يا ضايق الصدر بالله وسع الخاطر

يا ضايق الصدر بالله وسع الخاطر

دنياك يازين ما تستاهل الضيقه

الله على ما يفرج كربتك قادر

والله له الحكم في دبرة مخاليقه

حلو العيون استهانت دمعها الحادر

كف العباير حزين الدمع ما طيقه

حسايف الحزن يغشى وجهك الطاهر

والورد في وجنتك حرام تغريقه

يفداك قلب على ما تشتهي حاضر

يفداك باللي بقى لي من معاليقه

ما فات خله ولا تهتم من باكر

وأغنم من اليوم ما ساقت توافيقه


يقول عنها شاعرها الامير خالد الفيصل أنه كان يتمشى في حديقة منزله في الرياض هو وصاحب السمو الامير خالد بن فهد بن خالد بن عبدالعزيز ، وكانا يسيران دون أن يتكلم منهما إلى الاخر أي كل شخص منهم يسير دون كلام إلى أن تنهد الامير خالد بن فهد ( ون ) فقال له الامير الفيصل : سلامات يا خالد وش سويت ؟ رد عليه الامير خالد بن فهد : لا والله ؟ وش سويت ؟ فرد الامير الفيصل : وش سويت ؟ أحرقت نصف شجرنا بونتك وتنهيدتك ، فأكملا سيرهما فألتفت الامير الفيصل إلى الامير خالد بن فهد وقال له :
يا ضايق الصدر بالله وسع الخاطر
دنياك يا خوي ما تستاهل الضيقه

فقال له الامير خالد بن فهد : أنا طالبك لا تقول يا خوي ، دور لك شي ناعم دور لك شي حلو أزين من كلمة يا خوي لأني أبي أستانس بها معاك

فغير البيت الامير الفيصل وأصبح

يا ضايق الصدر بالله وسع الخاطر
دنياك يا زين ما تستاهل الضيقه

صح الله السان الامير خالد الفيصل

ومن اجمل قصائده هذه القصيده

اشكرك يا العابسي على هالموضوع والقصيده المعروفه والجزله لأمير الشعر والذوق

ولاهنت

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

اررررررحب يا العابسي تراحيب الحيا ..

نقل موفق يا القرم للقصه والقصيده ..

لاهنت نفداك على هذا الطرح وفي انتظار جديدك يا الذيب ..

تقبل مروري نفداك ..

أرحب يا ابو مناحي

قصيدة رائعة من قصائد دايم السيف

أشكرك على الاختيار والنقل الموفق يا الذيب

وبانتظار جديدك كما عرفناك

تقبل مروري

__________________

مشكور يالعابسي على الموضوع


سلمت يمينك وصح لسان الشاعر


كلمات رائعة وابيات جزله وسرعة بديهه

__________________

ياخي فضحوك الربع لاعاد تنسخ المواضيع وتلصق نقدتنا قدام قحطان مسوي فيها نــــــــــــــــــــــــقــــــــــــــــــــــــ ـــاد خخخخخخخخخخخخخخخخخخخخخخخخ

سلمت ودمت من كل سوء قصيدة جزله وانت جزل لاهنت

__________________

مشكووووووووورين على المروووووور

أرحب يا العابسي ..

وصح الله لسان دايم السيف على هذه الرائعة ..

ولا هنت على نقلها لنا ..

أشكرك جزيل الشكر ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..