شلني شلني لناصر الأحمري

السلام عليكم ورحمة الله وبركاته
نعتذر عن طول الغياب
وهذه قصيده للشاعر / ناصر بن بريق الأصلعي الأحمري

[frame="1 80"]تلايـم الغـيـم ياكـبـد السـمـا هـلّـي***** وأسقي ديارٍ ظما الاوقات طايلهـا
من عام الاول وانا اللي مابرد غلّي****آدلّـه النفـس وآجـامـل وآحايلـهـا
الحـال منسـلّ قبـل السيـف ينسلّـي **** تــواردت كلـهـا والـمـتـن شايـلـهـا
أما وصلت السما ماهي بتنزل لـي **** واليـا تعديتـهـا ضـاعـت جمايلـهـا
هـذي وهـذي وياكثـري وياقـلّـي **** وأسير في عدلها وأخطيت مايلهـا
أصوم وأدي زكاة المـال وآصلـي***** ولا أحتمـي كلمـةٍ مـانـي بقايلـهـا
أروح كلي واجي في لازمي كلي **** والمقبلـه مانـي ملقّـي قفـاي إلهـا
أقيسهـا صـح بالسنتـي وبالمـلـي ***** والوزنـة الوافـيـه بـإيـديّ كايلـهـا
بـس الزمـن ماضبـط دلّـه مـع دلـي***** صلـفـات الايــام ورتـنـي هوايلـهـا
تقبـل وأرحّـب بهـا وأفـز وآهـلـي***** وماقدّمت لي فلانـي عنـه سايلهـا
سبحانه اللي كتب لي دقي وجلـي ***** قبـل البراريـق ماتلـمـع وآخايلـهـا
فالحمـد للـه وأنـا بالصبـر متحلّـي***** هذي فروض الصلاه وذي نفايلهـا
والله ماغـيـر ربــي بــان لــه ذلــي***** لــو الجـزيـره تواجهـنـي قبايـلـهـا
ماني باآلمّح بقولة ياللـي وياللـي***** من راسي اقـدح لعاقلهـا وعايلهـا
العلم لأهـل النظـر واضـح ومتجلـي***** تفـرق سمـان الرعيـه عـن هزايلهـا
الخبت واطي وراس الرجـم متعلـي **** وأم المحابيل طاحت فـي حبايلهـا
يجـدّ واحـد وعشريـن الـف متسلـي***** ماتثبـت الحجـه ان غـابـت دلايلـهـا
يامن شكاويه : طال الهجر ياخلـي ***** الهاجـره كبهـا واحـرق رسايلـهـا
والاّ انتظـرهـا ورددّ شلـنـي شـلـي***** واصبر على مايصيبك من عمايلهـا [/frame]

وسلامتكم يالربع