ابن قرمله وابن حشر فروسية وحكمة(ودم ابن لبدة ماراح هدر)

السلام عليكم ورحمة الله وبركاته

أترككم مع القصائد لتعبر هي عن نفسها




1- قصيدة تركي بن حميد رثاءا في اخيه علوش بن صنهات بعد معركتهم مع آل عاصم ومقتل أخيه :









وبالقلب دقـاق تعومـس بـه الـدواء
حـار الطبيـب بعلـة(ن) ناقلينـهـا
تشـب السعايـر بالضمايـر وتلتظـي
كما هيش قصبـا بالضـوا مولعينهـا
أنا وا وجعـي مـن بكـرة هيضتنـي
فـي ليلـة الجمعـة تزايـد حنينهـا
تجر صليب الصوت ممـا جـرى لهـا
تجره مـن الوجلـى وفرقـا ضنينهـا
وتجرعت من عيـن سفـوح تزايـدت
كمـا مزنـة غـرا حقـوق غشينهـا
على أخوي ما شفت الغضب في حجاجه
يقـدم لهـا قـدام يـقـدم ذهينـهـا
عبد إلى أرسلتـه عقـاب إلـى شهـر
نمر إلى جـا الخيـل فـرق ضنينهـا
وش خانـة الدنيـا ولــو رغبتـنـا
جربناهـا ونـاس قدمنـا جاربينـهـا
وزبنت مـن يمنـع ولا عنـه مانـع
ربـي عـن الـزلات نفسـي يعينهـا









2- قصيدة علوش بن مذكر بن جخدب بن عضيب وهو يخاطب الشيخ الفارس مترك بن عبد الرحمن بن حشر ويمدحه وذلك عقب المعركة السابقة :









يا راكب حـر عتـق حـول نيـه
أشقر خفافه كنها صنعـة قـروش
ملفاك أبو متـرك حمـا الدوبليـة
حامي قطى الخيل من كل مدغـوش
أبشر إلـى جيتـه بفـرش عذيـة
وفنجال أشقر يودع الراس منعوش
حييـت ياراعـي الجـواد الشريـة
لاهنت يا غمـر عقرهـا بعلـوش
حنـا نكـز الشيـخ كـز المطيـة
على ظهور الخيل ماهو ب مخشوش
وحنا بنرسـل لابـن لبـده مطيـة
وحنا خذينا في جمل راس علـوش
أبـوي مايبغيـك راعـي رعـيـة
يبغيك مقدم سربة تنطـح الهـوش
تطعـن لعينـا كـل عفـرا خليـة
ترعا بطارف مهرتك غالي البـوش
والا لعينـا كـل بيـضـا عـذيـة
بنت تناوش شوقها حبهـا نـوش









وهذا البيت :







وحنا بنرسل لابن لبـده مطيـة
وحنا خذينا في جمل راس علوش







كان هذا البيت قد قيل قبل إكتشاف أن قاتل جمل بن لبده هو المريخي الذي قتله غدرا حيث كان الإعتقاد بأن قبيلة عتيبه قتلته
فقد كانت قبيلة قحطان تكثر من الغزوات على قبيلة عتيبه للأخذ بثأر جمل ، وعندما يقتلون أحدا من شيوخ وعقدا عتيبه في جمل يرفعون الصوت ب : يا ثويرا جمل يا ثويرا جمل .

واستمرت الغارات حتى أرسل أحد شيوخ عتيبه إلى محمد بن هادي بن قرمله وقال له ترى دم جمل ماهو بعندنا ، اللي ذبحه هذا وصفه وهذا وصف حصانه وهذي عزوته ، وبعدها توقفت معارك الثأر في جمل بن لبده .

وقد كان المريخي جوير عند جمل بن لبده ويحضر المعارك معه .

وعندها هرب المريخي وزبن عند الامام فيصل بن تركي ، وزبنه الامام في الجزيرة
وبعد فترة أرسل الامام المريخات في وفد وعلمت قبيلة آل سعد الجحادر بوجهة الوفد ، فذهبوا الى حيث طريق سفرهم وقتلوهم عن آخرهم وتركوا العبد ليعلم الناس بأنهم قد أخذوا بثأر جمل بن لبده ، وكانوا يعلمون بأنهم في وجه الامام فيصل بن تركي .

وصارت السالفة اللي غضب فيها الامام على قحطان وانهاها ابن قرمله بحكمته وشجاعته في ذلك الموقف ، رغم تحريض المطران والعتبان وبعض القبائل الامام عليه .

حيث قال إبن قرمله :





اللحف يبغضني على لطـم خـده
ولوني هوين(ن) عليه صرت غالي






يعني انهم يبغضوني وجماعتي بسبب الافعال التي فعلناها فيهم ، وقد أردف يقول :






وفعولنا بالضد كل(ن) يعده
يحكيه الاول لنسل التوالي






وقال أيضاً :




ما نشتحن من حرب كل الطوايـف
لاصار نهارٍ فيه طـارد ومطـرود
شد العتيبي من ورا كشب خايـف
ولا يحدّر كود يبـرى لـه القـود
وشد المطيري لموردات الرهايـف
وإن سندوا وردوا حنيظل وأبا الدود







عموما نعود للموضوع الاساسي


وبعد مقتل علوش بن صنهات قال تركي قصيدة كان يتمنى فيها لقاء آل عاصم و أن يكونوا قريبا منه ، وهي :







يــــاراكــــب مــــــــن عــنـــدنـــا فـــــــــوق شــــقـــــران
يلفي على شيخ نزل بالحظايف
يــتــلـــونـــه آل عـــــاصـــــم نـــــجـــــوع وســـلــــفــــان
وطــــــــرش عــــلــــى رعــــــــي الــمــخــافــة زهــــايــــف
لا واحسايف نزلته فوق بنبان=ليا بغى يندى بذيك الندايف
قــطــعــانــنــا مـــابــــيــــن كـــــشــــــب وفـــيــــحــــان
مــــــــا نــشــتــحــن لــــــــو حــظــبــونــا الــحــفــايـــف








فرد عليه علوش بن مذكر بن جخدب بن عضيب فقال :







يـــاراكـــب مــــــن عــنــدنــا فـــــــوق ضــبــيـــان
يــلــفــي لـــنـــا شـــيـــخ عـــديــــم الــوصــايـــف
كــــــان أنــــــت هــازبــنـــا بــمــنـــزال بــمــبـــان
دار الإمــــــــام الــــلــــي تــجــيــهــا الــنــحــايــف
مــــربــــاعــــنـــــا بـــمـــحـــقــــبــــة لا خنق بان=يوم أنت مرباعك بركبة وخايف
ربـــعـــي هــــــل الـــطـــولات ذربـــيـــن الأيـــمــــان
خـــلـــوك تــجــشــر مـــثـــل هــــــرش مــســايـــف
حــــــدوك لـــيـــن وصـــلـــت كـــــــش ومـــــــران
ونــــحــــوك مــــــــن دار الــــرخــــى لــلـــذلايـــف
يـــغـــذى لـــكـــم خـــيـــل عــريــبـــات الأثـــمــــان
شــــــــيء مــخــالــيــف وشــــــــيء عــســـايـــف
وتـــر بـعـدنـا أشـلــى لـــك مــــن الــقــرب لــــو كــــان
تــــــر قــربــنــا لـــــــك مـــــــوردات الــرهــايـــف
أمــــــا نــصــيــب دحـــيـــم والا إبــــــن شــبــنـــان
والا أنــــــت يــــــا ريــــــف الـــركـــاب الـنــكــايــف
إلــــــى ركــبــنــا فـــــــوق قـــرنــــات ألـــــــوذان
عــاداتـــنـــا فــــــــرق الإخــــــــوان الــــولايـــــف
مــــــع لابــــــة ســـقـــم الــمــعـــادي بـــالأكــــوان
بـــســـرد وجــــــرد بـــيـــن قـــــــرح وعــســايـــف










أرجو أن تنال إعجابكم ، والسموحة على الإطالة والتقصير

__________________
[poem font="Simplified Arabic,4,red,bold,normal" bkcolor="chocolate" bkimage="backgrounds/1.gif" border="solid,medium,gray" type=4 line=0 align=center use=ex num="0,black"]
(سعدية) تنطح وجيـه المشاهيـر
مابين(يـام والدواسـر) تشـاري
مطوعين اللي براسـه سعاطيـر
حتى يدنق من خشـوم الهـواري
في دقلهم يشبع به الذيب والطيـر
لانشفت الاريـاق والـدم جـاري [/poem]

أشكر الأخ القهره على أمانته الأدبية في كتابة المواضيع

والموضوع مكرر على الرابط التالي :

http://www.qahtaan.com/vb/showthread...t=%DA%E1%E6%D4

الضويري هلاا وغلاا
ابن الاروق مرحباا مليون ياخال وابيك ترد على الضويري لانك كبيرنا وتاج راسنا والمتحدث الرسمي باسم قحطان


ودمتم

__________________
[poem font="Simplified Arabic,4,red,bold,normal" bkcolor="chocolate" bkimage="backgrounds/1.gif" border="solid,medium,gray" type=4 line=0 align=center use=ex num="0,black"]
(سعدية) تنطح وجيـه المشاهيـر
مابين(يـام والدواسـر) تشـاري
مطوعين اللي براسـه سعاطيـر
حتى يدنق من خشـوم الهـواري
في دقلهم يشبع به الذيب والطيـر
لانشفت الاريـاق والـدم جـاري [/poem]

ماني المتحدث الرسمي عن قحطان

هذي لغة جديدة يالقهره

يعني معنى كلامك إني لا قلت شيء فتراه محسوب على قحطان لكان غلط

وهذي اللي مانبيها ........... والعدوان ودهم بذا الشيء لانهم يحبون يصيدون في الماء العكر



إنتبه يالقهره وخلك فطين نفداك


وردي على الضويري بيكون بيني وبينه ، لان ماهوب كل شيء معروف ينقال

لان فيه بعض الحقائق تجرح بعض القبايل ولا ودنا بذكرها على الملأ ، إلا اذا ما عاد منهاش


والسلام عليكم

السلام عليكم ورحمة الله وبركاته :
لاهنت اخي العزيز القهره
الذي قتل المريخي هو الفارس : شينان ابن لبده .

كلامك صحيح ميه في الميه يا ابن الاروق


اعتقد انه شنان بن حجاب آل سعد

السلام عليكم جميع

والشهر مبارك

يابن الاروق :

لاصار عندك علم فأظهره وانا اخوك .....
واللي يزعل من الماضي القديم ما يؤخذ في الاعتبار رايه ....

اللي صار صار .... كر وفر .....طارد وملحوق.... كاسر يوم .... ويوم مكسور ......

وانتهت بفضل من الله سبحانه .... واصبحنا بنعمته اخوانا .....

ولكن قصة مشهوره مثل هالقصة لزوم ٍ يعرفها القاصي والداني .... وخصوصا ً اعيال الشايب .... لجل ما ينزنق في سالفه يوم ٍ من الايام في احد المجالس ويظهر بعلم ٍ ناقص .....

هذي قصة من قصص الشهامه في اجارة المطرود (اجارة اقحطان للمريخات من شيخ مطير الدويش) رغم حروبهم مع الدويش ضد اقحطان فيما مضى ...

وهي قصة نذاله ( فيما فعلته المريخات في جمل ابن لبده) .....

وهي قصة انتقام ٍ شديد من الجحادر بدأ بعتيبه وانتهى بالمريخات ..... بدون وضع اعتبار لجيرة الامام فيصل ابن تركي الذي كان من الاولى ان لا يجير من خانوا العهد ضد من وقفوا معه ومع آبائه ..... والامام فيصل بن تركي لم يكن نبيا ً معصوما ً من الاخطاء ... وهذه كانت خطيئه منه.......

وهي تظهر لمن لازال يشكك في ايام اقحطان وعتيبه علو كعب اقحطان ...

هذا هو الماضي كما حدث وليس كما يود بعض الناس له ان يحدث ......

من رضى رضى ... ومن ابى فليأبى على نفسه .......

لذلك ....

اظهر السالفه كاملة لانه هنا ... وهنا فقط يمكن ان تظهر هذه القصة الدرامية وليس في اي مكان ٍ آخر .... واقول لك اظهرها لانه يبدو من كلامك وكأن لديك معلومات ٍ وفيره عنها تفيدنا اكثر واكثر .....

وتذكر دائما ً ... بأن هناك فرق ... بين من عنده ذوق ويراعي مشاعر الآخرين .. ومن هو حساس اكثر من اللازم !!

لاهنت يالقهره
وهذا موضوع عن جمل بن لبده http://www.qahtaan.com/vb/showthread.php?t=830

__________________

تركي الفهري

اللي ذبح ابن لبده من المريخات

هو مناحي المريخي


وكيف ذبحه ما عندي تفاصيل

__________________