يازارع التوت !!!

السلام عليكم ورحمة الله وبركاته

خاطره ارجو قبولها.

[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]

نيسّيتكم ياجعل ينساكم الموت=وانا ادري ان الموت ماهو بناسي

لكن ظروف الوقت ماردت الصوت=والوقت ماله في زمنا قياسي

تلعب بنا الدنيا على اشعاع ريموت=وياقل مافي الناس راكد وراسي

اهل الدراهم بين لندن وبيروت=بين الرفاهية وزين اللباسي

واهل الفقر يشوتهم همهم شوت=متقّطبين في ظهور التكاسي

الهم طاويهم على لقمة القوت=يحدهم ظرفٍ مع الوقت قاسي

واهل الختوم تبّدل بشوت ببشوت=والبعض عينه في بطون التباسي

واهل الشعر سوت دواوين وابيوت=واتسابقوا على كبار الكراسي

اللي قصيده من زمّرد وياقوت=قصيدته لاقالها شاش راسي

صم الصخر من حبكة البيت منحوت=ودك يدّرس كل عامٍ دراسي

واللي قصيده غصن يابس ومحتوت=ظفيرة التفكير فيها اللتماسي

اما يقلد واهس عقاب في نوت=شاعر غزل واحيان يقلب حماسي

ولا اقتبس بيتين من شعر بخوت=ولاّ يسوي عبقري وسياسي

الشعر ماهو لعب هندٍ وبيلوت=الشعر له دوله وقصرٍ رياسي

اما سقيت التوت يازارع التوت=ولا تريّح لاتزيد المآســي[/poem]

مضواح بن شتوي

__________________

ارحب يابو نايف تراحيب المطر

ولله درك على هذي النادره

وهذا الشعر الجزل اللي ينومس قايله ومستمعه وقاريه

تبقى يابو نايف رائد الشموخ والعز والتقدير لاعدمناك

تقبل ودي وتقديري

__________________

صح لسانك يا ابن شتوي

ابيات جزله

صح لساااانك اخي العزيز خولان بن عامرررررررررر
لك تحياتي

__________________

صح لساااانك اخي العزيز خولان بن عامرررررررررر
لك تحياتي

__________________

يازينها من قصيدة

صح لسانك يابوشتوي

قصيده ورجل

تغيب ولابديت مثل سهيل لابدى كل درى به

لاهنت وتقبل ود بحر

__________________

أقول :

سمعت لكلام الشيخ ولهرجه المليان

وصح الله لسانه ومرحوم من جابه

أنت شيخ يابن شتوي ....وعفاك

__________________