؟؟؟< اتشه وتقتاقي وخريت وكيهالهيه>؟؟؟

[poem=font="Simplified Arabic,5,black,bold,normal" bkcolor="transparent" bkimage="backgrounds/40.gif" border="none,4,gray" type=0 line=0 align=center use=ex num="0,black"]

من ثلاثمية صديق آتخير لي صديق=الصديق اللي يشد الظهر واركن عليه
لابدا لي لازم وخاب ظني فالرفيق=يعتبر مني وفيني وانا منه وفيه
خافقي دايم له يتوق وعيوني تويق= وافيٍ ماهو بهافي كلامه يحتميه
عيني اليمنى نهار اللقا حبلٍ وثيق=وجهه ابيض منРخلقْه الله وقلبه نزيه
برق غيثٍ في نصوب السما يبرق بريق= وان نزل وبله على الوادي المسني يحيه
راس حربة منتخب طالة وكبتن فريق=والجمايل له جماهير تهتف هيه هيه
ساس من ساسً على ساس من ساس عريق= وجامعٍ الطيب من جده وخاله وابيه
والظفر والجود مايلحقه فيها لحيق=والكرم طبعه ليا جوه طلقان الوجيه
يثني الترحيب والعود عقب البن سيق= وان قلط ضيف الكرامه كلا مما يليه
لو تضيق صدور الاجواد صدره مايضيق=محترم متواضعٍ عارفٍ فذٍ نبيه
فالعسر واليسر ثابت مثل هضبة طويق=وللحمول الكايدة يرتكي مثل البليه
دوني بحاله وماله ولاعايق يعيق= بيني وبينه وهو يفتديني وافتديه
طقت مالا اطيق وطاق مالايطيق= ولا ابي اللي مايبي ولا ابي اللي مايبيه
مثله وشرواه في مدحه لساني طليق=ليه اقلل من مقام الصديق الكفو ليه
الا والله لازفر بمدحته واشهق شهيق=ومن تكلم فيه كلمه على الباب احتريه
يمكن تفضل صديقك على خوك الشقيق=كان صار اخوك ثوب الملامه يكتسيه
الصديق الصادق يبان لك في وقت ضيق=والكذوب ان جا لزومه تعذر بابن اخيه
لو تقلّد من على غربه رتبة فريق=واحسافه لبسه البدله ولبس البريه
مهنته يكذب على الناس ويطابق طبيق=يشتري المنقود ماهو يبيعه يشتريه
له علوم كلبوها سويقً في سويق=قلت لا فقال لا قلت ايه فقال ايه
غارق فالنوم خلوه جعله مايفيق=مايخاف الله في نفسه ولايتقيه
لو على روس اصدقا حضرته شبّت حريق=فالملاوص بين كل البشر ماله شبيه
فالسعه يصهل وفالضايقه ينهق نهيق=ومطول المشوار من صانديه لمانديه
ولا انتخينابه تقوم ركبه تصفق صفيق=والعذر الامحق قبل مانغلّق يبتديه
وان بغاله حاجةٍ جاك بسلوبٍ رقيق= يتلبّب وايتزوّالها مثل السفيه
كل همه كيف يتزكرت ويبقى رشيق=ومن فحاسة ربة المنزل يفحّس يديه
خوته كنها على قولة الهندي رفيق=اتشه وتقتاقي وخريت وكيهال هيه
مثله وشرواه فالنايبة بلاّل ريق= ان تغبّى مانفقد وان بدى وجه كريه
جعله بحادث على خط جيزان الشقيق=وان سلم منه توفى على خط المويه
صحبته شطب عليها مابلا خيق بيق= واحشم الزلات في حشمة الهرج الوجيه
بع صداقة بايع الخوة بحبة دقيق=سومته تشره عليها وجهه لك عليه
اطعنه بالرمح ولا احذفه بالمنجنيق=ماينومس فالشدايد جعل بقعا تجيه
والصديق المعتبر خلك بجنبه لصيق=دربك اندله وخله يتيه اللي يتيه
كيف تبغى تعشق انسان ماهو لك عشيق=وكيف ترجي بر من لا يبر بوالديه
من تحيزم في حبال الردى دوّم غريق=ومن يعرف الصقر لايمكن انه يشتويه
ويقطع الله صحبة ماتوصلني بقيق=صاحب جاني سبايبه يومٍ مانتسيه
بعد مانقذناه من غبة البحري العميق=نسّته عني دواجن سليمان الفقيه
فكان شرط دوامة الصحبة حسابٍ دقيق= يشهد الله ماترك لصاحبي واحد جنيه
دون صدقان المناقيد سدينا الطريق=لو فتحنا الدرب صرنا طريقٍ هاي ويه
في زمنا راعي الغنغنه جاله زعيق=ومدحة الشاويش في عصر حسني صار بيه
طاح حظ الدلة وقام حظك يالبريق=ومن ضربله شخص ذالوقت سبقه يشتكيه
فمايليق آصاحب اهل المصالح مايليق=الطمع في صاحبٍ يحتسيني واحتسيه
بآتحمل لقصة النحل لعيون الرحيق=والحكم لله ومن حبه الله يبتليه
وعن قعود اهل الردى سدّني وجبة سليق=لو ضمر بطني من الجوع والله ماشتهيه
وجعل كاس الحسد في حضن من صبه يريق=والله يخلّي صديقي لعينٍ ترتجيه
ومن نشد جاوبته وماعليها الا صديق=ومن عرف معنى كلامي فسلم لي عليه

سعد بن شفلوت[/poem]

__________________

لافض فاك

جنيه شكل ومضمون

مفردات درر درر معاني جزله جزله بجزالت منطوقك

وفقت فسخرت المفردات لنستمتع اقراء الشطر واردد البيت واكرر القصيده واقول ياليت ياليت ماتنتهي ياليت

لك تحياتي وتقديري ايه المبدع

الرائع سعد بن شفلوت



حضور مميز وقصيده رائعه


ونسق وسياق جميل


ومعنى من ذهب

وهدف سامي



كفو والله يابعدي


تحياتي لك




العبيدي

صح لساااانك

ياسعد بن شفلوت

قصيده روووعه

ومعاااانيهاااااا روووووعه

__________________

سلااااااااااام عليكم

الله يبيض وجهك على القصيدة

وصح لسانك وهاذي عوايدك في الكلام الزين

.................................................. ........................................

__________________
قاضي المحبة

تم شطب رابط الموقع(ادارة الموقع)

للتواصل/

alhbabi-a@hotmail.com

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الصديق الصادق يبان لك في وقـت ضيـق=والكذوب ان جا لزومه تعـذر بابـن اخيـه
لو تقلّد مـن علـى غربـه رتبـة فريـق=واحسافـه لبسـه البدلـه ولبـس البريـه
مهنته يكذب على النـاس ويطابـق طبيـق=يشتـري المنقـود ماهـو يبيعـه يشتريـه
لـه علـوم كلبوهـا سويـقً فـي سويـقق=لـت لا فقـال لا قلـت ايـه فقـال ايــه
غـارق فالنـوم خلـوه جعلـه مايفـيـق=مايخـاف الله فــي نفـسـه ولايتقـيـه
لو على روس اصدقا حضرته شبّـت حريـق=فالملاوص بين كـل البشـر مالـه شبيـه [/poem]

شكرا

__________________

صح لسانك ياسعد

وانت سعد على اسمك

قصيدة تناقش احدى المواضيع المهمة


نعم ،،رائعه والله لايهينك



تحياتي لك شاعرا وشخصا

الاخ سعد

قصيده طيبه


لاهنت