بيّض الله وجه من جمّل رفيقه ..

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بيّض الله وجه من جمّل رفيقه =يوم قام الحفل والميقاف حامي
مدّته بالطيب واليمنى الطليقه= قسمها في المرجله ذروة سنامي
الوفاء للسعيد منهاج وطريقه =وقفته ماهوب يوفيها الكلامي
طيب ساس وراس والعروه وثيقه =صلب جد وحد وأخوال وعمامي
عزوةٍ تبقى على حق وحقيقه =تاج راس ودرع وحجاب وحزامي
أفتخر وأعتز بالطيب وعشيقه =وأتنومس فالمواقف والمقامي
وأحتمي لاصار في الازوار ضيقه =وأستوى طرق الحديد من اللحامي
جعل راس ماحتماها في حريقه =من حياته خير له قبرٍ هدامي
عزتي في الراس ماهيب فالسليقه =دون ربعي عهد ماتبرد عظامي
الحرار الشُقر فالروس المويقه=مايحوّل فالعشاش إلا الحمامي
والمعاني در وبحورٍ عميقه =مايعوم بها رعى الفكر التهامي
وأن غدو بين الجليله والدقيقه =كلمة العاقل تجي برد وسلامي
يلزم الرجّال في خوه وشقيقه =دمّ يجري فالعروق ولاّ يسامي
والردي لاجاء لزومه نشف ريقه =فالرخاء حاضر وفالضيق إنهزامي
مثل سيف يعجب الناظر بريقه =باردٍ حده وعجل الانثلامي
دام عز أهل الظفر ورد ورحيقه =من كبار الروس وكبار الاسامي[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]