اخوان نورة .

هذه من آخر قصائدي أتمنى أن تجد القبول لديكم .




[frame="1 80"][poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياهجوسي حضري من جنوب ومن شمال = مثـل ورد تجتمـع فـي نـدا جمالهـا
ياهجوس كلهـا حـزة الـلازم جـزال = والجزايـل بآتخيـر جـزال جزالـهـا
المعرفة مهرتـي وأعتبرهـا راس مـال = اصهلـي يامهـرة ركبـهـا خيالـهـا
لابدالـي لازم مـا أتجـود فالحـبـال = من قنيـت السابقـة ماقنيـت احبالهـا
والقصايد كان ماتمدح زحـول الرجـال = أعتبرها ناقصة مـا ربـح مـن قالهـا
وفالقصايد لأنفتـح للمشاكيـل المجـال = حان ذكر أهل الوفـا والفخـر وعيالهـا
يوم كـل يفتخـر فالمجالـس بالخـوال = أفتخر بأخـوان نـورة وأعـد أفعالهـا
مزبن اللي حده الوقت وظـروف الليـال = الجبال اللي نجا مـن وزا فـي جالهـا
وريف هشال الخلا بالصحون وبالـدلال = الكـرم باصحونهـا والكـرم بادلالهـا
لو يشح ابن الـردي بالجنيـه وبالريـال = في سبيل المجد ترخص حـرار أموالهـا
الرفايـع حلـة مـن رفيعـات الحـلال = من وقـار أصحابهـا فالقسـى يعنالهـا
جمل الله حالكم عـد مـا هـل الهـلال = يارجـال للجمايـل تسـوق جمالـهـا
لو ذكرت أمجادكم والمدايـح والخصـال = باقـي العربـان فالمـدح وش يبقالهـا
والولد لاصار من بين عم وبيـن خـال = يفتخـر والمرجلـة لا هواهـا نالـهـا
جيت بيـن العـم والخـال لله الكمـال = ويش عذري والمواقـف تبـي رجالهـا
شلت لي حمـل كبيـر ثقيـل مايشـال = المراجـل لازم أتعـب لهـا وأشقالهـا
ولو أنها كايدة ، هقوتـي فـوق الجبـال = والله إنـي قدهـا لأرتكيـت أشتالـهـا
الحمول الكايـدة مالهـا غيـر الجمـال = والبطولـة مالهـا غيـر روس أبطالهـا
والنجوم الغايبة عقـب توقيـت الـزوال = باقـي مـن حقهـا عندنـا يدعالـهـا
ياعساهم في نهار المحاسـب والسـؤال = في جنان الخلد فـي بردهـا وظلالهـا
والله إنهم ذكرهـم فالوجـود ولايـزال = والأسـود الكاسـرة طيبهـا فأشبالـهـا
واطلب اللي منفرد بالكمـال وبالجـلال = يرحم اللي في خفوقـي ثبـت منزالهـا
فـي نهـار ماتفيـد القرابـة والعيـال = والأراضـي رجـت وهزهـا زلزالهـا
وفالنهاية عـد مـا لاح بـراق الخيـال = ياصلاتـي عـد مـزن تهـل خيالهـا
للرسول اللي فرق فالحـرام وفالحـلال = بينه للنـاس والنـاس حسـب أعمالهـا [/poem][/frame]