احد ٍ يزيد الجرح في قربه فتاق .. وأحد ٍ بقربه يبري الجرح ويطيب ..!!

السلام عليكم ورحمة الله وبركاته

صباح الخير يا وجيه الخير

اخواني .. الاعزاء

قصيده متواضعه اتمنى ان تصل الى ذائقتكم الكريمه ..!!

::::::::::::::::::::

[poem=font="Arial,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الشارب اللـّي طـيّره موس حلاّق = قلـّه زمانك راح ما عاد لك صيب

هذا الزّمن كلّ ٍ على الملط سبّاق = ما عاد فيه اليوم فتل الأشانيب

راح الرّجال اللـّي لها الطـّيب ينساق=وقامت تقلّد للبنات الرعابيب

يا حيف يا دنيا العنا خاطري ضاق= بأسباب من يتبع سلوم الأجانيب

يمشي على الموضه بلا دين واخلاق= يزعم بقوله للحضاره مجاذيب

كلّه عشان عيون تلعات الأعناق=ولا يميّز بين طيب وعذاريب

عينه على الكشخه ويقول إنْه مذواق=ولا ذاق مرّ الوقت ولا شاف اصاعيب

همّه يحط الجل ويصيح مشتاق=ويقول أنا شاعر وأنا قرم وصعيب

وإليا زهمته وأنت مبلي ومنعاق=والله أنْ يبطي ما فزع فزعة الذيب

والله خساره ضمّته راعي نياق=أرفل ولاهو وافي ٍ بالمطاليب

ودّك من اقصى القلب تكفخه بطراق=يمكن يجنّب عن هل الشر والعيب

لكن صلاحه عند وهّاب الأرزاق=والمرجله قالوا تجي اوقات وتغيب

والعين ملّت شوفها اشكال وارناق=في هالقناة التي تبث التعاجيب

كل ّ ٍ ركز في البيت له ستّة اطباق= ولْشوفة المنكر يسوق التراحيب

ما عاد يجذبهم سنا ضوح برّاق=ولا عاد يطربهم رفيع المراقيب

وقلبي على شوف الزحازيح توّاق= اللّي بنوا في المجد طيب ٍ على طيب

لكنّ راح اللّي له الطّيب ينساق=وهذا زمان امضيّعين المواجيب

يا ربّ شمس الحق يبديلها اشراق = وعقب الهماج اليوم تصفى المشاريب

واستثني الطّيب على بيض الأوراق=لا عم دام العلم محفوظ بالغيب

احد ٍ يزيد الجرح في قربه فتاق=وأحد ٍ بقربه يبري الجرح ويطيب[/poem]

::::::::::::::::::::::

وسلامتكم

(( .. اخوكم / حسن بن علي الهاجري ..))

__________________

صح لساااااااااااااااااااانك



علا شاااااااااااااااااااااااانك



سلم بناااااااااااااااااااااانك



لاهنت وابيض وجه

__________________
« اللهم كما أحسنت خَلقي فحسن خُلقي »

صح لسانك على القصيد الجزل اخوك الملاطي

بيض الله وجهك ياحسن وعز الله انها قصيده جزله وان كلامك صادق وفي محله وما نقول الا الله يصلح شباب اليوم ...
احد يزيد الجرح في قربه فتاق **** واحدٍ بقربه يبري الجرح ويطيب ,,, والله العظيم حكمه

قلبي على شوف الزحازيح تووووووواق /// اللي بنوا في المجد طيبٍ على طيب



حسن بن علي



صح الله لسانك على كل حرف كتبته



قصيده وافيه من شاعر وافي



سجل اعجابي بما كتبت

__________________
قالها اللي مايخوجل في كلامه _عاطفي(ن) يعتزي بالعاطفيه

حسن بن علي



صح السانك



جزل

__________________

شكرا يا سالم على الحركان على التوقيع

قصيده طيبة وراعيها أطيب
وان شاء الله ان ما به حد من صبيان قحطان ذي العلوم فيه

صح لسانك قصيدة نادرة لاهنت

صح لسااااااااااااااانك ياوجه جنب











لك تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

فتى الجوة

مرحبا ومسهلا ويا هلا وغلا ولاهنت على التواصل والحروف الجميله والتشجيع الدائم دوووووم تحرجني يا القرم

__________________