ظاهرة حلب الإبل

بسم الله الرحمن الرحيم

أناشايف فعل غريب عليه إثبات
تسويه ناس مالقت من يطالبــها


اخص ا لرجال اللي تخلت عن العادات
تبيع الحليب وتخلت عن مذاهبها


على شارع وسط البلد تشبك الخلفات
تسلم صبي للزباين يحلبـــــــهـا


ولاها حلالي قوم ما يحصي الحلبات
تولى عطايا الله نشيط يعاقبـــهـا


ولا همه إلا قول يازول دوك وهات
على كل وقت لا بغى الحلب مدبها


ينادي على عشرة تعود على العشرات
تليم على الشارع خدوش يشربهــا


عليها تشوف الزول لا سلهمت سلفات
وعمه يحسب كل الآله مكاسبــــها


على الشارع الأصفر تحت اشعة اللمبات
تهامل دموع عيونها اللي تشوفبها


ترى حلبة الناقة لها يارجال أوقات
ولاهو بدايم كل وقت تقربـــــــــها


لها حزة تحلب ولا تنحلب حزات
وانا اخص ناس كل ساعة تراقبـــها


كلامي يخص اللي شبك خلفتة بالذات
وباقي الرجال الطايلة ما نعاتبـــها


وبه واحد قالي مره من المرات
يقول احتلبنا دمها مع محالبـــــهـــا


غريبة على راع الوطن يخلف الهقوات
يغير سلوم في الجزيرة نفوزبــهــا


نسى اللي عليه جدودنا في زمان فات
سلوم تغير سلوم هلنا نحاربـــــــهـا


ابغى انخى هل الشيمة وبنخى هل النخوات
زحول الرجال اللي خذت ثلم شايبـــها


سلايل رجال تنثني حزت الغارات
وكم حرة زيد أبعدوا راس راكبــــــهـا


سلايل هل الطالة سلايل هل النخوات
تلد النظر وضعوف الأنفس تعاتبـــهــا


مدام الشجيع اللي تعزوابها ما مات
يعجل عليها فزعته لا يشحبـــــــهـــــا


وان به شرهة لواحد يفهم الشرهات
يقابلبه اللي ما يحس بعواقبــــــهـــــا


نبا العاقل اللي كلمتة تنفهم بسكات
فهيم حكيم كل دعوى مجربـــــهـــــا


يقول اتق الله واحد يفرج الضيقات
تحسن بها ولا على السوق فجلبـــــها


ترازم عطايا الله تبى منكم الفزعات
على اللي قناها ما عرف قدر واجبـــها


حجزها بشبك واحد يجهل الشيمات
قلو عطايا الله ورى ما تروفبــــــــــــها


عقب ما تمشى في الجزيرة زمان فات
وتسج الديار اللي ساع مناكبـــــــــــهـا


ولبنها لأهلها مدة واجزل المدات
تقاليد لأهل المملكة لو نطوفبــــــــــهــا


انجدد عوايدنا ولا نفرح الشمات
ونشجع سلومنا ما نخربــــــــــــــــهــا


يقولون للراعي لا شفت النشاما جات
تبد الحليب اللي يدسم شواربـــــــــهـــا


وتحلب الروس ضيوفها وبرك الحزات
ودوم النشاما في المبادي تعزبـــــــهــــا

__________________

أحسنت بارك الله فيك وصح لسان الشاعر

احسنت يا حسين ودمت في حمى الرحمن

__________________

لاهنت يالربيعي وبارك الله فيك



والعجب ليس من اللي يبيعون فقط



بل العجب من اللي يشترون




لاهنت

صح لسانه الشاعر
ولاهنت أبيض وجه صاحب الموضوع

صح لسان الشاعر

ولاهنت ياالربيعي وبارك الله فيك ..

__________________

صح لسان الشاعر

ولاهنت ياالربيعي وبارك الله فيك ..

__________________

بارك الله فيك ولك مني جزيل الشكر