و الله يا احرجتهم جماهير النصر

الوقت يمضي والنصر مهزوم ......(( شئ عادي ))
اللي مو عادي ابي ابوي ابي خالي ابي امي وينك يالحكم !!!!!!!!
الحكم !!! وش تبون بالحكم ؟
ايه احنا إذا ما عطانا الحكم الجزيه آسف قصدي الهديه و خاصه ان حنا بالعيد ما راح نتعادل !!
طبعا الحكم خالد الزهراني أغرب حكم و أسوأ حكم شفته في الملاعب العالميه مو عندنا على مستوى العالم ما عمره حكم مباراة إلا ما يصير فيها مشاكل !!!
الجماهير ترمي علب الماء و العقل و كل ما وجدته على اللاعبين المباراة توقف لمدة ربع ساعه و الأخ خالد الزهراني مو راضي ينهيها حفاظا على سلامة اللاعبين و لمضي ربع ساعه واللعب متوقف .
و يحسب وقت ضائع كبير و يتعادل النصر و يحصل المطلوب .. برافوا زهراني نجحت بالاختبار وحققت المطلوب .
كل هذا كلام اعتبره مقدمه لان اللي صار شئ طبيعي ان يحدث في كرة القدم وخاصة لدينا بسبب الاحتقان وتأجيج الجماهير الذي حدث في السنوات الأخيره من قبل اشخاص لا مسئولين ينتمون للرياضه و كذلك بسبب إعلام الأنديه .
المهم عندي هو أنه بعد أحداث مباراة الهلال و الوحدة الموسم الماضي صدرت قرارات ضد نادي الهلال بعد المباراة مباشرة و إتخذت اشد العقوبات ضد الهلال ولاعبيه لا وش قالوا اجتمعت لجنة الانضباط
أقعد يا اجتمعت والله لو انهم طيارات واحد في الشرق و واحد في الغرب وين اجتمعوا (( قسم إنه ضحك على الدقون يا فيصل .. و إنها زحلطن كلمة إجتمعت )) .
سؤالي / اليوم بعد اللي صار من جماهير النصر لماذا لم تجتمع اللجنه إلى الآن وتصدر عقوبات كما فعلت بالهلال العام الماضي (( نأخذها على محمل الطيبه ممكن علشان إجازات وعيد و الناس مو موجوده )) .
سؤال أخر / هل فعلا سوف تصدر قرارات ضد نادي النصر (( والله اشك ))
أنا أحس إن جماهير النصر وهقتهم و أحرجتهم يا خبر اليوم بفلوس بكرة ببلاش .
اشوف بكرة وش بيسوي فيصل العبدالهادي و وشهي القرارات اللي بتصدر بعد ما يأخذ الإذن من عضو الشرف النصراوي أسير الشوق !!!!

السلام عليكم ورحمة الله وبركاته

الأخ الفاضل الحر السعدي عاد عيدك اول شي


وبعدين انت تقول ان جماهير النصر مسوين فوضه انا معك صح مسوين فوضه

بس ماهو على الفاضي ركلتين جزاء صحصحه100% مأحتسبة طبعا ماهو كلامي كلام الكابتن محمد فوده
الخبير التحكيمي في راديو وتلفزوين العرب Art

ولو الحكم ماوقف المباراه الله اعلم وش يصير


واما عن كلامك فأنا اقوووول المستفيد الاول من الاتحاد السعودي لكرة القدم هو نادي الهلال فقط
والادله كثيره
ومنها.

مبارياته في دوري المحترفين
على النحو التالي
ابهاء
الرائد
نجران

وتقول ان النصر يفرض قراراته على الاتحاد
طيب تعال نشوف مباريات النصر
الاهلي
الوحده
الاتفاق

مافيه مقارنه ولا حتى نسبه او تناسب

وما اقول الا ياخي الكريم قبل تكتب الموضوع اخذه من كل النواحي والجوانب
حتى ما تكرر الخطاء الي تقوووم به جماهير الزعيق قصدي الزعيم

لاهنت

دمت بود

__________________



أخي الكريم ادخل على هذا الرابط وصدقني ماتندم

http://www.shbab1.com/2minutes.htm



من طآح من عينكـ ؟! ومن بآقي مآطآح}~

مُنـَﮯ سلِآم لـِﮙل شِخَصَاً عنّ وُصْآلـْﮧ آبطيتْ ~••~ ومُنـِﮯْ عذّر لـٍﮙل شُخصَاً يظّنَ آنـﮯْ تجَآهلتـُﮧ


آعتذر عن آلآنقطآع بسببُ ظروف آلدرآسةة

السلام عليكم ورحمة الله وبركاته


كل عام وانتم بخير


يا اخ تركي الله يجزاك خير قصد الحر السعدي ان لجنة الانضباط اجتمعت في نفس الليله اللي صار فيها بصق ( وانتم بكرامه) من طارق التايب وامروا بتوقيفه اربع مباريات تدري ليه ماهي خمس مباريات اتوقع والعلم عند الله لأن المباراة الرابعه كانت مع النصر.......وامس في مباراة النصر حدثت احداث دخيله على الملاعب السعودية ...... بغض النظر يا اخي الكريم من ان النصر انحرم من ضربتين جزاء حنا نتكلم عن لماذا لم تجتمع لجنة الانضباط في نفس الليله مثل ما حدث مع الهلال وتأمر بإيقاف الحكم وعقوبه للجماهير بعدم حضورهم لمباريات النصر او اي عقوبه تتخذ لأجلهم..... ولكن بما ان اللجة مكونه من اعضاء نصراويين والعلم عند الله فأكيد بتطلع من صالح النصر.


والذنب مهوب ذنب لاعبين النصر ولا الاداريين ولا الجماهير الذنب هو ذنب اللجنه اللي ما تعرف تآخذ قرارات عادله.

__________________

أخوي تركي العلياني
عاد عيدك وكل عام وانت بخير
شاكر لك و لا جديد في تعليقك فكلكم متأثرين بتصريحات رمز النصر الراحل و اسلوبه بعد كل مباراة (( نطح الصياح صياح تسلم ))
علشان فريقهم ضعيف وما يقدر يفوز لازم يظهرونه انه مظلوم وللأسف ان جماهير النصر بدأت تصدق هذه المقولة و غضت الطرف عن تتبع مستوى فريقهم ولاعبيهم اصحاب الإمكانات الضعيفه و اصبحوا يتتبعون أخطاء الحكام .
عزيزي ليلة البارحة هزم الحكم القبيسي الهلال أمام نجران ومع ذلك لم تتهجم جماهير الهلال عليه تعرف لماذا لأن الهلال كان مستواه سئ وكانت الجماهير تنتقد اللاعبين والمدرب رغم أن الحكم الغى هدف صحيح ولم يحتسب ضربة جزاء للهلال .
أخوي تركي هدفي من الموضوع ليس النصر لأن النصر بالنسبه لي نادي من أندية الوطن أعزه كما أعز أندية الكوكب و الوطني و الرياض و القادسيه و النهضه و أبها لأنه فعلا لايختلف عنها إلا في دلاله عند أصحاب القرار ونفوذه و مشاركته في كأس العالم للأندية خير دليل .
لكن الهدف تخبط لجنة الإنضباط و مكيالها بمكيالين للأنديه وعدم المساواة بين الأنديه في القرارات .
أما بالنسبه لجدول المباريات أخوي تركي طبيعي أنها توضع بالشكل هذا فالهلال بطل الدوري العام الماضي والاتحاد الوصيف .. لكن النصر على اي اساس يحطون مبارياته بنفس وضع الهلال بعدين حتى لو حطوا مبارياته كالهلال مع الرائد و أبها و نجران وش فرق النصر عنها و الله ما فيه فرق نفس المستوى وممكن أن الرائد افضل منهم .


أخوي سلمان لاهنت شرفني مرورك وتعليقك وبيض الله وجهك .
وفعلا أخوي سلمان رئيس لجنة الإنضباط نابت السرحاني كان يعمل يوم من الأيام في نادي النصر !!!!!!!

اذكرو الله قبل كل شيء

صحيح ان ميولي للرياضة ضعيفة ولكن لي تعليق علشان ضربة جزاء امطر السماء العاب نارية وقطع صلبة فوق رؤوس

المسلمين واقول الحكم هوا اللي متسبب اقول الله لايبارك فيها من رياضة ياخوي المانيا خسرت كأس عالم مهوب مبارة

في دوري مغمور بسبب هدف صحيح ملغى ماصار من جماهير المانيا اللي صار من جماهير النصر

اقلها يمكن واحد من بني عمي في الجهه الاخرى اصيب بسبب تصرفي المتهور ... انا خابر في الثمانينات في عز

التنافس بين الهلال والنصر ماشفنا هالتصرفات انما يدل ان كل شيء تغير حتى الجماهير تغيرت والصحافة ...الخ