قصة قصيدة ياكليب المشهوره.....وموقف الأمير منها

[frame="2 80"]مـــــــــــــــــــــــــــــــنقوله

بسم الله الرحمن الرحيم



إخواني في هذا المنتدى الرائع بعد التحية يسرني إن انقل لكم قصة قصيدة (ياكليب شب النار ياكليب شبه) الشهيره

ياكليب شب النار ياكليب شبه = عليك شبة والحطب لك يجابـي


هذه قصة للضلماوي والكثر الكثير يعرف هذا البيت ولاكن يجهل قائله وماهي مناسبة قوله وبعهد من .
هذه القصه امل اني أفيدكم :-
على وقت الأمير محمد العبد الله الرشيد ذاع صيت / دغمي الضلماوي الشلاقي الشمري ذاع صيته بالكرم وخاصة القهوة اللي يقول :-

ياكليب شب النار ياكليب شبه = عليك شبة والحطب لق يجاب
وعلي أنا ياكليب هبله وحبه = وعليك تقليت الـدلال ألعذابي
واغث لها ياكليب من سمر جبه = وشبة إلي منه غفي كل هابـي
باغي ليا شبيهتها ثـم قبـة = تجلـب لنـا ربعـا سراه غيابـي
بنسريه ياكليب صلفا مهبه = لأهب نسناسـه تقـل سـم دأبي
سراه بليـل وناطحيـن مهبـه = متكنفيـن وشوقهـم بالعذابـي
الوالمة ياكليب عجل بصبه = والرزق عند اللي ينشى السحابـي
صبة لقرما صرفته ماحسبه = يوم البخيل مكنهب الوجـة هابـي
وصبة لمنعورين ليا جاة نبة = يرخص بعمره والدخل لها ضبابي
وعدة عن اللي مايداري المسبه = اللي يدور بالقصيـر الغيابـي
عن الطيب عده نازلا له بغبه = يضرب علي درب الخطا مايهابي
لا باطن الهلباج خطوا الجلبة =يا حلو خبط عصيهـم بالركابـي
أطمر لهم وأبدي سلام المحبه = لا جو على هجناً يديهم خرابـي
سلام أخلى من شخاليل جبه = وأحلى من السمن الجديد العرابي
مع كبشً مصلاح راسه نجبه = لا أدبـر الهيـن متيـن العلابـي
خطو الولد يوم الملاقي نكبه = يأتي علينا من حسـاب الزهابـي
وحتى ايش لو يلبس وبين وجبه = معيرة على غضير الشبابـي
أنا لقيت الصبر يازين غبه =يرقيك رؤوس مشمرخات الهضابي
من لاصبر ياكليب في حكم ربه = هذاك يوم البعث ماله ثوابـي
يقولها اللي ما حسب المسبه = ولا عرقل الاجواد ببعض الهلابي
هذا هوى بالي وهذا مطبه = من قبـل مايسفـح علينـا الترابـي

سمع الأمير محمد العبد الله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-

الوالمه يا كليب عجل بصبه = والرزق عند اللي ينشى السحابي

يوم جاء تالي ليلة من الليالي قال الأمير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الأمير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وشبة النار .
قال الأمير محمد :- ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي إن الأمير زعلان فقبلة وقام ومد يده للامير وقاله :-

مده رهن لولاك ماقلت ياكليب = ولا قلت شب النار وصر موقدا له
في ليلة تجدع سواة المشاهيب = نسرية تلصق خليل لخله
نطعن بعزك ياحصان الاطاليب =عسى الله جمع حزمتك ما يفله
يالجوهر الناريز يالمسك يالطيب =يا عنبرا من جربه مايمله
تكفي محاليب وتملى مجاليب = وكبد تيبسها وكبدا تبله
ياطير شلوى مالقي بك عذاريب = لو تستحتي ما تجمع الطيب كله
يا بو اليتامى والارامل ومن عيب = وأبوا لمن صار العصى ثالث له
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب =سامح عسى اللي عقبك بألف حله

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ


تقبلوا تحيات

أبو صقر الزهيري[/frame]

__________________

حجز ولي عوده

__________________
بدون توقيع هذي الايام راحه

لاهنت يالذيب على النقل الرائع

__________________

أبو صقر


علومك دايم ذربه وبيض الله وجهك على القصه والقصائد الرائعه


نسمع بالأبيات كثير وأخيراً عرفنا قصتها


تقبل تحياتي يالغالي




أخوك
بن غفره

__________________



ممصمنا المبدع
تركي العلياني
ألف شكر لك

الاخ العزيز/ مسفر بن حسين بن نومه

أرحب حياك الله ويشرفني مرورك طال عمرك

ولك مني خالص الشكر والتقدير

أبو صقر الزهيري

__________________

الاخ العزيز/ بن خرصان

هلا وغلا بك ياالنشمي

ومشكور على المرور والاطلاع على الموضوع المنقول لكم

لك مني فايق التقدير والاحترام

أبو صقر الزهيري

__________________

الاخ العزيز والغالي / بن غفرة

ماعليك زود ياالغالي وأنت مع الاول دايم ومن رجال أوفياء وعلومهم غانمه

تقبل تحياتي ياالغالي

أبو صقر الزهيري

__________________

أخي أبو صقر بيض الله وجهك وكثر الله خيرك ورفع الله قدرك
حقاً لقد كنت بحاجة لهذه المعلومة فلا هنت وبوركت أخي الحبيب

__________________

اخي العزيز / بن رشد الضغير


حياك الله وشكرا على المرور

__________________

مشكور اخي الكريم على المشاركة الرائعة

تحيات اخيك الزهيري المغترب