة رثاء في الشيخ/ سرحان بن فهد ال عيفان القحطاني (رحمة الله)للشاعر/ هادي بن ناصر

[poem=font="Simplified Arabic,4,black,bold,normal" bkcolor="transparent" bkimage="" border="double,thick,blue" type=4 line=0 align=center use=ex num="0,black"]
قصيدة رثاء في الشيخ/ سرحان بن فهد ال عيفان القحطاني (رحمة الله)
للشاعر/ هادي بن ناصر ال عيفان القحطاني

يا قلب لا تكثر عليك التفاكير = ارتاح من كثر العنا والعذابي
لا تصير للهاجوس ورد ومصادير = تلعب بك الأفكار والغيب غابي
الغيب يعلم به ولي المقادير = اللي كشف سر الخطا والصوابي
وما قدر المولى على العبد بيصير = ماعنه والله في الحياة اجتنابي
و الاحذار ما تنفع ليا وقف السير = لا دقت الساعة وجف الكتابي
وقول يا ليت الها على القلب تاثير = وقولة لو انه ما تسد الجوابي
لكن هاض القلب وابدى التعابير = من ضيقتن وصط الضلوع المحابي
من فقد من هو ما يحسب الخاسير = عز الله انه راح منا وغابي
اللي سميه في طويل الشناتير = قامت تسمى به عيال الذيابي
سرحان لما هج تالي المضاهير = يثني ليا ما درهمن الركابي
عمي وابوي ولا تحلا به الغير = وانا ومثلي من فراقه مصابي
مرحوم يا شيخ يقود الطوابير = عليه دمع العين غرق ثيابي
خلوه عصر السبت بين المزابير= وغادر من الدنيا لدار الحسابي
يا الله عسى قبره ورود ونواوير = في جنة الفردوس مع الصحابي
لانه من اهل الخير مذكور بالخير = والخير في وجهه عزيز الجنابي
يا ما بكى فقده عيال مشاهير = ويبكونه الأصحاب شيب وشبابي
ويبكونه الظفران من صبح لاعصير = وتبكي عليه مخضبات الخضابي
وتبكيه ذوده دقها والعاشير = وتحن من فقده وطول الغيابي
والمجلس اللي به دلال مباهير = والعود الأزرق عقب فرقاه ذابي
وعسى العوض فيه العيال المناعير = اللي لهم في الجود والطيب بابي
الكل منهم موقفه موقف الزير = عز الرفيق وللعدو سم دابي
والموت حق ولا عن الحق تغيير = ويا الله بحسن الخاتمه والثوابي
وصلاة ربي عد ما غرد الطير = على محمد عد ما انشى السحابي[/poem]

__________________
تفرقت أنا وياه فرقاء بلا مرجاع *** كما يفارق الميت من الحي لا راحي

الأخ الكريم : فهد



ياهلا وغلا ..


شكرا جزيلا لك على هذه المشاركة


وصح لسان الشاعر : هادي بن ناصر


ورحم الله الشيخ : سرحان بن فهد آل عيفان


دام تواصلك أخوي فهد ونتمنى رؤية جديد مشاركاتك ..


ودمت بخير ..

أشكر لك هذا الترحيب الحار
وسرعة الرد والمتابعه لمشاركات اعضاء منتداكم الرائع وتشجيعهم للأستمرار بنشاط وحيويه

__________________
تفرقت أنا وياه فرقاء بلا مرجاع *** كما يفارق الميت من الحي لا راحي

صح لسان الشاعر وأسأل الله عز وجل ان يرحم المتوفي والبركة في فهد وناصر واخوانهم ’’’’’’’’’ ولك كل الشكر اخي فهد

للرفع

__________________
تفرقت أنا وياه فرقاء بلا مرجاع *** كما يفارق الميت من الحي لا راحي

صح الله لسان الشاعر هادي بن ناصر

وبيض الله وجهك يا اخ فهد على النقل الطيب


ورحمة الله على الشيخ سرحان رحمة واسعه

السلام عليكم ورحمة الله وبركاته


رحم الله الشيخ سرحان



وصح لسان الشاعر هادي بن ناصر


ولاهنت اخوي فهد على النقل


.

__________________

للرفع

__________________
تفرقت أنا وياه فرقاء بلا مرجاع *** كما يفارق الميت من الحي لا راحي