تابع @qahtaan

مجلس عذب الكلام مختارات الأعضاء والقصائد المنقوله

إضافة رد
قديم 22-09-2014, 12:19 AM
  #1
عذبه الاطباع
عضو جديد
 الصورة الرمزية عذبه الاطباع
تاريخ التسجيل: Aug 2014
المشاركات: 21
عذبه الاطباع is on a distinguished road
افتراضي الذيبه!

يابــــــوي جعلك للبقــــــا والمكاسيــــــب=عمـــري بدونك يالــذ ّرا ويـــش أبي بــه
يابــــوي تســـأل عن شفـــــاك المراقيب=طلعــــة ســــــواتك للنــــّوايف غريبـــــه
ليــــه المـــــرض مايعرف الزّيـــن والعيب ؟=مــــايدري انك للمخـــــــــاليق هيبـــــه !!
أبســــألك وش بــــه غـــزا وجهك الشيب=والقـــلب لايــــع والنـــــواظر شحيبـــــه
وش بــــك تحــــاتي لانــــوى الموت تغريب=تخشــــى عليــــنا من الليـــّالي الكئيبـــــه
خـــذ دلــّتك واركـــــى على مسند الجيب=وعطنــي شمــــاغك بلثمـــــه وأحتمــي به
ونـــروّح لأرض ٍ بهــــا العشــب والطيب=وتسمــــع كلام ٍ يالغــــلا تحتفـــــي به
يابــوي بنتك لاانحكـــــى بالتــّجاريب=كـــل ٍ يشق لهيبــــة الصـــّيت جيبـــه
يابـــوي مـــاني من ســـوات المخاريب=اللـــّي تجيب لعليــــَة القــوم خيـــــبه
ومــاني من اللــّي لامشت حفــّها الرّيب=أنا مـــن اللــّي مايـــدنـــّس حليبـــــه
مـــرفوع شـــاني عن غــرام المكاتيــب=وأكبـــر من انّني أرتضـــــي بالحبيبه
أنــا غرامـــي لاابتـــــدوا بالــتّراحيب=نفوس الأوادم في وجـــودي رحيبــــه
وان كـــان زينـــــي فتنـــة ٍ للمــصاويب=أحــــط وجهـــي بالحــــريق ولهيبـــه
زينـــي أبيعـــه وأشتــــري سمعه الطّيب=اســــم ٍ ينـــومس بالصـــّروح الذ ّهيــــبه
وان كـــان عندي ( بالحـــلا) شي ٍ اصعيب=عندي جــــدود ٍ مارضــــت بالغليبـــــه
دمــــع القبايل في لقـــانا مســــاكيب=كــــن المقــــابر لاحضـــرنا قريبــــــه
خضـــّبت لك كفـــّي من العـــز تخضيب=ورفعــــت راسي للنــّجوم الصــّعيبه
واللــــه لأســــدّك بالفــعول المصاليب=واللـــــه لأشيـــلك بالرخـــا والمصيبه
طــــلع المعــالي ماانحكــــم للشــّواريب=بنـــت ٍ وأنـــــاطح فارس القـــوم طيبه
وياشيخـــي إبشــر لوتدور الدّواليـــب=بنتـــك إلا منـــّه عــوى الذّيــب (ذيبه)


منقووله.
__________________
ﻻ اله الا انت سبحانگ اني كنت من الظالمين.
عذبه الاطباع غير متواجد حالياً  
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة مهدي ابن الذيبه في قبيلة قحطان الغنيه عن التعريف محمدال سليمان المجلس الصوتي 4 06-09-2012 05:59 PM
الذيبه التي اخافت اهل حائل فتره من الزمن خالد العاصمي مجلس عذب الكلام 5 21-02-2008 04:13 PM


الساعة الآن 09:35 AM