:::: بنت الشيووخ ::::

[poem=font="Simplified Arabic,6,black,normal,normal" bkcolor="transparent" bkimage="backgrounds/15.gif" border="double,6,black" type=2 line=0 align=center use=ex num="0,black"]
بنت الشيوخ آسف إذا صار تقصير = غلطة عمر منّي وانا ادفع ثمنها

فكل الذي تبغينه يصير بيصير = بس انّي اخضع كثّري عاد منها

يا بنت انا ماني بيالله بالخير = كرامتي يلعن ثوى من لعنها

لا تحسبين ان المحبه دنانير = وان القلوب اللي ضمنها ضمنها

بوداعة الله وقّفي باقي السير = وهذا قبر ماضي السنين وكفنها

وانا من اللي ما تحسب المخاسير = قومٍ تعز نفوسها في زمنها

قومٍ ليا من جات نطح الطوابير = كنها جبال طويق وطويق كنها

تشهد لها عتيبه معا حرب ومطير = واللي ما يعرف ينشد الناس عنها

أصل العرب ساس الرجال المناعير = وزبن الدخيل اللي نجا من زبنها

اميرها في الطيب ما مثله امير = يقدم على الهيجاء لا زادت طعنها

وكريمها وقت الليال المعاسير = كرامته دايم يقدّم صحنها

وفقيرها يرفع مقامه عن الغير = ويكرم ولو بطاقته ما شحنها

يقولها اللي ما خضع عاده صغير = الاّ اذا امّه ما رضع من لبنها

فكل الذي تبغينه يصير بيصير = بس انّي اخضع كثري عاد منها [/poem]

__________________
قالها اللي مايخوجل في كلامه _عاطفي(ن) يعتزي بالعاطفيه