القريب من الشعار .. وياحبذا مشخص // يوم الله سرى عليكم !!!

صحت السنتكم يالنشامي والمعذره علي التاخير


بدون مجامله والله انكم شعراء مبدعين ونجوم


ماشاء الله عليكم شعر وفتل ونقض حقيقي

لوا اني ماعرف ديركم المخش و و وغيرها

بس اقول والله وسبعين نعم فيكم ياوجيه قحطان

وديار عامره باهلها ورجالها وان شاء الله

__________________

[poem=font="Simplified Arabic,5,indigo,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]


ســعــدالــقــحــطـــانـــي=
سلام الله سلامٍ في قدومه كل طيـب وخيـر = يذر الشب بعيون الحسـود ويبـري العلـه
انا دورت مشخص فالمَخشْ وفي شمال العير = واثره يدور من همْجا ليا النقبه ليـا الحلَـه
مــشــخـــص الــفــهـــري=
هلا يامرحبا والله يجنبنـي عـن التقصيـر = عشان ارضي معازيب المكان وخاطر الحلْه
ترى همجا لبو همجا وانا ضلع ٍ سواة النير = ولاكن لاتذكرني زمـان العيـر :: والجلْـه
ســـعــــد الـقـحــطــانــي =
عسى الله يستجيب لدعوتك مادام ليلك غير = عليَ اعطيك علمٍ مستجد .. وبَهْـر الدلـه
يازين العلم لاجا خالي من الزود والتزويـر = تقول اهل الوفاء لاسمعته .. ايبالله ايـبالله
مشخص الفهري=
الا يلي تعسون الحيا فالمجمعـه وتميـر = ابي علم المزون اللي على الضلعان منهلـه
أنا في خاطري كلمه ولي نيه ولي تفكير = طوابير المعاني من ظميري " جات منتله
سعد القحطاني=
لابد إن عندك اطراف الخبر .. خله بقاعة بير = معاوض خير في طيرٍ رميته .. وانت مشتلـه
تراني ماعشقت الحرب والتشريد والتهجيـر = لكنْي مـن رجـالٍ دارهـم ماهـي بمحتَلْـه
مشخص الفهري=

لوان العلم عندي يابن عمي قلت ( هبله ) خير = لكن ( يالله دله ) كان في وضع العرب خلـه

تبيها مير تخطيهـا واظنـه خانـك التعبيـر = نبي عد الصحيح وخل كذب ( مسيلمه ) خله

سعد القحطاني=
نشوف الراسم الفني لكنْه يجهـل التصويـر = آظنه لو يبي يرسـم حصـان يحَولـه فلْـه
تظامن ما تظامن ياصبي .. لو تدهنون السير = ما خابت هويَة السيف الصقيل وصاحبك سَلْه
مشخص الفهري=
عسى الموضوع .. ياجساس مايدريبه الا .. الزير = و رفيقك ماتقدم بالكلام الا على حله

ترى المؤمن يفيد ,, ويستفيد اليا لقا التذكير = أنا باذكرك بالسالفه والي نسى قله

سعد القحطاني=

مفوض بالعلوم ونوب عنْي وإشرح التفسير = عساها عِبـرةٍ للمتعـض والـدرب يندلـه
عيونك شاطحه يابو محمد يوم جيت مغيـر = آخاف تكثف التفكير ثـم يفَجْـر القُلْـه !

مشخص الفهري=


هوى فوق البسيطه طير من كَسْر جناح الطيـر = مادام انك تقول الطيـب فينـي طبـع واجبلـه

تقول ( الخيل والميدان ) ماهي لي لراعي ؟ مير = عليك اقول باسم الله ,, عليك اقـول مـاشالله
سعد القحطاني =

على هون الحَكَم قولو له شوَيْه على التصفيـر = نحاول نقنع اللـي طـال ليلـه مابَـرَد غِلْـه
يالاعب محترف .. بدري ولاتقدر على التمرير = ترى ابو قرص مات وقرصه موَرْث تحت ملْه
مشخص الفهري=


لإني لا أُعارِض موجـة الأبـداع والتطويـر = أبهديلك ثـلاث دروع قبـل الكـاس تشتلـه

ابيك تبروز ( ام الخيل ) بالتصميم يابن خضير = نوينا نفحص اخلاق الجنوبي ويـش يزعلـه

سعد القحطاني =
يفور الدم .. والله مايفيد الأحمق التفوير = ودون الغله الكُبرى موقِف حارس الغلْـه
قرارك جاهزٍ وموقـع ومحـررٍ تحريـر = لعلك راضيٍ بالحُكم .. نقول الحكم لاعلْه

مشخص الفهري=

أنا فاهم .. ولي خبره واعرف النفط والتكرير = واقول الي يسل السيف مايضرى على الذله

عرضت ابلك على اللجنه وقالو ويش راي . عمير =وقال( عمير ) انا راضي وقال فلان لابله [/poem]

__________________

ياولد ياولد



وين فاتني هالطاروق



لكن الشرهه على سعد


والا خايف لا امسك الصف مع مشخص


على العموم الله لا يهيينكم ويبيض وجيهكم على هالطاروق المميز




.

__________________

بسم الله الرحمن الرحيم
السلام عليكم ورحمة الله وبركاته

والله يافاتني الطاروق الي احتريه لي كمن يوم

شعارانا الله يبيض وجيهكم على الطاروق الجميل

ولكم الف تحيه


اخوكم/عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI

طاروق في قمة الروعه
واستمتعت به وعشت جوه من جد

لانه بالفعل يستحق القراءة لما احتواه من نقض وفتل
ودرس شعري في غاية الجمال والجزاله



تحيتي يامشخص وبيض الله وجهك وصح الله لسانك
تحيتي يابو سليمان وبيض الله وجهك وصح الله لسانك

اشهد بالله انه طاروق جزل من شعراء الشهاده فيهم مجروحه


مبدعين للغايـــــــــــــــــــــــــــــــــــه

__________________
[poem font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يلي تسمع كلام فلان وتموه = وتلد بالعين يوم يدق جوالي

ماني بصافي مع الي ماصفاجوه = حتى لوانه رفيق الدرب والغالي


الشاعر/مشخص الفهري[/poem]