قصيـــــده شعريــــه (مفارق الغالين) روعه.

قصيـــــــده لا اعرف صاحبها ولكنها طيبه وحبيت اشارككم بها والسلام,,,
[poem=font="arial,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num=" ,black""]

الا يا وجودي وجد من داس بالدينين=ولده الوحيد اللي به النفس مفتونه
على رجعته دوبه زرق ما درى المسكين=وتوطاه بالجنزير عينه لطبلونه
وعلى صيحته يوم انتبه للولد قسمين=صرخ صرخة واغمــى عليه بدركسونه
وجو فازعين الناس من صيحة الاثنين=وجتهم تصيح امه من العلم مجنونه
تطيح وتقوم وتركض ولا عليها شين=وتضمه باياديها وتبكيه مغبونه
وطاحت عليه بعد ما جرت لها صوتين=وصاب العرب جضه من اللي يشوفونه
والاسعاف سدو دونه اهل الوفاء والدين=لاكن الحياه اللي تشوفون ملعونه
توفت قهر بعده ما خذت يومين=وهي توها غضه جميله و مصيونه
ولا فاق ابوه الا بعد ما مضى شهرين=وجاه الخبر عنها من اللي يزورونه
وخلا السرير وراح للمقبره من حين=وشاف بعيونه نجلة العين مدفونه
وجذب ونة يبكي صداها الحجر والطين=وتوفى وهو يفرك على القبر بوجونه
تريح وانا اجاوب ونيـــن القهر والبين=واجاوب حمام الورق لا ناح بلحونه
واهجل على الاقدام وامشي مع الماشين=لكني مع الهاجوس والهـم وشطونه
واساهر نجوم الليل واصبح مع الممسين=وانا غايب ذهني ولا احيط في كونه
اشوف البحر من يوم عفت الحياه اطحين=ولا ني بابين سر قلبي ومكنونه
واذا امسى علي الليل وامسو به السالين=اجر الونين ويظهر القلب مخزونه
الا واعذاب القلب الا عذاب العين=الا وعذاب الروح والروح مرهونه
طريح الهوى يبكي على زامي النهدين=ليا غاب عن عينه وهو قاصرن دونه
وانا كني اللي حط في قلبه السكين=ولا له خصيم يبرد الكبد بطعونه
يضمد جروحه من غثا الوقت اسنيـن=ومن غاب ذهنه في يده يطرف اعيونه
ولو العن الشيطان ما ينفـــع التلعين=وقعت بكمين ابليس والنفس مديونه
الا ياهلي يا حسرة القلب والعينين=فضا البيت بعد ازعاج الاطفال بركونه
ليا جيت داخل كن يضغطني البوكلين=من الضيقه اللي تضغط القلب واخونه
تهل العيون ودمعها يحرق الخدين=على اللي بصدري زايد الهم يجلونه
وياكسر قلبي بعدهم مثل كسر الصين=ويا تلته تلة غريم يتلونه
انا لو اشق الثوب من بعدهم نصين=عسى لايمي يبلاه ربي بطاعونه
وانا لو اهيم اجنان بفرقاي للغالين=عسى لايمي يفقد عياله ومضنونه
وانا لو اقفي في حياتي مع المقفين=عسى لايمي يقفيبه الوقت واضعونه
باشد الرحال وباترك الدار من ذالحين=عسى لايمي بابوه وامه يقصونه
كفاني من الدنيا سهام بعام الفين=صويبن دكاترة البلد ما يداوونه
وباصبر على بلواي لو المفارق شين=عسى الله يفرجها والارزاق مضمونه
ولا مت حطو بالنصايب علي بيتين=ترى سنة الله للمخاليق مسنونه
الا يا ابن ادم لو صفالك زمانك زين=توقع ترى الايام ماهي بمامونه
تبسم لك الدنيـا وتبدي لك السنين=ويا سرع ما تاطى على الراس ومتونه[/poem]