ارضاك ياغافر الزلات يرضيني..... ياللي بقدرك تعز العبد وتذله

السلاام عليكم ورحمة الله تعالي وبركاته ........... اسعد اوقات الجميع بالخير ... اسحموا لي ان اقدم لكم هذه القصيده للشاعر ... شديد بن جارالله ال سعد القحطاني .... امل من الله العلي القدير ان تنال اعجابكم واستحسانم



[poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="solid,2,gray" type=0 line=1 align=center use=sp num="0,black"]
اطلب من الرب عدال الموازيني = انه يغفر الذنوب ويدمح الزله
واطلب من الله لكسب ارضاه يهديني = ويغيث عبدٍ رجا عفوه على المله
ارضاك ياغافر الزلات يرضيني = ياللي بقدرك تعز العبد وتذله
يالله تعطر ثرى عودٍ مربيني = وان ترحمه ياعزيز الشان وتحله
كسب الكرم والكرامه واجبٍ ديني = والمرجله تتعب الرجال واتله
قلبي على الرايه العليا مشقيني = قلبي شقا للعلا عقلي خويٍ له
ما نغبط اللي يحشون الملاييني = واخلاقهم في سبيل المال منحله
حتيش لو تملك قصور وبساتيني = من ما يضره عدو الناس زينٍ له
اخفي عن الناس ظلم الناس ويبيني = واخاف من راعي الهفوات يفطن له
اخفي وخوفي تعرف الناس الادنيني = لو من صداها يبور الخل في خله
في ضامري من جروح الوقت جرحيني = زادت غليل العليل ومات من غله
الا ان يجي مرهم جروحي يداويني = طلت بشاير طبيبي حي ذا الطله
لو جف ديد الحلوب وشانت سنيني = ماقول للي صفا وقته هنيٍ له
شوف الحيا والضمير الحي يحييني = حتى اقرب الناس همك لا تبين له
ما ني بخيب رجا من ينتخي فيني = اللي يبي من يفك القيد ويحله
واجب هل العرف فوق الراس والعيني = واحلى المواجيب ماجوبٍ على حله
مرهي مع اللي بفعل الطيب مرهيني = ابرتكي لو يجور الحمل واشله
مافيه شيٍ عن الماجوب يثنيني = وانا سعد من يقول اني صديقٍ له[/poem]

وسلاامتكم وصح لسان الشااعر ..................... والعذر والسموحه من الجميع ............والسلام عليكم ورحمة الله تعالى وبركااته