احلى مراحل دنيتي ....!

صبحكم / مساكم الله بالخير



قصيده اعجبتني وحبيت انقلها لمتذوقي الشعر ......!




مبطي وانا قلبي غريب وعايـش بعالـم وحيـد ..





القصيده :





يا احلى مراحل دنيتي ، يا الحب يا الشوق الأكيد
يا ضي عينـي ياغـرام القلـب يـا حوريِّتـه


يا ملهمتني بالقصيد اليا طـرا نبـض القصيـد
إلْك استفاض الشعـر وانتـي نبضـه وقافيِّتـه


لعيونك آسيّل بحور الشعـر لـو كانـت جليـد
لبى حروف الشعـر دامـه فـي غـلا راعيِّتـه


مبطي وانا قلبي غريب وعايـش بعالـم وحيـد
ما كنت احسب انه يبـا يبـرا وينسـى كيٍّتـه


لين امطرتني بالغلا بيض السحايب مـن جديـد
واخضّرغصنٍ مـن يباسـه مـلّْ حتـى فيّتـه


أي والله احيا بك غلا ، واحس نبضك فـالوريد
وقبلك عناقيـد المحبـة فـي ضلوعـي ميّتـه


كل ما طريت بخاطري ، والشوق في قلبي يزيد
لين اشتكى جرح السنين العوج من حنيِّته


أمّنتك الله في خفـوقٍ صـار فـي كفـك وليـد
تروي عروقه مثل مـا تـروِ الوليـد اوخيِّتـه


حطه ما بين ارموشك الخجلا وضمه من بعيـد
أمنيِّتـه يحيـاك ،، تكفـى لا تــرد امنيِّـتـه


تدري بقلبي من جروحه صلف واحيانـاً عنيـد
الا معـك واللـي خلقنـي مـا يغيـر نيِّّـتـه


يذوب من همسات صوتك لو ضلوعه من حديـد
ويطيـر يمـك مثـل طيـرٍ مـا خـذٍ حريِّّتـه


ايحسّْ فيك ولا طرا طاريك صار الكـون عيـد
ونظرةعيونك ،، وابتسامة شفّتـك (عيديِّتـه )






للشاعر صالح النفيعي

الاخ ناصر

إبدااااع يفوق الوصف,,,وصل أعلى سماء الذوق

راااائعه جدآ يالغالي

ذائقه شعريه مليئه بالعذوبه والجمال

لك شكري

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

يذوب من همسات صوتك لو ضلوعه من حديد

.................................................. ..........ويطيـر يمـك مثـل طيـرٍ مـا خـذٍ حريِّّتـه

اشهد انه صاادق ..هههه

اررررررحب يا ناصر تراحيب الحيا ..

مجملك ربي يا الغالي قصيده دخلتنآمعها جو جو الله لايهينك نفداك على ذا الاختيار الموفق

صح الله السانك والسان صالح مدد بلا عدد ..

وااافي نفداك وتقبل مروري ..

نايف الابداع ........> فوق الوصف مرروك طال عمرك اللي يزيدني شرف وصلاابه لاهنت يالغالي

فلاح ارحب طال عمرك لاهنت يالغالي وحضضورك ششرف لي يافلاااااااااااح الله يعز قدرك يابعدي لاهنت فديتك

ارحب يا ناصر

الله لا يهينك ويعطيك العافيه على الذوق الرفيع

تحياتي0000000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

خادم والديه ارحب بارك الله فيك وفي حضورك الكريم لاهنت طال عمرك

مرحبا يا الشمري ..

متميز دائماً في طرحك ..

أشكرك جزيل الشكر ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ارحب يامشششاري التميز مرورك طال عمرك بارك الله فيك وفي حضورك الكريم

صح الله لسانك ولسان الشاعر .................

__________________