( تبقى الرجال رجال )

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=3 line=0 align=center use=sp num="0,black"]
بسم الله الهادي وصلى الله على المرسول

وآله وصحبه وأرض عن صاحبه في غاره

سبحانك أنت اللي تعز بقوتك والحول

والخيره بما الله لنا قدره وأختاره

أستغفرك وأطلبك في حسن العمل والقول

ياعون عبد باحت القيفان باسراره

ماصدت من غبة بحور الشعر غير اللول

ولاسقت كود اللي لها الآفكار محتاره

فيالله تجملني ليا من جيت أبن مقبول

ويالله توفقني لجزل الشعر وأفكاره

والحمدلله والشكر ثم الشكر موصول

للي عطاني علم أبو جبران وأخباره

بشرني وكلمته كلمة واحد مسئول

يستاهل البشت الحساوي مني بشاره

ولآني بمعتذر وعذري ماهو مقبول

حتى لو أن أهل الوفاء والمدح عذاره

مايستحق الجزله اللي وزنها مدبول

من شاعر يعرف سلوم الكيف وبهاره

إلا الشجاع اللي يصول بطنخته ويجول

إن غاب يفقد وإن حضر شرفه محضاره

طلق الحجاج وفزعة المبلي نهار الهول

اللي يقال ونعم لامن سيقت أذكاره

شروى أبن عم كلمته يظهر لها مفعول

يفداه من بشته من أهل المرجله عاره

محمد بن حسين وفعول الرجال فعول

الوافي اللي فالمواقف تؤخذ أشواره

تبقى الرجال رجال وتعيش الفسول فسول

ولا هد مآرب غير خبث الفار والفاره

لآبارك الله في هروج مالها مدلول

ولآبارك الله في ضعيف النفس وأنصاره

السجن مابه عيب وشيوخ الرجال زحول

كم شيخ قوم غرب بسجنه عن دياره

جمعان في صنعاء وأبن حثلين باسطنبول

ومن يضمن الأيام والأيام غداره

أحدن بعرفه عرف وأحدن عايش مجهول

ولكل من شل المضلع يرمي الشاره

وشرواك يامحمد على علم الوفاء مجبول

تبقى لنا ذخر وفخر والمجد لكباره

والعرق يجذب كل نشمي والقروم فحول

وكم واحد يبغى يسير الدرب ماساره

من حبه الله بارك إله بجهده المبذول

ومن طاب فعله مانقص قدره ومقداره

لآنك الذي مجلسك بشيوخ العرب مدهول

وياحي شيخ تقبس النيران من ناره

وعمر الفتى صيف وشتى وفصول عقب فصول

والشبل من ذاك الأسد والوكر لآحراره

وجبران جعله يسلم وجعل العمار يطول

يالنادر اللي بالمواقف توفي أشباره

كفو لها والصعب في عين الكفو محلول

وقفتك تغني عن طويل الهرج وقصاره

وحنا لكم سيف على خشوم العداء مسلول

ومن ينتخي باأبن الجليدي يبشر بثاره

تبقى الرجال رجال وتعيش الفسول فسول

وياحي رجل تقبس النيران من ناره[/poem]

الشاعر مسعود بن دمثه الزهيري

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

لاهنت ياناااايف

وصح الله السااان راعيها

__________________

الله الله يصح لسانك ولسان الشاعر قصيدة في قمة الجزاله ورساله واضحه بارك الله فيكم جميع وللامانه

ابوجبران يستاهل والله والنعم بالجميع ...

__________________

الله يبيض وجيهكم شاعرها وناقلها


لاهنتوا والله يصح السانك والسانه وتسلمووون


وافين ياربعنا حاضر وماضي


تقبل مروري

__________________
[poem font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]
لا تأسفنَّ على غـدرِ الزمانِ لطالمـا =رقصت على جثثِ الأســودِ كلابا

لا تحسبن برقصها , تعلوا على أسيادها=.تبقى الأسودُ أسوداً والكلابُ كِلابا[/poem]

بيض الله وجهكـ