حيثك زرعت الوفا واللي زرع يحصد=وبذور زرع الجمايل زانت اشكاله

بسم الله الرحمن الرحيم

إخترت لكم هذه الابيات المنقوله ,,

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
نجامـل الوقت ونجاريـه يامحّمـد=وليا ضحك من ضحك وقته ضحكنالـه
نضحك ، نجامل لو أن أحساسنا مجهد=كلن عطيناه يالصاحـب قـدر حالـه
لكن حشا لا لوجـه النـاس مانعبـد=واللي هرج بالمقفـى نقطـع أجدالـه
مانفـرش الارض للنمـام ونمـهـد=نقطع حديثه وحكيـه مـا أستمعنالـه
وصوب الوفى والوفي نقرب ، ولا نبعد=ولو ماعنـاا صوبنـا حنـا عنينالـه
لا حيث عيني بشوف أهل الوفا تسعـد=رجل الوفا ناصلـه ونفـوز بوصالـه
وأقبالك أنت ومثل شرواك بـه نسعـد=أقلط وقلّـط وتنسـى الهـم وأثقالـه
حيثك زرعت الوفا واللي زرع يحصـد=وبذور زرع الجمايـل زانـت اشكالـه
ولا الردي معـه يالممـدوح مانعقـد=صفقة صداقة ولا نسئل عـن أحوالـه
يفـداك خبلـن بـداره دايـم مجـلـد=اللي عن اهل الشهامه تقصر أحبالـه
ويفداك نذلاً ليا شاف الوغـى يشـرد=ولا بخيلـن يشـح بعيشـة عياالـه
وأنته من رجال كـل بفعالهـم يشهـد=شمر وضمن القبايل بانـت اخصالـه
إلليـا زبنهـم غريبـا نـازح مبعـد=يامن على حاله ويامن علـى مالـه
يالابـةن بالوفـا تاريخهـم مخـلـد=للظيف جنـه وفـوق الخيـل خيالـه
من عاش في كنفكم لا شـك مايظهـد=وخويكـم مايضيـق بقربكـم بـالـه
ولقولي شهود ماهي سالفـة مسـرد=ولا جمـوع يريـد يقـال ذا قـالـه
ومثلك يترجم أرشاد النـاس مايرشـد=رجلن طريق الوفا من نشوتـه طالـه
سير ترى الوقت كالمقطع من المشهد=نركـض بهالكـون والايـام ختالـه
يقولـه اللـي بديـرة صاحبـه يفقـد=حلو الكرى كان خافق هاجسه جالـه
حشود همي تجـي بالجمـع والمفـرد=وماتاه من هم عن راعيـه ماشالـه
وسوالف أهل الوفـا لهمومنـا تطـرد=وجزل السوالف لهـم القلـب قتالـه
يارجل عرف الرجال كنـوز ماتجحـد=واللي جحد عرفهم قد نقـص مكيالـه
ونضحك ، نجامل لو أن أحساسنا مجهد=كلن عطيناه يالصاحـب قـدر حالـه [/poem]

__________________

سير ترى الوقت كالمقطع من المشهـد......نركـض بهالكـون والايـام ختـالـه



صح لسانك يا سفر ولسان قايلها

اختيار طيب يالطيب


تقديري

__________________

احد(ن) فعوله تجمل بني عمه..........واحد(ن) على ربعه شرهه ومنقود

لاهنت يابوفيصل واختيارك دايم موفق والله يبيض وجهك

اختيار مميز يابوفيصل
لا عدمناك يالغالي،،،

__________________

الله يوفقك أخو عبدالله أينما قبلت وجهك ويبيض وجهك

سلمت من كل سوء

__________________

أخووي فهد شرفتني الله يشرفك بالجنه ويرحم من جابك

وياهلابك ,,,

__________________

صح لسانك يابوفيصل لاهنت على الكلام العذب وتقبل مروري

اختيار موفق ومميز
لاهنت يابو مبارك والله يعطيك العافية