بماذا اعبر لك ياوطن وياجيشنا الباسل وياجنوبناالأشم

قصيدة من داخل اللواء الثامن عشر يرددها اللواء المشارك

وتبيّنت .. يا ذيل المجوسـي وجالـك شـان
على حساب أهل حفـظ البـلاد ومشاعرهـا
ف لا أدري تبي تحقق بعض ما تبي طهـران
أو إتصيـر خامنئـي اليمـن يـا مسعرّهـا
ولا أدري ولا أدري لكن الراجح اللـي بـان
عسـام الكبـود اللـي وطينـا صوابـرهـا
على ايدي اللوا الثامن عشر في ثرى جيزان
مـن الغاويـة والعرسـة ومـا يجـاورهـا
بعـد تـم تطهيـر المواقـع علـى دخــان
نـهـار أرزمــت - f 15 - بذخايـرهـا
تقول إنهـا لا ميّلـت مـن علـى الضلعـان
فـروخ الحـرار اللـي تــودّع مواكـرهـا
عليهـا إتّـوارد كنّهـا .. تعانـق الـخـلان
تقـول المنايـا عمرهـا الـلـي يعمّـرهـا
تحتها طراز - التورنيدو - سعـوط الجـان
عليهـا المنايـا اللـي سطرهـا مظفـرّهـا
يا كني بهـا قالـت بعـد ضمـت الجنحـان
عليـهـا عليـهـا الله يلـعـن محـدّرهـا
بجوّ أرض زغرد ( هيل فاير ) عيـان بيـان
من أيمان مـن بالحـرب تفقـد مشاعرهـا
من الفتـك باللـي روسهـا كنهـا الديبـان
تقـول إن مَلْـك المـوت بأسفـل شناكرهـا
و وين أنت يالخذلان .. وين أنت يالخـذلان
فـلا كـن بـه روح علـى شـان تذخرهـا
لـواء واحـد !! ولكنّـه المـوت والطغيـان
تقول إن جيوش المملكة جـت عـن آخرهـا
عوايد هل الفعـل ومـوارث هـل الأكـوان
ليا فرّعـت حـرب الـدّول عـن ظفايرهـا
فدى روسهم راسٍ من الغبـن جـرّ ألحـان
وعـضّ الشّفـاه اللـي تلاطـم حسايـرهـا
على ما ورى النّهريـن ممـا حوتـه ايـران
بلاد المجـوس أهـل المصايـب ومصدرهـا
بلاد المجوس اللـي تباكـى علـى السلطـان
فـلا عـاد بـه كسـرى يخـزّم مناخـرهـا
ولا عاد به رستم .. ولا عـاد بـه مهـران
ولا روزبَـهْ / رتْبيـل / بهْمَـن / وأكابرهـا
تلاشت معا ذا الحاجب / وزَرْمَهَـرْ / بـاذان
وأساطيرهـا اللـي فـجّ الإسـلام منحرهـا
عبث تبني الأمجـاد بإسـم أعظـم الأديـان
بعـد جِـزّ بـأيـام الفتـوحـات دابـرهـا
وعبث تبني الماضي .. عبـث ترفـع الآذان
وتخفـي خـلاف اللـي بـالأراء تظهـرهـا
ولكـن علـى رسـل التوجّـاد يـا عبْـدان
عسـى لا سِقِيـت إن مـا سقتنـا عبايرهـا
لنا يوم فـي ذكـره تبـي تسـري الركبـان
يعـزّا معزيـهـا .. و يبـشـر مبشـرهـا
لنـا يـوم ولا الحوثـي ومـا ورى دخـان
بدايـة نهايـة مــن كشفـنـا بـوادرهـا
على الله علـى الله والخفـي تاليَتْـه يبـان
كالأسحار لا انقلبـت علـى راس ساحرهـا
وإلى يومها نبقى ويبقـى الوطـن منصـان
تحـت رايـة ملـوك الجزيـرة وأكابـرهـا
ف سلامي على الجيش السعودي ورى جيزان
مـن الغاويـة والعرسـة ومـا يجـاورهـا
رجـال المواقـف لا أقمـر الليـل بالطغيـان
دروع الجزيـرة يـا عسـى الله ينصـرهـا
ونبقى تحت أمر الوطـن .. محـزمٍ مليـان
متى ما أعطـت الشعـب القيـادة أوامرهـا

---------------------------























الأبطال يؤدون الصلاة في أرض المعركة
بإذن الله لن يخيبكم الله
فالله معكم اينما كنتم يارجال الوطن الأشاوس

الأمير محمد بن ناصر في موقع المواجهة






























حنّا جنود الله من دون الوطن .. وحدودنا بآرواحنا عنها نذود
ياخادم البيتين ندفعها ثمن .. ارواحنا ترخص ولا توطى الحدود

حنّا خلقنا الله نبيد اهل الفتن .. نرفع شعار الحق ويموت الحسود
الظلم لا من بان بالحق اندفن .. وإنا عدو الظلم من عهد الجدود

يشهد لنا التاريخ في اوقات المحن .. حنّا هل العوجاء على الهقوى نزود
ياشيخنا بالصوت نعلنها علن .. ونعاهدك ماعن عدو الله نحود

الأرواح دون الدار للموت اطلبن .. تبقى عزيزه عن طلاسيم اليهود
ارواحنا للذل والله ماظرن .. اما حياة العز والا للحود

حنّا ندور للشهادة من زمن .. واكبر جزى للموت جنات للخلود
من دون بيت الله نبي لبس الكفن .. ماعاد يحسب للعمر نقصٍ وزود





اخوكم محمد السحيمي

بيض الله وجهك يامحمد

مشاركة رائعة بماتعنيه الكلمة ومشاعر صادقة ووطنية ووطن نعتز به جميعا

ياويلكم يالحوثيين .............

ارررررحـــــــــــــــــــــــــــــــــــب


يالسحيمـــــــــــــــــــــــــــــــــي



اقسم بالله اطربتنا بهذا المشهد الحي من موقع المعركه بمشاهدة الاشبال الابطال

اصحاب الوجيه النيره

وبعدين ياشباب لم يشارك في هذه المواجهه سوى عدة كتائب من اللواء الثامن عشر ومساندة الكتيبه الخاصه

وطائرات قليله واشير بأن يوجد هنا بالمملكه افضل قاعده جويه بالشرق الاوسط يعني لم يتم الاستنفار الامني من الالويه الباقيه


والقطاعات الاخرى ولله الحمد والا كان وصولهم الى المحيط الهادي


يدل هذا الى صغر المواجه وضعف المواجهه ولكن الاعلام جعل صخب كبيييير


وفي الاول والاخير تتم راية الحق لااله الاالله محمد رسول الله خفاقه بفضل الله ثم بفضل حكامنا ثم بفضل هذا الشعب




اخوي محمد اشكــــــرك كل الشكــــــــــــر

__________________
بعــــــض البشـــر مـن طـبـعـــه مقـــدر و محشـــــوم

وبعـــــــض البشـــــر عيــب عليـــك احتـــرامــــــــــه


اللـــي ستـــــــر عيبـــه عـن النـاس بهــــــــــــدوم

وش يستــــــــــره لاصــار عيبـــــــه كــلامـــــــــــــــه

بيض الله وجهك يا السحيمي عاى هذه المشاركة ..

شكرا لك يا مبدع الشبكة ..

تحياتي لشخصك الكريم ...

__________________

بيّض الله وجهك يا السحيمي ..

موضوع أكثر من رائع ..

بيض الله و جهك يالسحيمي و لاهنت

شئ يؤفع المعنويات و يتركز له شعر الرأس ..

لا هنت




و اليوم و إن عدة النار للنار و تلفتوا فينا ضعاف الظنوني
يا دار حن درعك من الـغـدر نفنى و تبقى أم العيال الحنوني
حنا فداء للدار و الوالد البار الموت من دون الكرامه يهوني
دون الكرامه ينتثر دمنا الحار أشرف لنا من دمع نجل العيوني

بيّض الله وجهك يا السحيمي

الله ينصرهم ويعز الاسلام والمسلمين ويرجهم لاهلهم سالمين غانمين

لكم جميعا كل ودي وتقديري ..

تقبل الله شهدائناوشفى الله جرحاناونصرالله جنودناالبواسل على المعتدي وردكيد من اراد بوطنناسوء في نحره وجعل تدبيره تدميراعليه.


حفظ الله الوطن واهله من كل مكروه

لا هنت يا محمد السحيمي

__________________



كثر الله خير و جمل الله حالك ياهبشان
لو أنني كنت شاعراً لكتبت معلقة غزل في روعة و جمال هذى النظام
أضغط على الصورة

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهظ بها
بصدق وأمانه
وبلا تذمر

أرحب يا السحيمي وبيض الله وجهك والله

وكأني معهم يوم اشوف الصور اللي اطربتنا فيها

والله ينصر جنودنا البواسل جنود الحق والمجاهدين الحقيقين

ودمتم لمحبكم ابن دغيم

__________________