تسعة وتسعين

لحظه !! ترى ماجيت اقدم لك أعذار
لحظه !! وبعده سـوي اللـي تسويـن

لحظه !! بصحِّح بيننا بعض الأفكار
وباقول لـك حاجـه قبـل ماتقوليـن

لا تحسبينـي بانثـر الدمـع وانهـار
والا اترجى واطلبـك مـا تروحيـن

روحي عسى دربك بساتيـن وازهـار
روحـي وغيـري بالمخاليـق تلقيـن

صحيح لك بالقلـب حشمـه ومقـدار
لكـن شسـوي لـك اذا مـا تحسيـن

لي قلب لامنـه عشـق حيـل مـدرار
ومن الغـلا عنـدي يكفـي ملاييـن

بس إن لقى صد وجفى صـار جبَّـار
وأقدر أفارق أهجرك لاتخافيـن

يا بنت انا لي عزتـي وبأخذ الثـار
وابغي أنصحك لأرحت اصحي تنادين

ماني براجع لاتقوليـن وش صـار؟
لاتسألينـي ليـه ؟ انتـي تعرفـيـن

غيـرك تمنونـي وبالعـب وباختـار
واعشق بدالك الـف وحـده بيوميـن

وانتي رصيدك بالغلا عندي اصفـار
ماهـو بذنبـي ماعرفتـي تحبـيـن

وكل الذي لجلك كتبتـه مـن اشعـار
والله خسـاره فـيـك ماتستحقـيـن

حتى صورك اللي من العـام تذكـار
بادوسهـا وانتـي قبالـي تشوفـيـن

يامـا عطيتـك الـف إنذار..وانـذار
أقـدر افارق..قلـت لـك : لاتحديـن

واليوم انا ليه اتعـب النفـس واحتـار
دامـك جرحتينـي وكنتـي تسلـيـن

إن كنت حي ومن طويليـن الاعمـار
لجرح بدال الجـرح تسعـه وتسعيـن

والحين يالله خلـي دموعـك امطـار
وباحاول اضحك طول ما انتي تصيحين