ظلم الاقراب

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
تدري وش اكبر ظلم من ظلم الاقراب
=ظلم الحبيب اللي تضحـي عشانـه
تتعب لجل عينه وتسهـر وتنصـاب
=وهـو يذوقـك القهـر والاهانـه
تقول له ضحيت ويـرد ( نصـاب )
=( جحود ) والا ذي تسمـى ميانـه
تقول دمعي ذاب والقلـب بـي ذاب
=يقـول قلبـك لاتغـيـر مكـانـه
تقول انا مسحور من سحر الاهداب
=والعقل مـن سبتـك زايـد جنانـه
يقول لحظه واستمع صكـة البـاب
=ماكـل عاشـق ينتصـدق لسانـه
تقول هات اسباب مايذكر اسبـاب
=الله حسيبـه كـان قصـده لعانـه
علمني ان الحب والشـوق غـلاب
=وعرفت بانه ماعـرف لـي مكانـه
ان كان ماجاني على سلم الاحبـاب
(= الله يستر شـان قلبـي وشانـه )
[/poem]




عبدالله العصيمي
.

صح لسان الشاعر



والله لا يهينك يا سعد


اقدر اسمي اقصيدة

اكبر من ظلم الاقراب


تحياتي

صح الله لسان قايلها وسلمت يمين اللي نقلها

وبالفعل ما اقوى من ظلم الأقراب

لا هنت يا السنحاني

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

لاهنت يا كحيلان

و بيض الله وجهك

كلمات وأبيات جميلة أعجبتني

__________________

رائعه جدا

صح لسان شاعرها وناقلها

لا هنت وبيض الله وجهك

شكرا

__________________

-وظلم ذوى القربى اشد مضاضة ..............على المرء من وقع الحسام المهند


تعطيه ويمنعك ..تصله ويقطعك ..تحلم عليه ويجهل عليك


الله يصلح قلب الاقراب والمجتمع كله ..اذا الايمان موجود ...فالخير موجود


وان كان ما به ايمان فو الله ان الخير قليل والشيطان موجود ...


شكيت من ظلم الاقراب تعنيت واشقيت ..............وانا احب الخير حتى لو كانوا ابعاد

ايش اللى حصل منى لاعرفت ولادريت ............... كل وقت شفت المهانه لابقى ولاعاد

الله يشفى قلوب متوجعه بها ما ترديت .............. صافى النيه الله يجمع شملها لا راد



شكرا خوى يا/سنحانى

__________________
يا الله طلبتك دلنى كلمة المعروف .........حياتى لك يا عالم تالى قدرها