حصرياً على الشبكة تغطية الحفل الذي اقامه الشيخ محمد بن جرشب شيخ شمل قبائل آل مهدي

هذه القصيدة بمناسبة تعين الشيخ محمد بن حسن بن جرشب شيخ قبائل آل مهدي


طيــر الســــعد غنــــاء رفرف جنـاحه *** وفـــي كـــل دار بين الأغصـــــــان غنا

والقـــلب ممــــا صـــــار زاد ارتيـاحه *** وصــبي عيـــني فـــي منـــــــــامه تهنا

خل الجــريج يمـــــوت بأثر جــــراحه *** لا ناشـــــــد عنـــه ولا منـــه ســــلــــنا

راح الظـــــلام وربــــــك اليوم زاحــه *** غصـــب الحـــــاسد انــــس وجـــــــــنـا

ماكــــل من يســــبح يجيد السبـــاحــة *** وراع المنـــاء مـــــــاينفـــعه لــــوتمنـا

من لا يروح وحــــــــط نفسـه براحــه *** يمـــــــوت وهو يقـــول كنـــــا وكنــــــا

هذا الثمـــــر بانت مـــواري لقــــاحــه *** فيــه الأمــــــل مـــــــاخيب الله امنــــــا

يابو حسن طير الســــعد جـــاك لاحــه *** والحمــــــــــد لله جـــــــات على متمنــا

ماخذتها يامســــــندي بالشــــــــلاحـه *** ســاس على ســـاس ولا فيــــــــه منـــا

بعض البشر ماهو يحب الصـــــراحــه *** لا قيـــــــل منــــــا قــــال بــــروح منــا

يانسل عود مات يســــقي ارمـــــاحــه *** مــن دم عــــدوانه زبـــــــــون المجنــا

يترك همـــــاج الجم ويشرب قــراحــه *** مـــــا لان في رايـــــــه ولا عنـــه لنـــا

تشهد له ارجـــــال تــــذكر اصيــاحــه *** والخيــــل لــــو هي حــــيل منه اتظنـــا

شجــــاع معروف على كل ســـــاحـــه *** ســقم الحــــريب اللـــــي لخيله يعنـــــا

فرحان بن جرشب تخـالف ارمـــاحــه *** قليــــل لــــــــو قلنـــا وقـلنــــــا وقلنــــا

كم شيخ قـــــوم مانقل من مطــاحـــه *** خلي عشــــاء لطيــــــــور جواء تثنــــا

هــــذاك وقت راح ولـــــى صبــاحــــه *** مانجهـــله لو كـــــــان ظرفه جهـــــلـنا

واليـــــوم كل حط مزهب اســـلاحـــــه *** وخـــــــلا العنــــا للـــــي بـــدربه تعـنا

في ضل حكــــام العدل والسمـــاحـــــه *** لنا الشــــرف نخـــــدم وهـــــــذا وطـنا

ابلادنا ماهــــي بــــــــلاد الاباحــــــــه *** اطـــهر وطن بارضه مشـــــينا وسكنــا

العز ثوبـــه والكرامـــة وشــــــــــاحه *** والروح دونه لــــــو غداء ماشحــــنـــا

هذا وطنـــا مـــــــلك مــاهو منـــــاحه *** منــــه ارتوينــــــا ومن طعــــامه اكنـــا

وصلاة ربي عـــــــد ذاري ارياحـــــــه *** على النبي شـــــــفيعنا لا حشـــــــــرنـا


قالها الشاعر / سعيد بن فالح بن رمهان المهداني

صح لسانك ويستاهل المدح كسابه

__________________
جعل من زوده لابن عمه مناقيد وفشيله =جعل في راسه يثور اللي سحب بيده زناده

شكرا لك اخوي سعيد على المتابعة

و نتمنى لأبو راكان التوفيق


تحياتي لك


.

أخو الاقذل أحب أن أشكر كل من قام وعمل في أنجاح هذا الحفل والله يعطيكم العافيه ويبيض وجيهكم على ما سويتوا

بيض الله وجهك يامهداني ويستاهل الراية البيضاء ابوحسن

الله لايهينك وانا اخوك ياتركي عشت يالغالي

بسم الله الرحمن الرحيم
أرحب

لاهنت ياراعي القصيده الله لايهينك و

صح الله لسانك ياسعيد بن فالح

ونعم عزالله اني اعرف اغلبية ال مهدي ورجال حطهم على يمناك

عشت ولاهنت

اخوي تركي المهداني عزالله ما قصرت بيض الله وجهك على الشغل الزين.
وبو حسن يستاهل.

،،،،،،،،،،،

اتنمنى ان يعمل معه لقاء في مجالس قحطان