قصيده الشاعر عبدالهادي بن عبدالله بن القعيمه القحطاني رحمة الله عليه

قصيده الشاعر عبدالهادي بن عبدالله بن القعيمه القحطاني رحمة الله عليه



[poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
بدينـا بذكـر اللـي عزيـز ورحمانـي = عزيز يعـز الخلـق ويجمـل أحوالـه
ايلاه خلق مسلم وشوعـي ونصرانـي = وكلـن علـى دينـه ولـه رب يسالـه
خلقهـم وفرقهـم بـزود ونقصـانـي = وكلن على قـدر عملـه كـال مكيالـه
وترى من تمسك في عرى خمس لركاني = يثيبه جليـل الملـك واللـي يبـى نالـه
عسى الله يزين مبتدا أمـري وختمانـي = وعسى من عبد خلاقه النصـر يهيالـه
وأنا أسباب ماهيض غرامـي وشاقنـي = زماني درس وزريت أنا أرقـع اسمالـه
احـد الليـالـي والليـالـي تحـدانـي = وما فات من دور علي قلت يسقـى لـه
أطول الامل فيها وهي طولهـا أفنانـي = ولا من بيفزع لي ومن بشتكـيها لـه
سوى اللي خلق روحي بقدره وسوانـي = وحمل سفينة نـوح ازواج واسوالـه
وهو الاول التالي الاحـد مامعـه ثانـي = وهو ناصر اللي يزهمه حيـن يشكالـه
صبرت وصبرت وكل ما في الخفا بانـي = كشف وانكشف والصيد ناحـر لختالـه
أنا بنصح اللي له جـلال ولـه شانـي = يعرب تراه يقال نصـف الولـد خالـه
يدور لمجنى من حجـا روس ضلعانـي = ليا كان يتعـب مـن مذبـه ومحوالـه
ترى الطير ماله ذنب والذنـب للجانـي = ورا مايـدور ماكـر الطيـب يعنـالـه
وترى من جنى الشبوط ماهوب ربحاني = يفرفش ولو شاف أرنب مـا قضبهالـه
وبعض المجاني فيـه حـرٍ وشيهانـي = طيـور تذبـح دقـت الصيـد وجلالـه
نبي عن اللي شفـت مانيـب غلطانـي = وفى الناس لامن غلـط ماطـاع عذالـه
أنا اشوف بعض الناس كن ماله اخواني = ولو كان ابوه عـداد اصابيعـه اعيالـه
بعضهم لخوه اضلال واحجـاب وكنانـي = وعلى كل مسقىٍ عاسـره ورد احبالـه
لربعـه محـل فـي مكانـه ومسكانـي = ويفـرح بجمعاهـم علـى مـا تهيالـه
يعيشون فـي بيتـه صغـارٍ وشيبانـي = على ما تيسـر فـي صيانيـه وادلالـه
ترى فى الرجال اللي له لسان واسنانـي = يعيشون ربعـه فـي ذرا حالـه ومالـه
يعز الرفيق ويكـرم الضيـف والعانـي = ومن دور المعروف بالخير يدعـى لـه
وترى فى الرجال اللي يسمى كحيلانـي = رع المـد والمعـروف لاقلـوا أرجالـه
وترى فى الرجال اللي يسمـى بليهانـي = يجي حمل اليفه فـوق حملـه ويشتالـه
ولاهوب مـن كثـر العلايـق بمتوانـي = كما أن الحمل لا ثقـل تعـرف جمالـه
ولايعجبك مسنح بعضهـم ولـو زانـي = لمنه تثيقـل روزة الحمـل مـا شالـه
خبيث الطبايع فـى المواثيـق خوانـي = ولو كان يمسح بيـده الوجـه وسبالـه
وترى فى الرجال مجرب بارع لسانـي = وهو ما يفضـل بيـن يمنـاه وشمالـه
لسانه على غيـر القـدا مالـه عنانـي = ويلا اقبل على اهل المجتمع يكره اقباله
وترى فى الرجال ...............انـي = يدوج مـع الاسـواق ويخايـل ظلالـه
يبي له بعض نـاس مذاهبهـم شيانـي = يـدور هـوا مثلـه ويشريـه بريالـه
وترى فى الرجال اللي يسمـى رديانـي = اردى مـن الــردى والــردى فـالـه
يسمـى الثعـل والا يسمـى نويصانـي = رديـنٍ دنيـن فـي مماشيـه وافعالـه
برابيد نقصانٍ عسـى جنسهـم فانـي = ومن فات من ذا الجنس صار أنه أشلالـه
وهل المذهب الطيب تحصلهـم اعوانـي = كما العد طاروقـه يدلـك علـى جالـه
على العز والمعروف وقدرٍ وصفطانـي = كما قالوا ان الطير ياقع علـى اشكالـه
ورفيقـي اليـا منـي تكلمـت حاكانـي = ومن خلقتـه مـا قـال ذالـى ولاذالـه
ربيعي ومصيافـي وغرسـي وبستانـي = وأنا له كما الوسمي اليا حـذرب خيالـه
ورفيقن اليا جات المواجيب مـا جانـي = ما عاده رفيق هو و شـرواه وأمثالـه
رفيقي على الدنيا اليـا صـار خلانـي = ففي الاخره مالي نصيبٍ مـن اعمالـه
اليا صـار مايفـرح بعـزي ويدرانـي = فرفيقه على الدنيـا بقـى كنـه الحالـه
ويلا صرت أنا اعـزه وعـزه تعدانـي = فيعرض وأنا بعرض وكلن علـى فالـه
بيلقا رفيق لـه علـى غيـر برهانـي = رفيق الرخـا بيبـور لامسـت حبالـه
وأنا الطيبين ربـوع عينـي وخلانـي = ومن صد من دربي فلانيب فـي حالـه
وأنا افضل أكل من كراسيـع ذرعانـي = والأ انصا الردي الحاجـةٍ اترجـى لـه
أنـا للكـلام الزيـن سيـد وسلطانـي = اجيبـه علـى كيفـي فهيمـن لعدالـه
أنـا اعدلـه تعديـل قسـم بميـزانـي = فطيـنٍ العدالـه اليـا مـال مثقـالـه
كـلامن عليـه اعـدل رهـون واثانـي = ولاني بمـن ينقـد كلامـه اليـا قالـه
وصلوا على سيد البشـر عـد ماكانـي = على محمد المختـار وأصحابـه وآلـه [/poem]


وسلامتكم

لا هنت يا خالد والله يرحم الشاعر المعروف اللي قصيده جزل

نصايحه ثمينه وعلومه غانمه

خالد العصيمي

أشكرك على نقل هذه القصيده لنا والتي تحمل في طياتها
الصدق والنصح والمنهج السليم
رحم الله عبدالهادي بن عبدالله بن القعيمه

وتقبل تحياتي

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

خادم والديه العبدي
و
سعيد بن مسعود آل مهدي

أرحبوا ثم أرحبوا

تشرفت بمروركم ---- واعجابكم بالمشاركة شرف لي

الله يرحم أبن قعيمة ويسكنه الجنة وأموات المسلمين

لاهنت ...

والله يعطيك العافية ...

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

شكرا لك اخي العزيز أبن نملان

تشرفت بحضورك --- وتكرمك بقراءة المشاركة

لاهنت

السلام عليكم


رحمتة الله عليك يا ابن قعيمه

لو انه عايش كان هو شــــــــاعـــــــــر الوطن كما ذكر ابن ريفه القرقاح
شاعر وعلم من روس قحطان

لا هنت يا خالد وعسى هذا الموضوع يذكرنا بالدعاء له بالمغفره واموات المسلمين

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

الله يجعل عظامه في الجنه

شاعر مثل قحطان الله يرحمه

لاهنت ياخالد

اخوك

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم