جديده

السلام عليكم

اليكم هذه المتواضعه

[poem=font="Traditional Arabic,5,blue,bold,normal" bkcolor="transparent" bkimage="" border="none,thin,gray" type=4 line=1 align=center use=ex num="0,black"]
ياقو حكم القدر والوقت ياقوه = تخلف هقاوي عريب الجد والخالي

يلي تسمع كلام فلان وتموه = وتلد بالعين يوم يدق جوالي

وجه الصداقه حلاه شوي ومشوه = اسود ومظلم وحاديه اشهب اللالي

والي مضالك من الوقفات والخوه = لاعاد تطري على بالك ولابالي

الخوه الطيبه نوماس ومنوه = وانا خويي فداه الحال والمالي

ماني مخاويك والمقصود تلهوه = خوة نشاما تعرف المر والحالي

وانا ادرينك رفيق ٍ ماطفت ضوه = في رفقتك ماسمعت بعيد وموالي

واليوم سويتها !! والي تبي سوه = خوتك ظاعت وعرضها الخلا الخالي

خلك مع الي يغرونك على القوه = وانا يميني تكفيني عن شمالي

ماني بصافي مع الي ماصفا جوه = حتى لوانه رفيق الدرب والغالي

ودعتك الله وحبل المعرفه طوه = وانا دليله .. واعرف اقفاي " واقبالي

بيني وبين المعزه عهد وعنوه = حلفت مااخضع لغير الواحد الوالي

عندي على الطيب قو عزوم وجروه = وصية اول عيال ( العود ) للتالي

والي ماعنده شنار , وطيب , ومروه = يصبر على خوة المقفين الانذالي[/poem]


سلامتكــــــــــــــــــــــــــــم

__________________
[center]



alsamey2010@hotmail.com