تابع @qahtaan

مجلس عذب الكلام مختارات الأعضاء والقصائد المنقوله

إضافة رد
قديم 03-05-2007, 06:05 PM
  #1
متن الهوى
عضو
 الصورة الرمزية متن الهوى
تاريخ التسجيل: Feb 2007
الدولة: شمال الرياض
المشاركات: 67
متن الهوى is on a distinguished road
Iwantattention العلقم

من قصائد / فهد عافت


[poem=font="Arial,5,black,bold,normal" bkcolor="silver" bkimage="" border="solid,thin,black" type=3 line=0 align=center use=ex num="0,black"]
قالت وش العلقم الترياق
ومحد(ن) ضماده سوى جرحه

كل اللقاء لو نظرت افراق
وكل البكاء من ورا فرحه

محد(ن) ربح كود لما باق
ومحد(ن) خسر كود من ربحه

مابه خلوق وعديم اخلاق
للكل نسبه من الصحه

ياشاعري والوهم حراق
أجدى من مصافحه ذبحه

خذها حقيقه من الأعماق
صدرك هو اللي طق رمحه

مافي الكتابه جديد آفاق
كم تشبه الكسره الفتحه

قلت اسمعيني وصوتي تاق
يجمع لك الكل في شرحه

إن قلت بعض الفراق عناق
أو قلت بعض الكفن طرحه

لاني بكاذب ولا لفاق
ولاني بمن نظرته لمحه

ولا به وهم ساكن الأحداق
لكنها النظره السمحه

أكبر خطأ كوننا نستاق
تعريف البحر من ملحه

إن تتبعيني أنا الأوراق
أو تهجريني أنا الصفحه

للشعر.للحب.للأشواق
لليل في داخله صبحه

بيني وبين القلم ميثاق
بيهدني أو ببني فصرحه

ذي راحتي وإسأل العشاق
العاشق كتابته مسحه[/poem]


[poem=font="Andalus,6,black,bold,normal" bkcolor="gray" bkimage="" border="solid,medium,black" type=3 line=0 align=center use=ex num="0,black"]
هينه .. دام هي هاذي فهي هينه
والله اني حسبت العاقبه عاقبه

عاد تدري هي من اول وهي بينه
شوفها .. مايبي لها نظره ثاقبه

بنت ستين كلب وزفت ومطينه
قصة النجم والخبل الذي راقبه

مابعد شفت من همي سوى عينه
كيف اجل لو همومي جتك متعاقبه

جيتك بغصن طيب زهرته لينه
كيف لو ييبس وتصفر الأوراق به

من رجا خير في شرواك ماعينه
لنت سباق طيب ولا انت لحاق به

مومس الوقت لو صلت ماهي دينه
يعرف البير واللي فيه من واق به

لاتحلف اليمين .. ولا نبي منك بينه
فارق الصدر ياالسر الذي ضاق به

كل شخص له من الذل مافينه
وكل شخص له من العز مالاق به

زين اللي تبي .. واللي تبي شينه
ماانت حول الطنايا .. لحيتك عاقبه[/poem]


[poem=font="Arial,5,black,bold,normal" bkcolor="silver" bkimage="" border="solid,thin,black" type=3 line=0 align=center use=ex num="0,black"]
ياربعنا .. مايعتذر كود غلطان
وانا عجزت ألقى خطا في خطايا

وإن قلتوا ماتعوذت من شيطان
نفسي لأني شفت سود النوايا

قدامكم .. ربي بلاني بمن شان
فعله معي لين اظلمت بي سمايا

زل وكتمت وزل وازددت كتمان
وازداد في غيه وجاني بلايا

أعطيته الصافي من العلم خلصان
من غير مااسأل من معاه ومعايا

وان كان هو من رشفة ابليس سكران
سكران انا بغبار خيل الطنايا

عاداتها تقبل تقل مالها ارسان
وعاداتنا نهدي ضحانا ضحايا

من مثل شمر علقوا يوم الاكوان
أرواحهم عقد(ن) بجيد المنايا

وانا ولد عافت سلايل كحيلان
على اسم جدي والأسامي وصايا

ياشين .. يوم الطيب نجر(ن) وضيفان
منا العطايا تستمد العطايا

ياشين .. يوم العز خيل(ن) وفرسان
ربعي عصا موسى وربعك حيايا

ويومك قنعت بسقف واهي وجدران
الضيغمي للشمس حث المطايا

لاانته بجنبي طيب أو عز أو شان
ولاانته بقدامي ولاانت بورايا

الله بلاني بك ولاني ببلشان
لاشك ودي ينطحوني قوايا[/poem]

ولكم أجمل وأرق التحايا .
__________________
اللهم قني عذابك يوم تبعث عبادك
متن الهوى غير متواجد حالياً  
رد مع اقتباس
قديم 03-05-2007, 11:17 PM
  #2
معيض بن صميع
..:: شاعر ::..
 الصورة الرمزية معيض بن صميع
تاريخ التسجيل: Aug 2006
الدولة: خيالات القصص
المشاركات: 1,201
معيض بن صميع has much to be proud ofمعيض بن صميع has much to be proud ofمعيض بن صميع has much to be proud ofمعيض بن صميع has much to be proud ofمعيض بن صميع has much to be proud ofمعيض بن صميع has much to be proud ofمعيض بن صميع has much to be proud ofمعيض بن صميع has much to be proud ofمعيض بن صميع has much to be proud ofمعيض بن صميع has much to be proud of
افتراضي رد : العلقم

أخوي متن الهوى



ياهلا وغلا ..



شكرا جزيلا لك ..



هذه المشاركة تحتوي على معاني كثيرة منها الإبداع والذائقة العذبة ..



شكرا جزيلا مرة أخرى ..



دام هذا الحضور الراقي ودمت بخير ..
معيض بن صميع غير متواجد حالياً  
رد مع اقتباس
قديم 04-05-2007, 12:25 AM
  #3
متن الهوى
عضو
 الصورة الرمزية متن الهوى
تاريخ التسجيل: Feb 2007
الدولة: شمال الرياض
المشاركات: 67
متن الهوى is on a distinguished road
افتراضي رد : العلقم

تسلم أخوي معيض .
و كلك ذوق .

عساك دايما سالم .
__________________
اللهم قني عذابك يوم تبعث عبادك
متن الهوى غير متواجد حالياً  
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:32 PM