عميد الاشقياء

18-02-2005, 09:07 PM

لايم الوقت

عضو

تاريخ التسجيل: Jan 2005

المشاركات: 87

عميد الاشقياء

بسم الله الرحمن الرحيم
السلام عليكم ورحمة الله وبركاته
هذه قصيده معبره للشاعر .. شديد بن جارالله ال سعد القحطاني .. احب ان اشاارك بها وذلك لروعتها وغزارت معانيها والتي ارجو من الله العلي القدير ان تنال استحسانكم ورضااكم

[poem=font="Tahoma,4,white,bold,italic" bkcolor="sienna" bkimage="backgrounds/21.gif" border="solid,4,darkblue" type=0 line=0 align=center use=sp num="0,black"]

انا مالي منافس بالعنا والهم والهاجوس = تعيس اشقا شقي مع عالمٍ يشقا على الفاضي
عميد الاشقيا واللي رفعني حظي المتعوس = وانا راضي ومن مثلي على درب الشقا راضي
اقود الاشقيا واوامر الريس على المريوس = واذا صارت من القاضي فمن يقدر على القاضي
على درب الشقا يزرع له المسمار والدبوس = ولا ينفع تعيس الحظ مفزاعٍ ومركاضي
اكراب البيت ست اكراب والوسطا حفرها السوس = وكثيرين الحسايف من شقا مثلي على الماضي
كثير الناس فالحاضر يعيش بقبضة الكابوس = وانا اشوف الجفا في وقتي الحاضر ومتغاضي
هل الناموس يقزا نومها من قرصة الناموس = امورٍ في دروب العارفين اطوال واعراضي
الا ياوقت يامنحوس يوم انك تحد الموس = يكفي منك تحطيم الشعوب وكثر الامراضي
اليا منه بدا نجم الرقيب وبان نجم القوس = فلا لي ديار الهون لا قره ولا حاضي
زمانٍ يرخص احصان السباق ويغلي الجاموس = ابا هبي عليه ومن يعيشه وارخص الفاضي
واهبي من يقلد في مسيره مشية الطاووس = عسا دمه يخالطه الخبيث وعظمه الشاضي
اليا صارت عنوس وعيطموس وحظها منحوس = على حجارها اللي مات يصلى قلبها اللاضي

وسلامتكم جميعا وصح لسان شاعرنا شديد بن جارالله

[/poem]

19-02-2005, 01:36 PM

السيف النادر

عضو متميز

تاريخ التسجيل: Sep 2004

المشاركات: 816

زماانٍ يرخص احصاان السبااق ويغلي الجااموس ......ايا هبي عليه ومن يعيشه وارخص الفااضي

صح لساااان الشاااعر / شديد بن جار الله

قصيدة جزلة ومن شاعر جزل ونقلها لنا جزل

لاايم الوقت / انت وضعت نفسك الآن في ورطة ، كل يوم جايب قصيدة احلى من الثاانية ، عشاان كذا ماراح نسمح تتعدى اكثر من يومين الا وجايب لنا قصيدة ههههههههههههههه لا تقول ما علمتك ....... لا عدمتك

تقبل تحيااات
اخوك
السيف النادر

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

19-02-2005, 01:41 PM

ابن عاصم

عضو فضي

تاريخ التسجيل: Oct 2004

الدولة: هناااك

المشاركات: 1,402

اخوووي لايم الوقت يعطيك الف عااافيه واشكرك اللي عرفتنا على شاعر عملاق

وصح لساااااااان شاعرنا شديد

اخوووووووك

ابن عاااااصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه

الشاعرالكبير _ حمد بن هادي المسردي

19-02-2005, 10:13 PM

لايم الوقت

عضو

تاريخ التسجيل: Jan 2005

المشاركات: 87

الاخ الفاضل والغالي ... السيف النادر .. غالي والطلب رخيص .... مثلك وشرواك اتشرف بمعرفته واتنومس بطلبه لا طلبني شي .. عسا الله يقدرنا نقدم اللي يحوز على رضا نفسك علينا وانت وشرواك غالين ومطلبكم يشرف ويعز اللي يقوم به .... اما بالنسبه للورطه فانا صحيح متورط لان كلامك هذا زاد من همي واهتمامي لطرح المزيد من القصايد للشاعر شديد بن جارالله وغيره من اللذين سوف اشارك بقصايدهم وهم كلهم من شعرا قحطان وكبار في القدر والعمر الا انهم انشغلوا في هذه الحياة ومشاغلها ...... تدلل يالسيف النادر

الاخ الفاضل والغالي بن عااااصم ... الله يشرف مقدارك ويعزه ياعزيز المقام .. ولا اقول الا عسا الله يجعلنا علىظن المطاليق مثلك وشرواك يابن عااصم ... تقبل تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عميد الأنبياء	المعمري	مجلس الإسلام والحياة	6	04-07-2005 04:08 AM

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى