محيط القوافي ....قصيد على طرق المسردي المعجزه

والله اني مادري ويش اقول الا ماشالله وبيض الله وجهك وقد سمعتها في شريطك جعلك تسلم

وياليت تدخل موضوع اقرب سنحاني او حبابي لي في مجلس الفرسان اذا عندك خلفيه ولاهنت

ما شاء الله .... الله لا يضرك

صح الله لسانك و بيض الله وجهك على القصيدة المعجزة الثانية ....

الله يرحم من مات وشكرا لك
وطلبي هو هل له هذه القصيدة التي لا اعرف الا

يا عذاب الحال حل به انحلال حال عنه الحيل ورجع ناحلي .,,,,,الي ان قال والله اعلم,,,

من ديار حرها وسمومها ما ينجلي من ديار البعد نويت السفر قدام ينباج السفر,,,الى اخر القصيدة صراحة ما اتذكر الا اللي قلت

ارجو اعطائنا القصيدة كاملة وشكرا

شكرا لشاعر الكبير (ابوديه) على هذه القصيده الجميله
ونتمنى منك المزيد وما هو غريب عليك
(ابن دبيس ال حيان)

__________________

السلام عليكم ورحمة الله وبركاته

الاخ الشاعر ابو ديه ما شاء الله لاقوة الا بالله. الحقيقه ابدعت و قصيدتك ليست متواضعه كما قلت انت.

لي ملاحظه و هي ان بحر قصيدة المسردي اطول من قصيدتك ولكن لعلها خطوه جيده و قويه في الاتجاه الصحيح.

لو كان لي موهبتك لانشأت قصيده على هذا البحر و اسندتها على احد كبار الشعراء حتى يكون استعدادك اقوى وحتى تنمي ملكتك الشعريه.

اسأل الله ان يبارك لك فيما وهبك وان يجعله عوناً لك على طاعته.

مروان

__________________
أنا وين أبلقا لي صديق(ن) على الأشفاف

الاخ صواير السلام عليكم

الكلمات التي تضمنها ردك تحتويها قصيدة المسردي حمد بن هادي. القصيده محفوظه لدي ولا اذكر المصدر هل هي شبكة قحطان ام غيرها.


يا عذاب الحال حـل بـه انحـلال
كنها تلحى اللحـم عنهـا السـلال
و انحنى حتى غـدى مثـل الخـلال
حال عنه الحيل واصبـح ناحلـي

حـل بالحـال انحـلال ٍ وانتحـل
مثل عود ٍ يبّس من طـول المحـل
عقب ما ماتت عروقـه واضمحـل
ذاوي ٍ بامحـل محـل ٍ ممحـلـي

طول صبري كل ليل وكـل يـوم
اتـحـرى للرسـايـل والعـلـوم
في ديـار ٍ جوهـا حـر وسمـوم
وعجهـا وغبارهـا مـا ينجلـي

شاب راسي من فراق الخل شـاب
مـا تهنـا لا طعـام ولا شـراب
وان كتبت الخط ما جانـي جـواب
والخبر من صاحبـي مـا ردّ لـي

طال يابن سويد صبري وانقضـى
صابر ٍ كني على جمـر الغضـى
من هموم البال ضاق بـي الفضـا
مير ما يشكى علـى غيـر الولـي

لابغيت اسـج واسلـى واستريـح
فـز قلبـي ثـم تذكـرت المليـح
صاحب قلبي علـى شانـه جريـح
مخطر اني مـن هـواه استهبلـي

من نديبي فـوق مامـون الحديـد
سايقـه مطنـوخ والموتـر جديـد
يوصـل المكتـوب قـدام البريـد
حيـث خطـي جاهـز مستعجلـي

يـا نديبـي قـم تجهـز للمـراح
فوق هاف ٍ لا عطا ا لارض البراح
قام يكفـخ مثـل خفـاق الجنـاح
لا نهض من راس رجـم ٍ معتلـي

هاف لوري فوق ماطوره صليـب
منوة اللي عن هوى بالـه غريـب
لا عطى الحزم الجلد يقنـب قنيـب
نـوع ماطـوره ثمـان سرندلـي

من ديار البعد يمشي فـي السحـر
بالغلـس قـدام ينـبـاج السـفـر
والضحـى متعـدي ٍ دولـة قطـر
داخـل ٍ سلـوى ورقمـه يجهلـي

لوحته مجهولـة ٍ مـن غيـر زور
سقطوا رقمـه بابوظبـي المـرور
حين سافر واسمحوا لـه بالعبـور
ضامنينـه مـن جميـع المشكلـي

ضامنينه من جميع اي اعتـراض
لين يدخل نجد واطراف الريـاض
وامرهم نافـذ ولا فيـه انتقـاض
ما عدا الجمرك لـزوم ٍ يحصلـي

ثم يسافـر عقـب تركيـب النمـر
مثـل زاروق معـا غبـة بـحـر
يجعل الوادي علـى دربـه ممـر
ناصي ٍ تثليـث والمخـرج ملـي

صار له يوم استوى الخط اهتواش
واعجب السواق بالسرعة وشـاش
مانوى الوقفة يكون بحـزم جـاش
صامـل ٍ فـي نيتـه ومصملـي

ديـرة فيهـا بنـي عمـي ومـن
لا طروا للقلب في الخوف ارجهـن
درعي الضافي على طول الزمـن
لا سقى الله موطـن ٍ منهـم خلـي

المـسـاردة الــذي حـرابـهـم
فـي اللقـا لازم لـزوم يهابـهـم
مـا تحديـت الصعـاب الا بهـم
وفي حميا غيرهـم لا شـف لـي

صيتهم فيما مضـى بـان وظهـر
وانتشـر بيـن القبائـل واشتهـر
ربعي اللي مـا يهابـون الخطـر
يـوم نيـران الحرايـب تشعلـي

ربعي اللـي للعـدا سـم ٍ ذحـاح
فزعة المضيوم لا صاح الصيـاح
بالسيـوف المرهفـات وبالرمـاح
ضربهم مثـل القضـاء المنزلـي

بالجهل يوم العصـور الماضيـات
والسهـوم الــواردة متخالـفـات
لاقبلوا فـوق الخيـول الصافنـات
ارجفت سبع الاراضـي تزلزلـي

كـم عقيـد ٍ مـن جـواده نزلـوه
بالوطـا جفـه وراسـه طيـروه
مايعـرف الخـوف لكـن ذللـوه
ربعـي اللـي يلطمـون العايلـي

يشهـد الله والخلايـق شاهـديـن
ويشهد التاريخ من طـول السنيـن
اعقـل العقـال واجهـل جاهليـن
ضـد منهـو ضدهـم سيجهـلـي

__________________
أنا وين أبلقا لي صديق(ن) على الأشفاف

بيض الله وجهك ياسعيد ابوديه
ان اشهد انها قصيده ترفع راس شاعرها
وانا قد سمعت هذه القصيده قبل عشر سنوات
فالحقيقه معجزه ابوديه وغير مستغرب منك لانك جدير بالتفوق دائما



روعه ررررررررررررررررررررررررررررررررررررروعه

رائع رائع الله يرحم والديك والسامعين حقيقة اعجز عن التعبير والف شكر

سعيد ابو ديه
غني عن كلام عبدالله المهداني

شاعر كبير
مخضرم
شاعر من الطراز الاول

الله يصح لسانك يابومبارك

وافي والله يرحم حمد

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة