قصيدتين ... لإبن مريبد العازمي .....!!

هذي قصيدتين للشاعر محمد بن مريبد العازمي

..........

شبيت من راس الفتيل القناديل
وذبحت في ميلاد شعري تميمه

شاعر وامثل لابتي خير تمثيل
شعرن جديده يفتخر في قديمه

ابقى على حلم الليال المقابيل
تدفعني النخوه وقو العزيمه

ما اقول انا نجيب والا احمد زويل
اهل العقول الراجحه والحكيمه

لكن نحاول نرتقي جيل عن جيل
واكبر فخر إنا من امه عظيمه

ايامنا ذل وهوان وغرابيل
تهدم قيم والجهل مسرح جريمه

واعلامنا غزو عقائد وتظليل
قناة تمثيل وصحافه عقيمه

والشعر فصل حال الايام تفصيل
وجسد معاناة الشعوب الأليمه

واصدق لساني حلل الوضع تحليل
احساس شاعر نابع(ن) من صميمه

وانا ليا تغربت من غير تأويل
ارضي طموحي وافهمي يا فهيمه

انا ادري انه غرك القال والقيل
وكثرت عليك علوم راع النميمه

لكن ترى ماعاد لي للصبر حيل
ولا عدت اطيق المهزله والظليمه

صحيح اجابه صدمة الوقت وآشيل
والصبر مفتاح الفرج والغنيمه

واحاول ادور للأعذار تعليل
واقول ما ينسى نديمي نديمه

لك بين ريضان الحنايا مداهيل
ولك بالحشى حشمه وشيمه وقيمه

خوذي كلام اللي ليا قال ما يميل
وخلي كلام اهل العقول السقيمه

يا وردت(ن) مالت على ضفة النيل
يهبها ريح العبير ونسيمه

انا احتدملك وانثني واسرج الخيل
واعنلك واكرب شداد ريمه

ثلثين ليل وثلث باقي من الليل
بعد القطيف وقبل مفرق رحيمه

ترسل وانا مانيب يم المراسيل
الوضع سيء والنوايا مقيمه

رسايلك توحي بقطع المواصيل
الله يبيح اللي رعاك ويديمه

ماهو كذا تقفي وذودي مباهيل
وتهل دمعك مثل دمع اليتيمه

جرحتني توك وانا جرحي محيل
وهزمتني وانا ماعرف الهزيمه

وانا من احفاد الرجال المشاكل
بني عطا أهل الصفات الكريمه

إليا حدرنا وادي(ن) ضاربه سيل
وإليا تسندنا جبال(ن) مريمه

والمرجله لوهي ورا الجدي وسهيل
نسعالها سعي الغريم لغريمه

فهمتني والا تبي ندبل الكيل
نصيحتي خل العلاقه حميمه

لا تحسبن دمعي يبل المناديل
لا واللذي منعم عليك بنعيمه

إن رحت عني جعل دربك تساهيل
وإن جيتني غالي وقدر وحشيمه

طبعي كذا ماركض خلاف الاقاويل
وحسيبنا محيي العظام الرميمه


************************************************** *


العمر فرصة والحياة ايام والدنيا ظروف

والمشتبه بالأمر ما بين الحرام من الحلال


الشعر ديوان العرب وأنا بشعري فيلسوف

اترك اهزال الشعر وانقا من معانيه الجلال


البارحه صدر الجنوب يضيق واشوف الحسوف

وين انت يا صدر الشمال احتجت للفزعه تعال


وردت مجاهيم الليال احيام ورياحي شعوف

من يوم وقفني بدرب العشق يسألني سؤال


واقوله بيني وبينه يا عسا الحب مخلوف

ان مارجع ربحه علي والله لا أرده راس مال


كم لي وانا تكويني الدنيا على روس الكتوف

واشيل ما لا اطيق من شانك واحملها الجبال


ومديت لك ريحانة الاشواق في بيض الكفوف

قبل يجف العطر والاشواق تدفنها الرمال


وقفتني في الشارع الضيّق وممنوع الوقوف

مسار واحد والمصيبه لا يمين ولا شمال


تقول طوّفها معي واقول عيت لا تطوف

اجيبها منا تجي منا و لا فيها مجال


والحب ما ينفع معه فزعه ولا واو معطوف

والحب لو زالت جبال الارض ذكره لا يزال


يرقا على رجم الغرام ويصدمه نبض الحروف

اشوي من نسج الغلا واشوي من نسج الخيال


وش عاد لو غنيت طاروقك وصفيت الصفوف

صفٍ يبا ياقف معي وصفٍ اليا من رحت شال


والله لتبطي ما وصلت ادنى مواصيل الهنوف

الجادل اللي دمعها لارحت والاجيت سال


الجادل اللي طيفها عندي ولا كل الطيوف

ام الحلا ام الغلا ام الدلع ام الدلال


اللي هداياها ملت كل الزوايا والرفوف

طلع ابطلتها بدر ويغيب لاغابت هلال


وانا اقدرها مثل تقدير حاتم للضيوف

واطرب على فيّة غلاها كل ما مال الظلال


اعيشها عيشة عمر مابين امن وبين خوف

ازرع لها شعري وهي تسقيه من غيث الوصال


حتى خذتني عشق وانا اخذتها رغم الانوف

واسكنتها روحٍ عن اهروج البشر منفى اعتقال


والا انت قربك ما يشجعني وفرقاك امعروف

اقلط على نزف الشعر والفال يقفاه العقال


حتى لو انت الذ من تمر المدينه والهفوف

ارحل ترى ايامك خضر لكن ترى اسنينك اهزال


..............

لاهنت يابو خالد على النقل

وصح السان العازمي

أخي أبوناصر الهاجري ...

نورت الصفحه بمرورك الكريم ..


.........................

اخوي مشكووووور على الاختيار

نقل جميل

يا أبو خالد

الله لا يهينك

وصح لسان بن مريبد

لاهنت على مرورك الكريم

أخي فالح بن ناصر ..


........

والمرجله لوهي ورا الجدي وسهيل
نسعالها سعي الغريم لغريمه


بيت يعادل قصيده في نظري


هذا الشاعر لم يلقى في مسابقة شاعر المليون حقه


شاعر متميز


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

ايامنا ذل وهوان وغرابيل
تهدم قيم والجهل مسرح جريمه

واعلامنا غزو عقائد وتظليل
قناة تمثيل وصحافه عقيمه

والشعر فصل حال الايام تفصيل
وجسد معاناة الشعوب الأليمه



مبدع وراااااااااااااااائع جدا ابن مريبـــــــــد


لاهنت يبو فــــــــواز

بيض الله وجهك يا بو خالد ..

وصح الله لسان الشاعر محمد العازمي ..

شاعر متمكن .. في رأيي انه يستحق المركز الثاني في شاعر المليون .. بعد بن فطيس طبعا

وأعجبني لقائه الاخير في مجلة المختلف ..

شاعر ذو ثقل شعري وخفة دم ..


تحياتي .. العبدي ..

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

__________________