مرثية في الشيخ / عبدالله بن بعيث الهاجري

السلام عليكم ورحمه الله وبركاته

مساكم الله بالخير ..


مرثية قالها ضيدان بن منصور بن قضعان في

الشيخ عبدالله بن بعيث شيخ شمل ال الحمراء بني هاجر رحمه الله ..




ليت الحزن في عين دار الجديده

ونقول حزِنِ مرنا مثل الاحزان



لكن حزن اليوم حاله فريده

حزنِ شمل كل القبايل والاوطان



حزنِ شمل يامِ بديده بديده

من قبل لايشمل مداغيش قحطان



حزنِ على شيخِ علومه مجيده

يفرح به ضعوف ويتاما وضيفان



راعي يمينِ ماتمد الزهيده

يشهد على قولي طراقي وجيران



عبدالله بن بعيث محزم عضيده

لاظاعة الهقوات بفلان وفلان



شيخ ال الحمرا فالسنين الشديده

كم فرج الكربه وكم سد ديان



وكم من سجينِ فالدجاء فك قيده

وأعتق رقبة إللي بلا أعمام وإخوان



ياحلفنا ياطيبين العقيده

ياصادقين الحلف مره وعجمان



عزالله انه راح منكم فقيده

شيخِ جمع شيخه ومسجد وقران



ولملم شمل ربعه بعينه وبيده

وخلد لهم في قمة المجد عنوان



الراس قاسي والمشابح بعيده

والقلب لين والعطيات سفطان



لوكل شيخِ ياصل إللي يريده

ماميز الله شيخ من بين شيخان



من حبه الله حببه في عبيده

ومن يعمل المعروف يجزا بالاحسان



يالله عسى الروح الفقيده شهيده

وعسى عوضنا في طويلين الايمان



عواله إللي كل منهم وليده

مقدامهم فهد وخالد ومشعان



روس الحرار النادرات العنيده

تخريجهم من مدرسة طير حوران



يالله عسى عقب الحياة السعيده

تجعل له الجنه مقرِ وعنوان

__________________

ابو علي ارحب ..

يابو علي والله ان ربي مجملك وعاينك على الطيب ..

بيض الله وجهك نفداك وجعل يمنآك ماتعطب يا القرم ..

وصح الله السان ابو منصور مدد بلا عدد ..

والله يرحم بن بعيث واموات المسلمين ( عزالله انه فقيده )

دمت لمحبك يا الشواطي ..

أرحب يا سعد ..

وبيّض الله وجهك ..

وصح الله لسان ضيدان بن قضعان ..

ورحم الله الشيخ عبد الله بن بعيث ..

لاهنت يا الغالي ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

مرحب باقي يابو ناصر ..

ووجهك ابيض جعل عمرك طويل ..

شكرا لك على هذا المرور ..

__________________

عزالله انه راح منكم فقيده

شيخِ جمع شيخه ومسجد وقران



الله يرحمه ويسكنه الفردوس الاعلى

وصح الله لسان الشاعر


الله لا يهينك يالشواطي

يا مرحبا يا مشاري ..

ووجهك ابيض يابو علي ..

شكرا على مرورك الجميل ..

__________________

هلا وغلا

كل الشكر على الطرح المميز


تحياااااااااتي

__________________

أخوي سعد الشواطي صح الله لسانك ولسان الشاعر وأحسن لله عزاهم جميعا في فقيدهم رحمه الله رحمة واسعه

شكرا لك ولاهنت ...

__________________

ارحب ترليون يابراهيم ..

شكرا على مرورك الاكثر من رائع ..

__________________