<< يالله يا رب السموات العلا >>..

بمناسبة الحملة الوطنية ضد الارهاب , تفاعل كثير من الشعار مع هذه الحملة , وإليكم إحدى هذه القصائد والتي قيلت في حفل اهالي مركز الرين بالقويعيه .. يقول فيها :

[poem=font="Arial,4,darkblue,bold,normal" bkcolor="transparent" bkimage="backgrounds/1.gif" border="groove,3,green" type=0 line=0 align=center use=ex num="0,black"]
يالله يا رب السموات العلا = يا محصيٍ حب الحصى ورمالها
يا مالك الأملاك يا مجري الفلك = والارض مرسيها بشمخ جبالها
يا منجي ذالنون من عمق البحر = يا كافل خالقك وعالم حالها
انت الاله ولا إله غيرك = تصرف لك عبادك جميع اعمالها
تحفظ جزيرتنا وطنا عزنا = ومقدسات طاهرة في جالها
واتعزنا بالنصر نصرك نصرنا = لا قفلت الابواب عسر اقفالها
وتخزي هل الارهاب بواقة العهد = وتبطل عملها لاقصرت احبالها
يسعون في قتل البري سفك الدماء = من غير ذنب للبريء اقتالها
لا نامت العالم وطاب الها الكرى = وقت الهجاد يصيحون اطفالها
على طريق الغي غاوي نهجهم = نهج الظلاله خادع جهالها
اسلاحهم وارماحهم في نحورهم = مهما تطول ايامها وليالها
عادوا هل الاسلام والدين الحنيف = واليوم مابه حيلة تحتالها
نرصد لها الغارات والموت الحمر = في ساحة الميدان نردي فالها
بمشاءة الله ما نبوق بعهدنا = لو شبت الارض بوقود شعالها
دون المليك ودون شعب المملكه = ارواحنا واجسادنا فدى لها
نفدي بغالي الروح في يوم الوغى = الصايلات نصدها حنا لها
حنا جنود للوطن ما ننثني = نقدم على الاعدا بحد سلاحها
كم وقعةٍ تشهد لنا من فعلنا = المعجزات الكود حنا ارجالها
حنا رجال نرتكي للنايبه = ما يرتكي للحمل غير اجمالها
هيباتنا يأمن بها من لا ومن = نقضي على الفتنة وشر ارذالها
جموعنا مثل البحور الهايجه = حنا رجال نرتكي لثقالها
بيادتك يا من حميت حدودها = حميتها لين استظل ظلالها
حاكم وطنا حاكم حكمه عدل = حكم العداله شالها واركى لها
فهد ملكنا عزنا في شعبنا = لا كبرت القالات حيله شالها
وولي عهده عضده اليا استصعبت = لا علقت نار الحروب اغلالها
وسلطان ثالثهم كعام المعتدي = لا شافته الاعداء تعاف اقبالها
ورابعهم الميمون درع للوطن = وامن الوطن جنوبها وشمالها
نايف وزير الداخليه ذخرنا = سيف صقيل وللعقد حلالها
لا رجح الميزان كيله واحتمل = حكامنا اللي ثابت عدالها
بالسيف الاملح والجيوش الصارمه = تسمع على جموع العدا هلاالها
تقضي على الارهاب مسموم الفكر = حصون الجزيره عزها وارجالها
تسفي هل الارهاب كاسٍ من لظى = كاس المنايا والبلايا نالها
ارفع شعارات الولاء لاهل الولاء = ونمشي بدرب جدودنا وافعالها
وختامها صلوا على طه النبي = اعداد ما يمطر حقوق خيالها [/poem]

اخووي محمد الله لا يهينك

وصح لساااان شااعرنا هادي على هذه القصيده التي تستنكر العمل الاجرامي


اللهم احفظ بلدنا من كل سوء

اخوووووووك

ابن عااااااصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

الاخ محمد
السلام عليكم

بيض الله وجهك وجه هادي
قصيدة رائعة بكل المعاني
ياليتك تعطينا قصيدتة في الامير مترك رحمه الله .

__________________
مجموعة من صوري





مدونتي

ومن قال ما يهون يا ابن عاااااااااااااصم


وتستاهل اكثر طال عمرك؟؟

الاخ / حسين بن رفعة ..
ارحــــــــــــــب يا ابن عمي ..

ابشر بسعدك القصيده موجوده وقيد النشر ان شاء الله ..

ولا هنت على مرورك ..

لا هنت لا هنت يا محمد

صح لسااان الشااعر هادي وسلمت يمينك

قصيدة جزلة ومن شاعر جزل ، والوطن يستاااهل

اكرر شكري وتقديري يا محمد

تقبل تحياات
اخوك
السيف النادر

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

الله لايهينك على القصيدة للشاعر هادي إل يستنكر فيه الأرهاب إلي بدمر مجتمعنا وامنا وامانى

__________________