هل أنا إرهابي؟!!!!

اخواني الكرام في شبكه قحطان الغاليه يسعدني ويشرفني الانظمام اليكم في هذا الصرح الشامخ الذي اصبح فخر لكل قحطاني واشكر المشرف الغالي ابوفيصل علي الدعوه الكريمه وهذه اول مشاركه لي معكم اتمني ان تحوز علي رضاكم واستحسانكم

الشاعر المعروف فيصل بن منصور الرياحي يقول هل أنا إرهابي؟!!!!

أن كنت كذلك ففي الأرض مليار إرهابي وأكثر اقروو هذا الرائعه وتجدوا الجواب

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

سبحان عـلاّم العلـن والغابـي=منزل (تبارك) هـازم الأحزابـي
يـارب تغفـر زلتـي وذنـوبـي=أنت الغفـور القـادر االتوّابـي
البارحـه يـوم الخلايـق نــوّمو=الكون هاجع والنجوم أسرابـي
ناديت قاف الشعر أسلـي بالـي=فربمـا قـافٍ يريـح أعصابـي
الشعر فالوقت إتخذتـه صاحـب=وأعتبره أوفى من جميع أصحابي
يعبر بي آفاق الخيـال الواسـع=ويكتب حضوري في مكان غيابي
أنـا حزيـن ولابقالـي خـاطـر=في مايسمى الضحك والإطرابـي
حزني على حال العـرب يتزايـد=ولافي يدي حيلات غير خطابـي
وهرجٍ على الطرشان ماله خانه=هدية الصـادق علـى الكذابـي
أحـب روس القـوم وأقدّرهـم=مير اللحى من دونها الأشنابـي
دون الجبل هذاك شـوك وغابـه=ودون الجبل هـذاك حـزمٍ نابـي
ودون العيون عيون ماهي زينـه=ودون الوجيه وجيه ماترضابـي
كـم واحـدٍ وده يقـص لسانـي=وكـم واحـدٍ وده يشـق ثيابـي
أنا من أفـراد الشعـوب الحـره=أنا سعودي ، وأفتخـر بأنسابـي
وأفخر بحكام الوطـن وأمـاري=وأشيل حب الدار بيـن أهدابـي
وأشره على اللي مايحب بـلاده=مهما يقـول ويشـرح الأسبابـي
حنا جزء من كـل هـذا العالـم=العالـم المحكـوم بالإرعـابـي
رعب القوى الكبرى ورعب القوه=والمـارد المتغطـرس النهابـي
حنا العرب وأحوالنـا مستـوره=من فوقنا الضرس وتحتنا النابي
حنـا العـرب والقافلـه فاتتنـا=أخر جمل فيها يسمـى أعرابـي
عشرين دوله وأكثر اكثـر منهـا=صرنا حطـب للنـار والحطابـي
فينـا المنافـق يلعـن المتمـرد=وفينا الحرامي يشمت النصابـي!
وفينا المداهن ينتخـي بالخايـن=وفينا الغبي يضحك على المتغابي
نكره لضى الحرب ونحب الكوره=ونتـابـع الفـنـان واللعـابـي
على قنـوات الفضـاء سهرتنـا=نشرب ونرقـص كلنـا ونبابـي
يوم أحمد الياسين يلفض روحـه=وحنا نغني في طـرب وإعجابـي
ياحالـة أيـام العـرب ياحالـه=قولو عليهم ، فص ملح وذابـي
كانوا منارة كل عـز ، وصـاروا=أضحوكة التاريـخ ، والأجنابـي
والله مالوم اللـي يفجـر نفسـه=على ثرى الأقصـى ولايرتابـي
متنا قهر مما نشـوف ونسمـع=دمٍ علـى دم ونعيـق غـرابـي
دمـع الثكـالا واليتامـا يقهـر=ومقابـر الشـبّـان والشيّـابـي
والقدس يصرخ والعراق ينـادي=والنار مشهـابٍ وراء مشهابـي
وحنا نقول الحرب مالـه داعـي=ونقابـل العـدوان بالترحـابـي
وأبوابنـا وديـارنـا مفتـوحـه=للقـرد والخنزيـر والسنجابـي
هيا إسمعونـي ياشبـاب الأمـه=ياحاضريـن القـول والغيّـابـي
أنتـم تلاميـذ النبـي وأحفـاده=وقدوتكم أبـو بكـر والخطابـي
أمـا وطنكـم فأكرمـوا منزالـه=ماودنا نصبـح شيـع وأحزابـي
ترى الوطن وأنتم ، مصيرٍ واحد=مثـل السفينـه وأنتـم الركابـي
ثوروا على العـدوان بـرا بـرا=ترى هذاك الموقـف الغصابـي
يابوش ياشارون ، مهمـا جرتـم=ومهمـا غلبتـم ، فالله الغلابـي
لابـد مـن يـومٍ عليكـم دايـر=يومٍ عبوسٍ به جـزاء وحسابـي
تاطـا نواصيكـم حوافـر خيلنـا=والأرض تلبس ثوبهـا العنابـي
يعتز الإسـلام وتزيـح الظلمـه=وتفكـك الأحـلاف والأقطـابـي
وترفرف الرايات فوق الأقصـى=ويعود في بغداد ( حامورابـي )
إن كان ماخلف الحقوق مطالـب=راحت سبايا في يديـن السابـي
وأقفوا عليهـا خايبيـن الذمـه=وحطوا حجابٍ من وراه حجابـي
وإن كان مافالقوم رأسٍ ساطـي=راحوا على وجه التراب ترابـي
وكان النساء ماينجبـن الفـارس=ليش الزواج ودوشـة الإنجابـي
عيالنا عاشـوا علـى قـول الله=مانعـرف الأزلام والأنصـابـي
حنا نحب الديـن مانسخـي بـه=ياكـم كسرنـا شوكـة الحرابـي
قالـوا إرهابييـن ، قلنـا حنـا=نرهب عدو الدين بالـ(قصابـي)
وإن كان الإرهاب الجهاد الواجب=ضـد اليهـود وباقـي الأذنابـي
والـذود دون مقدسـات الأمـه=والديـن والتاريـخ والأحبابـي
فلتشهـد الدنيـا ومـن عليهـا=وليشهـد الله إننـي إرهـابـي
أنا من أتبـاع الرسـول محمـ=دبدر الليالـي طاهـر الجلبابـي
السنـة الغـراء علامـة دينـي=وكتـاب رب العالميـن كتـابـي
هاذي قصيده من قصائد فيصـل=فيها الحقيقه مثـل سـم الدابـي
يقولها الشاعـر ويرفـع رأسـه=ماهمـه النـقـاد والسبـابـي
إلا على الغلطه ماهـوب يكابـر=ولاياخـذ القيفـان بالمشعـابـي
يـارب ياعالـم بـمـالا نعـلـم=أنت الكريـم المنعـم الوهّابـي
أحفظ وطنـا والملـك وإخوانـه=خدام بيت الله ، مثـار إعجابـي
وقفاتهـم دون الوطـن معروفـه=والشعب معهم ، والجميع أقرابي
مع يد ولاة الأمـر يدنـا وحـده=أعوان ضد المنحرف والصابـي
تمت وصلوا عد خلـق الخالـق=علـى محمـد طاهـر الجلبابـي[/poem]

ارحب ياعبدالله


لاهنت وبيض الله وجهك على النقل الجميل


وصح لسان الشاعر فيصل الرياحي


ننتظر جديدك لاعدمناك


ودمت بخير


.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

تحياتي واشواقي علي بن جرشان والرياحي غني عن التعريف ويعد الرياحي من الشعار الاحرار بعد
سلطان الهاجري منيف البلوي نواف العازمي زيد بن سلمي محمد بن مشيط
تركي الميزاني وكل الشعار المذكزرين اعلاه لا يعرفون طريق الانهزام شعار هجوم شرس

مرحبا مليون بالغالييين

البقاء ياسعد

والله يحييك

ويقدرني علي رضاك

انت وشرواك

نشكرك ياعبدالله

يسلم لسانك يالرياحي

انت تتكلم بلسان المواطن العربي الغيور الصالح

المغلوب علي امره كثر الله من امثالك يالرياحي

وانت ياعبدالله حياك الله ومدام هذه اولي مشاركاتك

فهلا بك وبما تقدم لاهنت لاهنت

اخوي


جاسم

هلا بك

وبمرورك

ارحب
صحيح ما تسمع أجمل
من قصائد الكبار
ولانهم يهتمون بها
فهم يبدعون
كابداع ناقلها لنا
ولاهنت ياعبدالله

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

الأخ عبدالله بن شتوي



صحّت يمناك على النقل الرائع والإختيار الموفق



وصح لسان الشاعر





لقد إستمتعنا كثيراً بما نقلت فلك الشكر الجزيل



وبإنتظار ما تجود به ذائقتك العذبه



تقبل فائق التحيه والتقدير،،،