شايب نوى يشتري له وايت علشان يسقي الحلال , وذالشايب متقاعد

وشاريله رعية غنم



وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال

فقام و توكل على الله وعزم يروح يدور له وايت.



صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف.

عجب خوينا

الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح

أوصلهم وأشوف كم هو واصل سومه و إذا هم حادينه اشوف كم هو عليه.



وصل عندهم الشايب ووقف يسمعهم يحرجون , وأستانس بالحيل لأنه ماهو غالي.



ولا ذاك الرجال

ماسك الميكروفون ويحرج 50,,52,,55,,ومن قال زود ,

قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي.

وخش معهم بالحراج ,,,56,,,ويزودون...ويزود...ويزودون...ويزود.

المهم وصلوه 75,,,قام خربها وقالهم ,,,80

هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!!



يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب

وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك

بمليون ريال ذالحين ,,ذالحزه

بس مانشوف وجهك واقف معنا بالحراج .

انصدم الشايب ..أفتر راسه شوي وقال هااااا..وش السالفة..؟؟؟

مليون ريال ..وليه..؟؟

قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.



وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري

وش السالفه!!!.

طيب وش العلم علمني ..؟؟

علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي

جايبينه يرشون به الأرض علشان يحرجون.

والحراج من اليوم بــ 56 مليون و 75 مليون..وابو الشباب (الشايب) خش عليهم عرض

ولايدري وش العلم.



وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال..

وهو ماصدق. طاير من الفرحه,,مليون,,ويقول بخاطره

عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده.

الرزق مثل الأجل يتبعك



******

الله يرزقنا بمخطط بالغلط.ماحولكم وايت للبيع هههههههههه....

__________________

ههههههههههههههههههههه

الله يرزقك يابو تركي بمخطط بالغط ..

__________________

سبحان الله ... يرزق من يشاء بغير حساب

سالفة حلوة

اقتباس:

المشاركة الأصلية كتبت بواسطة أبو تركي الحرملي شايب نوى يشتري له وايت علشان يسقي الحلال , وذالشايب متقاعد وشاريله رعية غنم وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال فقام و توكل على الله وعزم يروح يدور له وايت. عجزت وأنا اجمع خمسة وثمانين ألف ويجيني ذا الرزق من الله فسبحان الله مقسم الأرزاق على عباده. الرزق مثل الأجل يتبعك

جميل هذا الطرح وكذلك هذه القصة المعبرة عن أن الرزق بيد الرحمن ..

وأشكرك أخي الغالي
أبو تركي الحرملي
فسبحان الله يوم الخميس كان هناك رجل معنا في مجلس وكان يحكي القصة

كما أوردتها ..

لو كان الأرزاق تأتي بقو ة *** ماحصل العصفور رزقه مع النسري
لكنها تأتي مداريه *** يأتيبها الرحمن من حيث لا تدري

ودمتم بودّ

سبحان الله موزع الارزاق
وعلى نياتكم ترزقون

أرزاق

__________________



لأستشاراتك القانونية أضغط هنا
لوجه الله تعالى

ههههههههههههه

سبحان الله .. أرزاق ..

زين يوم جت القصة كذا ..

قلت يمكن إنهم شباب يبغون يغشونه ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

اسعدك الله


تحيتي

.

ونعم يابو تركي


عاد به حد يبيع هنا ولا هنا


خطوات مكتوبة وأرزاق موهوبة والله على كل شئ قدير


لا يعلم الإنسان من غيبه شيئآ فليطلب الله العفو والعافية والسلامة


يجب على من يرزقه الله أن يشكر وعلى من يرى غيره رزقه الله أن يفرح له .


أبو تركي ؟


هل كنت تتمنى إنك مكانه


أنا والله أتمنى ذلك .


الله يرزقنا الطاعة والقناعة





تقبل تقديري وحكاي والسلام



.