والقليب اللي جمع (شهري بقحطاني ويامي)~والله ان تسفح عجوزه دمعها من يقربه

هذة قصيدة للشاعر

محمد بن رافع الدحيمي الشهري

شاعرٍ له مع هل الطــولات والعليا مقامــي
ـــــــــــــــــــــــــــــــ جاء يقول الصدق لو كان اعذب الشعر اكذبه
في زمانٍ صار عذب الشعر من حشــو الكلامي
ـــــــــــــــــــــــــــــــ والقصـــايد روّحت عذراء ورجعت ثيبه
يرتوي من جم معناه المعاطيش الحيامي
ـــــــــــــــــــــــــــــــ الشعر يكتبه مانتّف شعره بيكتبه
يارجيلي عانش الله في غبوشش والجهامي
ـــــــــــــــــــــــــــــــ السنين عجاف والدنيا قفارٍ مجدبه
والله اني ماقدرت اصبر وانا مقهور كامي
ـــــــــــــــــــــــــــــــ من ورى صبري على ضيم السنين المحنبه
كنت اخايل بارقٍ ضوحه فتق صدر الظلامي
ـــــــــــــــــــــــــــــــ نوب يجذبني سنا برقه وانا نوب اجذبه
بارقٍ خاين كذوبٍ ياعيوني يالحلامي
ـــــــــــــــــــــــــــــــ عادته يجهرش نوضه لين تقذيش اشهبه
البلا اني كل مادورت لأسم من الاسامي
ـــــــــــــــــــــــــــــــ طحت بإسمٍ ضايعٍ معناه وازريت اعربه
شرهتي ياكبرها يادرع جنبي ياحزامي
ـــــــــــــــــــــــــــــــ الهبود الجرب ينشر في حما الذود جربه
واللحى يادرع جنبي ستر لوجيهٍ حشامي
ـــــــــــــــــــــــــــــــ وانت تدري ماستر وجه الثعل غير ذنبه
ماعطيت اللاش وآخيه الثعل جل اهتمامي
ـــــــــــــــــــــــــــــــ خابرن بين الثعل واللاش وش وجه الشبه
وان تبي تعرف علامي يوم تنشد وش علامي
ـــــــــــــــــــــــــــــــ لدّ عينك يم نجم سهيل والشوف اندبه
فاطري تضلع وانا صدّرت جم العد ظامي
ـــــــــــــــــــــــــــــــ نذر ياعدٍّ يمنّ الماء لامــوت ولا اشربه
ومن بنات الفكر في فكري ثمانٍ بالتمامي
ـــــــــــــــــــــــــــــــ سبع منهن طاهراتٍ .. غير وحده مذنبه
عاربه يالعاربه ياللي عيونش ماتنامي
ـــــــــــــــــــــــــــــــ ماقذى عينش سوى سبّابة المستعربه
جعلها تبطي الحراميه على ذمة حرامي
ـــــــــــــــــــــــــــــــ الحنش يلقى الحنش .. والعقربه للعقربه
مادفن وسط الثرى راسه سوى ربدا النعامي
ـــــــــــــــــــــــــــــــ ومن عجز يادّبه ابيه .. يحصل اللي يادّبه
ياحلالي والله ان تخسا يدين ابن الحرامي
ـــــــــــــــــــــــــــــــ ماتنوشش حد لي عرقٍ يدق النبض به
ووالله ان تبطين وانا اهيم في حبش هيامي
ـــــــــــــــــــــــــــــــ ويبطي اسمش نقش في قلبي ولا احدن يشطبه
فدوتش من تردف الغدفه على مثنى اللثامي
ـــــــــــــــــــــــــــــــ عذربيني منش ياحلو العذل والعذربه
وابشريـبي ماكرٍ ماطاح بشْبكة الحمــامي
ـــــــــــــــــــــــــــــــ من حرار الطير لامن جاع شبع بمخلبه
ميل لاهبت هبوب النود يا عود البشامي
ـــــــــــــــــــــــــــــــ ميل والعوشز عجبه او جعل عمره ماعجبه
(قزوعي .. يالقزوعي) ميّل على (ربخة تهامي)
ـــــــــــــــــــــــــــــــ ادقل ( المدقال) عرضه .. عقبها (اللعب ) العبه
ماذخرتش يايميني في رجا طق الدمامي
ـــــــــــــــــــــــــــــــ ولاني اللي هز حقوه عقب ماطق رْقبه
يانما ماكل من شل (ام خمس ) يصير رامي
ـــــــــــــــــــــــــــــــ كل وادي خابرين ماه ونعْرف حطبه
يانما هرشك فطيحه لاكبر جاه السقامي
ـــــــــــــــــــــــــــــــ الجرب قبل يتعرش غارب الهرش اكربه
والذلول اللي شحم وركينها كبر السنامي
ـــــــــــــــــــــــــــــــ اعرف ان السّن نابت في جماها .. وانتبه
قدهي توّرد وتصدر .. مايعقّلها الخطامي
ـــــــــــــــــــــــــــــــ والردي اللي زملها .. نوخته بتركبه
يانما في ذمتي من لايضيم انه يضامي
ـــــــــــــــــــــــــــــــ ومن كبر راسه كبر صالبه وابطى يتعبه
ياعسى ليل الشتا يخطيش برده ياعظامي
ـــــــــــــــــــــــــــــــ وياذلولي درهمي مابين ( بيشه وتربه )
وياخوالي كل ماهتز القنا بانخى عمامي
ـــــــــــــــــــــــــــــــ مايقص الراس غير اللي بحكمه ركبّه
مانتخيت الا ( دحيم ) مخضبة حد الحسامي
ـــــــــــــــــــــــــــــــ لابةٍ لو هازاها جنّي .. تجن الجن به
والوفا مثل الدخيل اللي زبن وجه الكرامي
ـــــــــــــــــــــــــــــــ طامنٍ في لحية النشمي ويطلع بشْنبه
ماشبعنا شبعة المعدوم بايام الصرامي
ـــــــــــــــــــــــــــــــ لو مكالفنا تغني ( حبنّا ياجندبه)
والقليب اللي جمع (شهري بقحطاني ويامي)
ـــــــــــــــــــــــــــــــ والله ان تسفح عجوزه دمعها من يقربه
وياسلام الله على دار الوفا واثني سلامي
ـــــــــــــــــــــــــــــــ من جنوبه للشمال .. لمشرقه .. ولمغربه


محمد بن رافع الدحيمي الشهري

__________________
رجـــــال الــحــجــــر

صح لسان الشاعر الكبير محمد الدحيمي


مبدع ومتالق دائما يا الحجري الازدي


تحياتي لك

__________________

صح لسان ابن رافع

ولا هان ناقلها


لاتحرمنا جديدك

__________________

لاهنت ولاهان

الشاعر الكبير


محمد الدحيمي الشهري


تحياتي يالحجري

صح لسان الشاعر



وتسلم يالشهري

سؤال / بني بكر سراه ولا تهامه.؟وهل هم في النماص فقط ؟

صح لسان الشاعر


ولاهنت يابن رافع


صراحة ، والله اني اعز اهل الحجر





تقبل مروري

والله والنعم فيك ياالشهري قصيدتك تحمل دلالات ذات قيمة شعريه عالية المستوى

شكراً لك............................................

__________________

صح لشان الشاعر ..

ولاهنت على النقل ..

بني بكر حضرهم في وادي النماص

وباديتهم من شرق النماص تقريبا ب15كيلو

حتى علو بيشه

يعطيك العافيه