بسم الله الرحمن الرحيم
قصيده مهداه للأخ الشاعر/ شايع بن فارس العيافي القحطاني (حفظه الله)
((المئويه))
[poet font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
بداية كلامي قلت بسم الله الرحمن=وطلبت عظيم العرش ماني بناسيها
تعوذت بالرحمن من نزغة الشيطان=بذكره بدينا والشياطين يخسيها
على نعمتك نشكرك يالمعطي المنان=سبحانه تعالى طلبته ما نحليها
وفي دبرة المولى عظيم إلاهي الشان=الأفلاك سارت تحت تصريف واليه
اذا قال كن للشي قادر عليه وكان=وكل الخلايق تحت تدبير واليها
ياربي تهبلى من لدن رحمتك غفران=وسياتي بحسنتك يالله تمحيها
وترزقني الجنه وجرني من النيران=ياجزل العطايا جنة الخلد تعطيها
وانا مؤمن و اوحد الواحد الديان=هدانا إلى درب الهدايه ونمشيها
منار الشريعه شاع نوره من القران=وسنة رسوله سنة(ن) نقتدي فيها
يصح الصحيح ونقبله والحطا نكران=وشر البريه ضحكتني مغازيها
احب السكوت وسمّو الساكت السلطان=حكيم لظل الناس رايه يقديها
حليمٍ وهرجه في المواقف صهيل حصان=ونفسه عن اهروجٍ توطيه ناهيها
وانا احب قول الحق والحق له سيسان=ومن قال كلمه حق نفسه يبريها
وانا احب جبرة خاطر(ن)عايش(ن) بأحزان=واحب ارسم البسمه لطفل(ن) يبكيها
واوقف مع المحتاج وأقدر الشيبان= واجمع قلوب(ن) شتتها تمانيها
ولا أحب تفريق الأحبه ولا الحرمان= وانا أحب تشجيع المواهب وأربيها
ولا أحب قيل وقال والزور والبهتان=واحب اخذ الأشوار من عقل واعيها
ولا اشمت على المبلي لو هو علي شمتان=ويالله تكافينا وهون بلاويها
واحب احترام الناس وأطمئن المرضان=وأواسي الحزين وعلتي ما أبديها
ولا أحب تجريح المشاعر ولا الوجدان=وأحاسيس خلق الله لزوم(ن) نراعيها
ولاحل أمشي حجّتي وسلعتي بأديان=ولا استحقر ارجالٍ ولو كنت شانيها
واقول القناعه خير لي من عطا منان= لما أعطاك حاجه كل يومٍ يطريها
وغرور النفوس يذلها والوفا عرفان=وترا الكذب يغوي النفس الصدق ينجيها
ولا خسر محسود(ن) ولا حاسد(ن) ربحان=وترا النفس رفعة قدرها في تواطيها
وفكري من اصدوف الزمن تايهٍ حيران=امورٍ قفاها ما أنعرف من نواصيها
عسى الله يعيض بخير لا بارو الصدقان=وبارت بنا الدنيا الدنيه وما فيها
لنا الله في وقت الرخا ما أكثر الخلان=وقليل(ن) بساعة شدتي من يحاضيها
أجامل واكن الغيض وارضا وانا زعلان=ونفسي تعزز يوم بالصبر أوسيها
وبالعقل والحكمه ترا القاسيات تلان=صعاب الأمور يروض العقل عاصيها
وانا عالرجال اللي بدا طيبها عتبان=وانا أشره على داني العرب قبل قاصيها
وأاد النظر وأجامل العود والشبان=ونفسي شيمها الطيب والله مغنيها
وتأبا المهونه شيمتي لا حشا ما أنهان=ولا هانت العزه ولاني موطيها
عشقت التحدي في حياتي ومهما كان=طمرت العسيره باالعزيمه واناحيها
لثور عجاج الخيل واصتكوا الفرسان=قدرت اصل الحرّه وأعدي وأعديها
لما بانت الشاره ترا الرمي بالنيشان=أحد صاب واحد أرمش بعينه ويخطيها
واجامل واسلي خاطري بالقدر قنعان= وراضي بمقسومي والايام اجاريها
وانا أحمد يالله رابح(ن) ماني بخسران=وغاية عباد الله ماني بمرضيها
أغني ومفتاح الضمير الحكيم إلسان=وانا الشاعر اللي كلمته واثقٍ فيها
وعندي ثقه فالشعر والنفس والقيفان=ونفسي صبور وعالمصايب مضريها
انا شاعرٍ فيني لحب القصيد اجنان=وعواقب لمور أحسب حساب لقوا فيها
كرهت المظاهر كلها أشكالها وألوان=ما احب المظاهر بهرجتها ما ادنيها
وفي وقفة الشعار لا ما أحتمى الميدان= أحكم بيوت(ن) من سمعها بلش فيها
وتعمي بصيرة شاعر(ن) عارف(ن) فهمان=معاني بيوت(ن) مبهمه سرها فيها
اغني بيوتٍ تطرب الخاطر الطربان=نقشت الماثيل في صفى واعتني فيها
وانا ابيع برخص سعر لا رخصت الأثمان=بسوق الغلا تجلب غوالي ونشريها
ولا شفت شعار التباهي ودانه دان=عن اهروجهم صديت ما بلتفت فيها
بحور المعرفه وسطها اللول والمرجان=وبيض الجواهر في قعدها تخبيها
ومن قال انا خيرة هل المعرفه غلطان=ولا تهون نفسي والتواضع مباديها
فجوج الله وساعٍ(ن) بها الصبر والسلوان=ومن ضاق صدره وقفته كيف يحميها
وانا داري(ن) ان الثرثره حيلة البلشان=يجاول يوطي هامة(ن) ما يقاويها
هبيل الفؤاد اجوف فكر فاصيٍ(ن) مليان=بخيل(ن) شحيح والنميمه يهاويها
يجبك الحبل جاهل عقل ساقط(ن) فتان=حسود(ن) حقود(ن) والضغينه يخفيها
ولكن ما تمضي حجج مالها برهان= ولو يا ملوية الحجج ما نمضيها
وتبقا حبال الصدق طول الزمان متان=ولكن جبال الكذب رثه عراويها
ولا يخلف الواقع فلان وكلام فلان=لظل الحقايق والمفاهيم يغويها
ولا اشره على الجاهل وخير الهروج سمان=ولا واخذ اقلال العقول بحكاويها
ترفعت عن هرج القفاء واسفة السفهان=وترفعت عن طيش السوالف وراويها
هذا شرح موجز بعدها ياقصيدي حان=وعدنا معا طيف الهواجس وطاريها
وشوق المشاعر يرتعد والشتا بردان= وقم شب ضوك ياهجوسي تدفيها
حطبها قصيدٍ(ن) مثل جمر(ن) بلا دخان=وشعري سناها والمشاعر تصاليها
وهجعة سكون الليل يدله بها السهران=وسود الليالي هايم(ن) في حراويها
بوحشة ليالي مظلمه صبحها ما بان=سرا الليالي والقمرا سمرت بحراويها
مع سجة افكاري وهاجوسي الولهان=طرا ما طرا والنفس كثرة هقاويها
تلا لا البروق وعانقت فكري الضميان= حرارة سموم القيض والوقت حاديها
عسى الله يفرج بالمطر كربة العطشان= ويروي العطش والارض بالغيث يحييها
هميلٍٍ من الوسمي مزونه لها ودان=وتروي البراري واخضر العشب يكسيها
غصونٍٍ تمايل للهوى عودها رويان=زهور الطبيعه والنسايم تباريها
شذا الشيح والمشموم والفل والريحان= هبوبه لها في نجد شوقٍٍ يناديها
زما الموج من شرق الجزيره لها شفقان=سرح صبح يحمل نسمة(ن) من شواطيها
يرافق سلامٍٍ في ربا نجد له عنوان=محبه وتشريف(ن) لنجد وروابيها
سلام(ن) حلا من قند صافي عدد لمزان=تحية وفا تقدير واعجاب نثنيها
لمانه ثقيله وابتلا بحملها الإنسان=لونها أبت لرض تحملها رواسيها
وداعة لمين ولا نودع بها خوان=امانه بعنقه لين تاصل لراعيها
عليها كتبت اسم العيافي العريب امان=ياشايع ولد فارس وبسمه مسميها
تصبح عليك بخير يا عارب الجدان=مع دلة الصبح إتقهوى معانيها
من اعذب معاني الشعر وإمن اطرب الألحان=كتبت الرساله واعرضوها لقاريها
يا شايع تفكر وإحسب الزود والنقصان=وعطني الدليل ان كان تقدر تزكيها
بشوش المحيا يفرح بجية الضيفان= ولا شك صد وقصته من يسويها
على الماء ورد ضامي وصدر وهو ضميان=ما دام الموارد عكر الطين صافيها
يقولون كل إنسان معروض للنسيان=لشك القلوب الغافله من يصحيها
الأمواج تصفق والسفينه بلا ربان=واخاف إتّغرق قدام تاصل موانيها
ومن يستشير وشار تفتح له البيبان=ومن قنع في شوره حياته معنيها
وانا ما علي بجازي إحسانهم بإحسان=وسيه بسيه لين تصفا لياليها
ولا طار طير(ن) فالسماء ما معه جنحان=وسود الليالي ما رخص قدر غاليها
ولا قيل من عزوتك با قول من سنحان=يوم إن القبايل تفتخر في عزاويها
ولا عدت الأنساب يرجح لنا الميزان=وذروة سنام المجد نعلا معاليها
ولا بيننا يذكر ذليل وردي واهدان= خذينا سلومٍٍ طيبات(ن) ونعطيها
شيمنا الوفا والطيب من عادة الظفران=لنا من أول الدنيا ويبقا لتاليها
ولا عالقبايل زود من منسبه قحطان=عزيز(ن) مقامه والمواجيب يوفيها
ويالله تديم الخير والستر يارحمن=وتصلح قلوب أهل العقيده وتهديها
=سعيد ابوديه الحازبي
[/poet]
للمعلوميه/ القصيده عمرها ما يقارب سبع سنوات
ـــــــــــــــــــــــــــــــــــــــــــــ
وأستأذنكم لمدة شهر وذلك لقضاء بعض الإتزامات الخاصه بالمنطقه الجنوبيه
وإلى اللقاء بمشيئة الله تعالى]
11-02-2006, 09:17 PM
قصيده مهداه للأخ الشاعر/ شايع بن فارس العيافي
تعليمات المشاركة
العرض العادي
