(( قصيدة العزوبي ))

[poem=font="Simplified Arabic,5,black,normal,normal" bkcolor="transparent" bkimage="backgrounds/6.gif" border="double,5,red" type=2 line=0 align=center use=ex num="0,black"]
قصيدة العزوبي

قــــــال الــعــزوبـــي

قال العزوبي يوم شـاف المعاريـس *** الرابـح اللـي لاقعـد مايقـومـي

أول سنـة كـلٍ يبـث الاحاسيـس *** وثاني سنة تجلب عليـك الهمومـي

وثالث سنة حط الرمـل والمتاريـس *** لابد مـن حـربٍ تقـوم وتدومـي

لامن دخلـت الـدار لاكنهـا بليـس *** متلفلـفٍ فـي غاليـات الهدومـي

تأخذ من المخباة وتسحب من الكيس *** وتغيـر الموديـل شـيٍ لـزومـي

وان قلت ما أملك يامره لوهو فليس *** قالـت تديّـن لا تكـثـر بلـومـي

ولاجيت مرة نـاويٍ لـك ب....... *** قالت تصّبـر خـل قلبـك رحومـي

ليتك تساعدنـي تصحـح كراريس *** زادوا علينا أربع حصص في العلومي

أزوارة في العصر والصبح تدريـس *** والليـل تصحيـحٍ وودي أنـومـي

تبكي إذا جاها وجع لوهـو ضريـس *** وتقول أبي دكتـور ماهـو حكومي

يروح عمرك بين عرسٍ وتأسيـس *** واربـع سنيـن والبزاريـن كومـي

وسط المطابخ بين قـز ومحاميـس *** هـذا صحـن رزٍ وهـذاك ثـومـي

والا خلصـت إمنظـفٍ الملالـيـس *** جتك تقول انهـج نبـي زود لومـي

ولا جبت قالت اكنس الحوش تكنيس *** خل البلاط يصيـر مثـل النجومـي

ومكرسٍ جهدك من الخوف تكريـس *** وان نادتك بالصوت اقبلـت مومـي

يجيك تـال الليـل دايـم كوابيـس *** ويشيبنـك مزعـجـات الحلـومـي

هذي حياة اللي ركض باغـي...... *** ضيع حيـاة أول وصـار محرومـي

تعيش يالمعـرس حيـاة المحابيـس *** وشف العزوبي بكل شارع يحومـي

من مفرق جلاجل إلى جوي للخيـس *** وان حار حايرهم بوسطـه يعومـي

يفرح إذا شاف الوتـر والمراويـس *** وفي كـل يـومٍ كاشـتٍ ومعزومي

شف العزوبي مايعـرف الهواجيـس *** ولا يـودي حرمتـه كـل يـومـي

يا عنك ماحاش الفخـر والنواميـس *** الا عزوبـيٍ يـعـرف السلـومـي

اذا اعرس المعرس غدا عندنا هيس *** ونزيل اسمه مـن سجـل القرومـي

والى بغيـت البهذلـة والدحاويـس *** فأعرس وخلك من عـداد الرخومـي

وش صابكم من عرسكم يا المفاليس *** وش استفدتوا غيـر دق الخشومـي

اللي تزوج أشهد انـه غـدا تعيـس *** والرابح اللـي ماخـذٍ لـه..........

ترى عناق العام نطت على التيـس *** والحرعقب العـرس يصيـر بومـي[/poem]

صح لسانك

ولكني بختلف معاك شوي


لا تستطيع ان تكون مضيام وبمقدم القوم الا وانت فاتح بيتك والبيت يبي له حرمه تقوم فيه

والعزوبي مسكين تلاقي هدومه منثره من اعلى الدرج لواطيه

والمجلس صار غرفه نوم

الزوجه الصالحه نعمه من الله عز وجل

وقد اتفق معاك بان بعض الحريم يخلونه مثل البومه ويوطون راسه

تحيات اخوك

أنا وناخوك أعرف المقصود ولاكن هذه القصيده لصاحبها العزوبي ..

صح لسان الشاعر وتسلم يد الناقل.

__________________

ملحف الرفيدي : الله يعطيك العافية على الرد ..
وتسلم على توقيعك واللي يبين اصل من أصول التراث

__________________

الله يعطيك العافية

لاهنت يابو زياااد

وصح لسااان الشاعر وسلمت يمينك

والعزوبي هالأيااام والله ان حياااته هي اللي في نكد ... لأن المشاااغل كثرت والمغريااات كثرت والأسواااق أكثر من البقالات ...والبنااات ما عاد صرت تدور عليهم هم اللي يتصلون عليك ويدورونك ....والله يستر بس من الطااامة اللي بتجي عن قريب اذا رااح هالجيل اللي حنا عايشين في ذراااه بعد الله

اكرر شكري وتقديري يابو زيااد

اخوك السيف النادر

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

صح لسان الشاعر وتسلم يد الناقل

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

الله يعطيكم العافيه ..