بين العيافي والحمالي

صبحكم الله بالخير, اهدي لكم هذه المجاراة بيني وبين أخي الشاعر الكبير شايع العيافي.


يقول ابوفارس:


[poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

هاجس الضيق قام يرادف انواعه=كل ماصد عن دربه تغايالي
كم وكم هز خفاقي وكم راعه=وكم على الله شكيت بضيق الأحوالي
وكم جفاني مكانٍ زل مرباعه=وكم جرح خاطري شي على بالي
دورة العمر يا بن ابوي بتاعه=لانحرف حظها مافالك بفالي
تقصر الباع للي وافي باعه=واجبع الشبر ... معه عراض وطوالي
هكذا فعلها والسمع والطاعه=للذي قدر الدنيا والآجالي
لو زماني علي ابطى تهزاعه=ماتغير ليال العسر منزالي
ماني بعاجزٍ فالمجد واسناعه=قد عطيت الزمان دقاق وجلالي
الرهى فاليمين ومدي بضاعه=بضعةٍ ماتضيع روس الأموالي
لا استدار الزمان وطول ذراعه=لي مع اهل الوفا مخرج ومدخالي
عالم في بياض الوجه طماعه=تعتق المبتلا من قلة الوالي
لاثنوا للصعيبه جات مطواعه=اطوع من اللحاوية.. للزوالي
والله اني ماشيل الهم لو ساعه=دام فوق البسيطه يذكر حمالي
ربعنا اللي نهار الضيق بتاعه=كوكب المرجله والمذهب الغالي
سربةٍ لا حتمى البارود قطاعه=في نهارٍ تقاصر منه الآمالي
وانت ياطارق الجاهل على اسماعه=تو مادار حبلي فوق محالي
خل هذا السفين ينفض شراعه=لين بحر القصيد ... يزبن الجالي
واحد غير "ابن سابر" ومطلاعه=ياوجودي وجود و يابري حالي
ابلجٍ يوم ابرق في تطلاعه=كنه شيخٍ الجهامه..ملحق التالي
قلط المنفهق .. مقلاط شفّاعه=فوق عدٍ قراحه له تزلالي
صار حمل القسى طبعٍ من اطباعه=يوم ولد الردي فعله تقوالي
قدم والقدم يصعب منه مرجاعه=جعل تفداه شيخانٍ على الخالي
فالمجالس علي باشا ومدفاعه=والروابع ..ماتطلع ربع مثقالي
ياقليل المعرفه ..علمي قلاعه=مايبيلك عليه جنيه وريالي
مالك ومال .. نصف المد وارباعه=اخذ مدك وفى.. وازبن لك حمالي

شايع العيافي[/poem]




وقلت:

[poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هاجس الضيق طوّل في تمنّاعه = أربع شهور ماجريت موالي
أتشره على صده ومهزاعه = وشرهتي شرهة الغالي على غالي
مشغلتني ظروف الوقت وأوضاعه = كلما جيت بدله ما تهيالي
والزمن قبلنا كم واحدن لاعه = حظ منهو مريح وخاطره سالي
أتلقف هواء الغربي وذعذاعه = أحسبه طب جرحي واثره أردالي
وأحسب إن القصيد يجف منباعه = وان توالت دهوره صابه إمحالي
لين لاحت بروق الفكر لمّاعه = وإنبعج مزنها بالوبل همالي
وفك باب الهجوس وهجّ مصراعه = ودلة الكيف صبت فوق فنجالي
عاصيات القوافي جات منصاعه = بأمر من لا ذكرته ينشرح بالي
مدخل الهم بذنوبي... ومطلاعه = ذكر ربٍ عظيم الشان متعالي
كاشف الضر مأمنا من الراعه = ما دعيته في يوم وخابت آمالي
ذل منهو عصاه وعز من طاعه = عزةٍ ماتجي بالجاه والمالي
يالله إنك تعز الدين وأتباعه = وإنك تذل من عاداه يا والي
ومن نوى حربنا فرّق تجمّاعه = إخذله وإطرحه في شر الأعمالي
بعدها طاب لي المزمل و روباعه = وجرة الصوت فوق المرقب العالي
والعيافي ما جيت أجاري إبداعه = لن :"الأول ماخلاّ شي للتالي"
شاعرٍ يطرب الخافق تسمّاعه = مبدعٍ بارعٍ في ضرب الأمثالي
غير له حق نوفي مده وصاعه = من يمد الوفاء نوفيه طوالي
الوفاء ينزرع في الطيّب زراعه = مثل شايع كريم الجد والخالي
يالعيافي خويك عنده وداعه = عن جناب "ابن سابر" ذرب الأفعالي
وعن "حماله" مقيمينٍ ونجّاعه = من كبير القبيلة لأصغر عيالي
مدح شرواك فينا والله اطماعه = وغيركم ما درينا عنه وش قالي
وربعك اللي ليمنى الخصم جبّاعه = طايلين اليماني فوق من طالي
هم فهود الوغى والحرب وسباعه = من نوى حربهم يصلونه الصالي
لو تشجّع فلا ينفع تشجّاعه = في نحاهم محابيلٍ للأبطالي
سعد عين الرفيق ان جوه فزّاعه = زين مركاضهم رجلي وخيّالي
وللرفاقه وضيف الدار خضّاعه = شجرةٍ في حجاها فيّ وظلالي
في بيوتٍ بوقت العسر شرّاعه = كم دهلها بعيد الدار و موالي
ربعنا ساس كل الطيب ومنقّاعه = درعنا الضافية من عبر الأجيالي

سعيد الحمالي[/poem]

__________________
قلـب الذيــب

مايسبك في قفاك الا الجبان .... ومايذم الطيبين الا الرخوم

إضغط هنا لديواني الإلكتروني:

ارحب ارحب يابوناصر

في محلك وبين ربعك واخوانك

والساعه المباركه وجود اللي مثلك وشرواك

والله لايهين ابو مسفر اللي دعاك

صح لسان ابوفارس ولسانك والله يجمل حالكم

سبق وان ابحرت معها

لاهنت وتقبل تحيات محبك بحر

__________________

شعرآء مآعليكم غبآر يآ سعيد



صح الله لسآنكم وبيض الله وجيهكم



نآصر بن محمد آل مهدي

__________________



هبشآن .. جعلك تسلم على التوقيع .. والله لآيهينك.,.,



n_q777@hotmail.com

ارحب مرحبا ومسهلا

حياك الله وما جيت به

يابو ناصر

لاهنت على هذا المجارات الطيبة

بينك وبين ابو فارس

بيض الله وجيهكم على الكلام الطيب والذرابه

وافين وقروم

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

ارررررررررررحب يا سعيد
صح لسانكم وبيض الله وجهيكم
لاهنت ويعطيكم العافيه على الصوت والصدى الرائع
تحياتي

صحت السنتكم

أجزلا ولا جبتوا الا جزل

تقبل مروري يا القرم

__________________

اررررررررررررررحب يا ابو عبدالله

صح لسانك ولسان ابو فارس

شعراء من الوزن الثقيل

مجاراه استمتعت بقرائتها ولاشك انها من شعراء امتلكو الجزل

الله لايهينك ويقويكم

وننظر المزيد يا ابو عبدالله

خالص شكري وتقديري

اخوك/عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI

صح الله لسان ابو فارس

شاعر جزل وغني التعريف

وصح الله لسانك ياسعيد

شاعر غني عن التعريف واستمتع انا شخصياً بقراءة نصوصك الفاخره


تحيتي للجميع

صح لسانك ياقلب الذيب وصح لسان ابو فارس

شعراء كبار وجزلين وغنيين عن الشهاده

و نستمتع دائماً بإبداعكم

لاهنتو لاهنتوو ،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

والله اني ماشيل الهـم لـو ساعـه <> دام فـوق البسيطـه يذكـر حمالـي


ونعم بربعنا وكفوووووووو



جبل وعنز على جبل ....


سعيد وشايع ..


شعراء نفتخر فيهم ...



لاهنت يالحمالي وصح الله السنتكم ..

__________________

لسماع قصائد الشاعر : سعيد بن مانع
اضغط هنا