( صدوف الزمان )

[poem=font="Simplified Arabic,6,green,bold,normal" bkcolor="transparent" bkimage="" border="none,medium,green" type=4 line=0 align=center use=ex num="0,black"]
الشاعر اللي صابر و الصبر طال=الله من صدوف الزمان يخارجه
صبرت وأيامي تحدّاها الليال=وأنا حصاني فاللوازم سارجه
أونّ من جور الزمان وضيق بال=ونّة صويب طاح وإيده مارجه
هذا الزمان اللي مصيره للزوال=ماعاد يعرف داخله من خارجه
ماأحبّ فالدنيا سوى عرف الرجال=وهرج يعيب الرجل ماني هارجه
وخوّة خوي كفوعندي رأس مال=قرم سنافي عَـــــارف مخارجه
الكفومهما طاح ينهض بالثقال=وألّا الردي ما في عيونه دارجه
وراع البخل ماله على العليا مجال=والطيب كسّابه صعد معارجه
والرجل لو لبس العمامة والعقال=لابدّ يأتي في طريقه عارجه
وابن آدم يحاسب على فعله عدال=والكلمة اللي من لسانه خارجه
الله يعين اللي عليه الوقت مال=ودموع عينه فوق خده دارجه
الشاعر الطرقي طلب ربه وقال=الضّيق ياربّي عسى إنّك فارجه[/poem]

الشاعر/ علي الحبابي
(الشاعرالطرقي)

[

__________________

قصيدة رهيبة تستحق التكرار والاعادة
لا يمكن حصر اماكن الجمال فيها

ارحب يالشاعر الطرقي


وصح لسانك على السالفه الطيبه


لاهنت

الشاعر الطرقي صح السانك وبيض الله وجهك على القصيده الشامخه كشموخ شاعرها

وافي وافي وعلمك غانم ياصبي قحطان والله ان قصيدك ينومس يالذيب

تقبل تحياتي اخوك محمد الفهري

أرحب يا وجه الهوجّة ..

وصح الله لسانك .. واعتلى شانك ..

كما عهدناك شاعر جزل ..

تقبل مروري

الطرقي بيض الله وجهك اخوي على هذي القصيده الوافيه
تقبل مروري
اخوك عبدالعزيز محمد الخنفري

صح لسانك اخوي علي

قصيده جزله

الشاعر الطرقي : صح الله السانك وبيض الله و جهك على هذه الدرر

وتقبل مروري

__________________

alisq99@hotmail.com

صح لسانك يالطرقي شاعر بكل ما تحتويه الكلمة

تحياتي لك وشكرا,,,,,,,,,,,,

الكفومهما طاح ينهض بالثقـال وألّا الردي ما في عيونه دارجـه

صح لسانك ياعلي
تحياتي وتقديري

__________________
[poem font="Simplified Arabic,5,teal,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
القل ملعون الثوى يحرجنا=وحنا الاسامي والفعول تبان
ولّا ردي الرابعه والمجنا=مايعرف الديان والدكان[/poem]