[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بديت بأسم مكور الشمس تكوير = القابض الباسط عزيز الجلالي
سبحانه اللي بيده الشر والخير = مروي ظمأ القيعان عقب المحالي
من بعدها أستنت بنات التفاكير = أرخت رسنها وأنفحت بالعقالي
ذللتها تذليل عوص المباكير = كن خفها ياطا رهيف السلالي
الليل جوي صافي للتعابير = أترجم أحساسي علي ما طرالي
خطر علي أطير وأطير وأطير = من شدة الفرحه بوزن الهلالي
الفرحه اللي طعمها ولونها غير = فاقت لعود دوب جاله عيالي
بوجودكم ومعاودة عودي بخير = حيث أنها تلقي عليها ضلالي
يامرحبا ترحيب حشمه وتقدير = أحلا من السكر وعذب الزلالي
ألذ وأحلا من حليب المصاغير = عفر رعت جو من الناس خالي
ترحيبة يصدح بها الطير ويطير = ويعانق متون السحاب العلالي
في مجتمعنا بالوجيه المسافير = واللي حضر من كل فج وعنا لي
الحمد للي بدل العسر تيسير =عقب الشفق والهم يرتاح بالي
آمجار يابو سيف من كل تأثير = الله يجيرك من صدوف الليالي
أزمه وعدت من ولي المقادير = سبحانه الوالي علي كل والي
يفداك حالي والولد والمذاخير = واللي بقى لي من حياتي ومالي
ويفداك من خالف سلوم المناعير = يرعى حلاله فرحة أم العيالي
ويفداك رجل ما ضرآ بالمخاسير = من خلقته مارام روس المعالي
ويفداك خبل ضاع بين الطوابير = رصيد معرفته صفر بالشمالي
ويفداك قن مالفته المسايير = ماقلط الحايل وصفر الدلالي
ويفداك منهم يعبدون الدنانير = أنجاس ناس همها بالريالي
أجسام تنقل روس مثل الخنازير = يالله لا تجعل للانذال تالي
أعطيك عن حالي يابو سيف تقرير = مابين خلق الله وكني لحالي
هاجوسي يهلوس بي أضحي وعصير = قمت أحسب الوقت الغروبي زوالي
كني أزايم فوق متني قناطير = هم يغطرف لي وهم يلالي
آقف بليا رآى وأفكار وأسير = ولالي علي الصبر الجميل أحتمالي
يابوي ياذخري الاول والأخير = بعيوني الثنتين أنت المثالي
لاحاتم الطائي ولا سالم الزير = ولا عنتر العبسي ولا ابن الهلالي
قربك لي الجنه وبعدك زمهرير = ومقابل محياك هو راس مالي
ولاأخلا ولا أعدم منك يامير = يامير قلبي مركزك في خيالي
تسلم لنا نذر عليك المعاثير = ومادام راسك حي ياهملالي
وأنا على عهد قطعته لك أصغير = لأمشي على دربك ولاله بدالي
أنهل مناهيلك على الشر والخير = لاضير في ذلك سواة الرجالي
وصلوا على اللي نور الحق تنوير = شفيعنا يوم الحشر والسؤالي[/poem]

__________________

صح لسانك قصيدة جزلة من شاعر جزل

__________________
سبحانك اللهم وبحمدك أشهد ألا إله إلا أنت استغفرك وأتوب إليك

أنشهد إنها قصيدة جزله ..

صح لسانك وإرتفع شانك .~


تقبل إطلالتي المتواضعة

__________________

صح لسانك وبنانك

الله الله ياسيف

لا خلا ولا عدم وبر وقصيد ماهوب في الوالدين واحسفاه

لعنبو من لامك ووالدك للأمانه رجل منهل من مناهل عبيدة

المعروفه في المرجله وفتحتة الباب والبال الوسيع والكرامه

وعز المسير وأنت يبو بندر ماعليك زود وعلمك غانم يطلق

وجهك قصيدة جزله وشاعر جزل بيض الله وجهك ولاعدمناك

وكل عام وانت بألف خير وصحه وسلامه سلامي لك وللوالد

وبشرني عسى مابه خلاف ياخوك ...

__________________

ارحب يابن طفله ارحب

القصيد مايجزله يكون موضوعه وموضوع قصيدتك في ابوك معيض بن طفله ال سلمان فلبست القصيده ثوب الجزاله

عندما كانت الناس تئن من الفقر والقله في اواخر السبعينات وفي الثمانينات الهجريه من القرن المنصرم كان مجلس معيض بن طفله تتزاحم عليه جموع الطرقيه والطروش والضيوف بالقرب من سكة القطار بالمنطقه الشرقيه

يستقبلهم معزبهم بالوجه البشوش ويخرج لهم مذخور بيته ويفرح بكل من جاه ولم اجد له وصف سوى في قصيده ابن القعيمه

حيث يقول

لربعه محلٍ في مكانه ومسكاني ------------ ويفرح بجمعاهم على ماتهياله

يعيشون في بيته شبيب وشيباني -------- على ماتيسر في صوانيه ودلاله


لقد اخترت لنفسك ان تمشي على نهج ابيك بهذه البيتين

وأنا على عهد قطعته لـك أصغيـر -- لأمشي على دربـك ولالـه بدالـي
أنهل مناهيلك على الشـر والخيـر --- لاضير فـي ذلـك سـواة الرجالـي

واقول لك هذه عوايد عيال الرجال لكن طريق ابيك لن يسلكه احد من جيلنا

اشكرك على برك بابيك ياخوي سيف وعلى هذه القصيده التي يستحقها ابيك

تحيات خوك

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

بيض الله وجهك يبو محمد ألجمت من بعدك


والله ونعم بأبو بندر ووالده رجل من خيار الرجال

كل عام وأنتم بخير جميعاً

كفو فيك وفي أبوك وعلمكم غانم أول وتالي ياوجيه ولد الحارث أقسم بالله أنك ترفع بالراس يابو بندر

ولا فيه غرابه الطيب يرث طيب والشبل من ذاك الأسد

قصيده وافيه من وافي والشايب يستاهل أكثر

تقبل مروري ولي عوده أن شاء الله

تحياتي وتقديري

أبو عساف

__________________

صح الله لسانك يا سيف واعتلى شانك


قصيدة جزله ومليانه من شاعر ما يجيب الا جزل


ونحن هنا في انتظار جديد مثايلك

لاهنت يالبتار وصح بدنك

ولاهنت على الحضور

وتقبل تحيات بحر

__________________