ابـــــــــــــن هاااااااااااااااااادي

المشاركة الأصلية كتبت بواسطة العبدي

يقول عبيد بن رشيد في ابن هادي :




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
جانا جوابك يالشجاع ابن هادي = تقول لك بكروش عندي مثاني
[/poem]

وقال في موضع آخر مخاطبا عباس باشا :





[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يابيه انا لكروش لااهدي ولاابيع =قبلك طلبها فيصل وابن هـادي
[/poem]


من قصيدة الشاعر/ سعد القرقاح العبيدي القحطاني ، عندما حل على القبابنة من السهول يمتدحهم لجميل اكرامهم له ، ومنها ذكر طرفا عن جماعته ، ويقول فيها :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


قلته وأنا مانيب راعي مواكيـل =مير أعجبوني بالكرم والشجاعه
قلته وأنا من روس ربعٍ مشاكيل=اللي خذوا علمان نجـدٍ قلاعـه
آلاد قحطانٍ كما دافـر السيـل= اللي ظعنهم للمعـادي مراعـه
[/poem]

وقال تركي بن حميد ممتدحا ابن هادي :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


ياراكب من فوق سلسات الاقـران =فج العضود وساسهن من عمانـي
ملفاك من يروي شبا مقدم الـزان =عيد الركاب اللي بها الحيل وانـي
شيخ نشا بالطيب من روس قحطان =عاداتهم فـك النشـب والعوانـي
[/poem]

ويقول :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


ملفاك شيخ بالقسا يذبـح الكـوم =شيـخ وشيخـان القبايـل تدلـه
تلقى محمد زبن من جاه مظيـوم =زبن الذليل اللـي مخيـف محلـه
شيخ على الشيخان له حق ورسوم =تخاف من غيضه وتمشي رضا له
جانا من الشايب مكاتيب وعلـوم = حي الكتاب اللي لفى حشمـة لـه
الشايب اللي ينقل الكبـر والـزوم =باغي لحكمي مير انا عاصي لـه
الله يغشك يـوم غشيتنـا اليـوم =تقرا الكتـاب ولا تهـاب المظلـه
[/poem]

تدله لكي تقدم له الجزية وتكسب وده
ولاتهاب المظله : اي لايخشي خوض المعارك

ويقول :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


يالله ياللي ماش حـال يكـوده =رب لطيف صرف الريح تصريف
ارحم اللي وحدوا بـه جنـوده =حد صلح وحد تحدر على السيف
[/poem]
ويقصد بحد صلح !! يعني ادى الجزية لابن هادي

ويقول في قصيدة له أخرى :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


منصاك ابن هادي ريف هشالة الخلا= ريف الهجافا في ليالـي عسورهـا
في مجلسه تلقـا علـوم طرايـف =وحيل تاطاهـا كـل يـوم قدورهـا
قل له طلبنا الصلح منكم ولا حصـل =ودنياك مايسقم بهـا الا صبورهـا
[/poem]

ويقول الشريف سلطان :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

جانا جواب معرب الجـد معـروج =ومعسـر لكـن حنـا فهمـنـاه
جواب من ياخذ على نجد مخروج =ياخذ على من حل في نجد الشـاه
وش عاد لو عيا محمد على الغوج =بخيل الطوالـه واحـد كنـه ايـاه
[/poem]


إلى ان قال :





[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
انتم سهيل له مطاليع وبروج = وحنا القمر ليلة النصف غطاه
[/poem]



ويقول عايض بن فهيد الرشيدي للامير خليل بن ناصر بن قرمله :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

تهدا عليك مقاضعـات الحديـدي =واهدوا على جدك جميع البوادي
كل على هرجي لك الله شهيـدي =ولا اقول انا هرج على غير قادي
[/poem]

ويقول راكان بن حثلين :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

ملفاك ابن هادي كبيـر العمامـه =شيخ ورمحه مع هل الخيل مرسام
اهديت لك نور السلف والجهامـة =ابغيك ذخر فـي مقابيـل الايـام
[/poem]
ويقول الجضعي الفهري :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


ياراكب وجنا تبـوق المراهيـق =كنه ظليـم حاديتـه الخشومـي
تنصا لنا شيخ دلاله على سيـق =محمد ولد هادي مرد العلومـي
يعطونه الاجناب قـب ملاويـق =وخذا الاصايل من الاحفة رسومي
[/poem]

ويقول عيسى بن حصن الشرافا الدوسري :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

ياراكب من فوق درم الخفافا =مافيهن اللي مابعد شق نابه
تلفى على شيخ فعوله تشافا =مشيدن بيته تخالف ركابـه
عليه شيخان القبايل تلافـا =ذا ناقلن هدوه وهذا كتابـه
[/poem]

ويقول محمد بن رثوان الروقي :




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
خله يامن لـه ويـوم غـدا لـه =من فوق مطوي الحشا كنه الذيـب
ملفـاك شيـخ ماتونـي دلالــه =تلقا العوادي وسط بيتـه مراقيـب
حطيتنـي ياشيـخ مثـل الخيالـه =وان الخلق مايمنع الضان في الذيب
[/poem]

ويقول تركي بن جليغم الفهري :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


لما تقهوا روحه لابـن هـادي =مادام راسه بدت الناس ماجـود
ياما حكم نمرا تخفض الفـؤادي =مسواط نجد إلى غدا نجد مرجود
يتلاه من قومه سوات الجرادي =كم واحد في دقلهم شيف مردود
يعطونه الحكـام قـب جيـادي =وسروال تومان مع جوخ ماهود
[/poem]

يقول ابن شافي :




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ملفاك ابن هادي كبير العمامه = مكدر الصافي بعجات الايـام
[/poem]




ويقول محمد بن هادي بن قرمله عن نفسه :




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مامنكم اللي تلهن بالخنانيـق =وانا ذراكم عن لهيب السمومي
[/poem]

الى ان قال



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

انا جملكم في نهـار المساويـق =ان جا من العدوان خيفت علومي
اشيل من ربعي من الغيض ماطيق =ولو انهم زعلين عندي حشومـي
أنا أحمي المظهور لانشف الريـق =لما رمى المجمول بغطاه يومـي
نجد خذيتـه بالسلـف والتفافيـق =وخيل تعاقب مثل طابـور رومـي
والحظ مـن الله بخـط وتوفيـق =والعمر يفنـى والليالـي تدومـي
[/poem]


وكذلك قال :




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يامن يخبر شافي ترى نجد ممطور =ووادي الرشا ماياخـذ الا ملالـه
قل له يتنصى منزله قاعة الضور =ينصى غدير الشظو لما امتلا لـه
[/poem]

وفي قصيدة اخرى له تحدث عن موضوع معين ثم ذكر عرضا منعة قبيلته وحمايتها لديارها بنجد :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يافاطري ياللي ثمنهـا ثلاثيـن =والا معانقة الجمـل باندفاعـة
ياما رعت من باطن زاهره زين =ميرادها عـد تعـاوي سباعـة
يبرى لها قب سواة الشياهيـن =قب الى هد القواصـر قطاعـة
بديارنا كل العرب عنه عجزيـن =والا ترى قومي غدوا به طماعة
[/poem]
وقال :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


ياراكب من فوق عشر ضواتـي =سبق القطا اللي نابغ من مطيرة
مرباعها يم الحـوم وسفواتـي =في ماقع ماهو يقـزى بعيـرة
ملفاك تني حامـي الجاذياتـي =قل الفرس فيها دعاوي كثيـرة
اديتهـا بحبالـي الـوارداتـي =يوم ارتخت عنها الحبال القصيرة
[/poem]


وقال موجها كلامه للشريف سلطان :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


نحدكم حد الجـوازي عـن المـوج =ونردكم رد البـدن صـوب مسنـاه
هل سربة وان دبرت ركضها عـوج =وان اقبلت شروى الحـرار المغـذاة
كم عندل تبكي على العـم والـزوج =تجر صـوت غافـي النـوم قـزاه
وكم سابق تشرى من المال بخروج =غدت بـروس رماحنـا بالمثـاراة
انا جنودي كثـر جـوج وماجـوج =حريبنـا لـو هـو بعيـد نصينـاه
حريبنـا مايمـرح الليـل مفلـوج =والناس قد نامـوا وعينـه مقـزاه
وعدونا لو قطـب الخيـل بسـروج =لازم يخلـي منـزلـه لانصيـنـاه
ذا قول من يلوي على الهرج بهروج =يلوي ولا يلوى على بعض ملـواه
[/poem]

وقال موجها كلامه لراكان بن حثلين :





[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لابد من يوم نثـور عسامـه =اما على المطران والا على يام
[/poem]
الى ان قال :




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لي لابة حولتهم مـن تهامـة =سلاحهم مخ الفرنجي والاروام
حنا كما سيـل يطـم العدامـة = حول على طاش البحر له تلطام
[/poem]
الى ان قال :




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
كم شيخ قوم مطلقين حزامـه =من عقب الجوخ قدوا له الخام [/poem]



وقال امام الامام فيصل بن تركي :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


لو كنت عود لـي افعـول عنايـف =وربعي اتطاوعني على الهون والكود
حنا علـى ضـدك جبـال نوايـف =وحنا لك اطوع من عنيبر ومسعـود
لي لابة تـروي حـدود الرهايـف =لا جا نهار فيـه حـاوي ومـردود
مانشتحن من حرب كـل الطوايـف=والى بدا لازمـك حنـا لـك جنـود
شد العتيبي من ورا كشـب خايـف=ولا يحدر كـود يبـرى لـه القـود
وشد المطيري من خشوم الردايـف=وان سندوا وردوا حنيظل وابا الـدود
لـي لابـة ماجمعـوا بالحـلايـف=من نسل قحطان وتعزا علـى هـود
[/poem]

وقال له ايضا :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


اللحف يبغضني على لطم خـده=ولوني عليه هوين صرت غالي
عندك يصرف بي من الحكي قده=وفعولنا فيهـم جـداد وسمالـي
صلال دور لـه ورا المستجـده=والشيخ الآخر في مرب التوالـي
ووطبان اللي قد كل الرمل خـده=خلوه ربعه في مـداس العيالـي
لي لابـة لا قلـت للخيـل رده=ترايعوا للهوش مثـل الجمالـي
وفعولنـا بالضـد كـل يـعـده=يعـده الاول لنسـل التـوالـي
ربعي لي اطوع من محب لـوده=وانا اروف بهم من مربي العيالي
اتبع مصالحهـم بليـن وشـده=واكسر بهم عظم الحريب الموالي
وان جت من العاقل عرفنا مرده=ولا نلتفت لهروج بعض الرجالي
[/poem]ويقول رادا على تركي بن حميد :




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اطلب عسى نجد من الوسم ماسوم=حتى تقـرب حلـة صـوب حلـة
وان كان رمحك بأول الخيل ملحوم=فأنا برمحـي حامـي نجـد كلـه
من شافنا بالحلم فرقز من النـوم=ومن شافنا بالعلـم بطنـه يحلـه
عدونا لو جض فلا هـو بمليـوم=واللي وراه يجض من جضـة لـه
مانشتحن للحرب والحرب مفهـوم=وياسعد من حن في اللقا فزعة له
حربك الى جانـا نقلنـاه بسهـوم=وتر حربنا لاجاك ما احتلت شلـه
وان كان تطري النجم والنجم مفقوم=النجم يدوي والجبـل راسـي لـه
ولو هو في نفسه فلا هو بمليـوم=نعم الشوارب وافـي الشبـر كلـه
مشبه مـا بيـن عتبـان وبقـوم=والله علم فـي دق سلكـك وجلـه
[/poem]

ويقول رادا عليه في قصيدة اخرى :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


ياتركي بن حميد وان كنت صادق=فارجع بقومك لاتولـي دبورهـا
نجد تبـرا منـك وبنـا ترحـب=تبدي لك البغضا ولا طعت شورها
فإن كان يابن حميد ماطعت ناصح=فترا الوعد لا من ركبنا ظهورها
فإن كان جمعاكم خذت ثوب راعي=فترا جمعنا ما يأخـذ الا ندورهـا
بني مظيم وان تولـوك ساعـه=يشدي ليوم الحشر نفخات صورها
[/poem]

وقد قال الشاعر مديعث العير الروقي أيضاً :



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

من حربهم شد العتيبي وإنتزح=يوم إبن هادي شيخهم ما ضاق
يا نعم يا آل محمـد بالجملـه=صافي الحديد اللي بغير إلفـاق
[/poem]

وقال محمد بن عديله العاطفي في الامير خليل بن قرمله :




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
عسى يعـل الريـن مـن كـل ودان=دار الرجـال اللـي تفـك الحـدودي
والله ما اسكن دون ذربيـن الايمـان=اللـي فعايلهـم عليهـا شـهـودي
اول مجيي عند مـن يذبـح الضـان=اهـل الهـداوي يطلبونـه عهـودي
خليـل اللـي يمنـع الـدرك الامـان=اللي على خصمـه يقـود الجـرودي
ساس الكرم والجـود ميـراث جـدان=وان جـاه مظيـوم فيرقـا سنـودي
شيخ ولـد شيـخ سلايـل كحيـلان=حصان الصرايم بالرسـن فيـه زودي
كم جاه من قحص الرمك علط الارسان=يازينهـا قــدام بيـتـه تـحـودي
نـادر حـرار ماكـره راس مـابـان=مـا يبـدي الا عاليـات الـرجـودي
بديع السوابق يدعي الريـش نثـران=مثـل الاسـد مايلطـم الا الخـدودي
[/poem]

وحديثا قال الشاعر عايض بن حماد السحيمي قصيدة في الشيخ الامير سلطان بن خليل بن ناصر بن عمر بن قرمله:




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


ياراكب من فـوق جمـس مـورد=تـوه جديـد مشتـراه وموديـلـه
الجمس حوض ولا على حوضه الشد=مافوقـه الا سايـقـه والدليـلـه
مشـراه لـلازم ولاهـوب للـكـد=لا دق سلفـه سايقـه فـر ويلـه
منصاك سلطـان الشجـاع الموكـد=اميرنـا اللـي لا دعانـا نجيـلـه
ماهـوب اميـر بالتوابـع تـعـدد=ومن لا كمل عـد الميـه عزتيلـه
اماراتـه ميـراث جـد باثـر جـد=شيخ مورث شيـخ شمـل القبيلـه
له موقف يـوم الحـرم مـا تنقـد=فادا بروحه ما حسـب مـا يجيلـه
قاد الكتيبه لين داست علـى الخـد=خـد المعـادي بالحـرم بتهليـلـه
يقـدم عيـال مابهـم واحـد صـد=مامنهم اللـي يتقـي فـي زميلـه
ماهابـو البـارود واليـوم الانكـد=وتركز لهم البيضا بـراس الطويلـه
ونجاه ربه واحمـد الـرب الامجـد=وكسب النفيلـه والعلـوم الجميلـه
ولاهيب تستكثـر ولاهيـب تجحـد=هذي مواريـث ورثهـا وهـي لـه
يعيش ابو خالـد وفـا بمـا تعهـد=ما همه البايق ومـن ينتمـي لـه
ولـد خليـل لـه خلـيـل تسـنـد=ابو حمود عـز لمـن يرتكـي لـه
قصره بفرعة وادي الريـن مشيـد=على الطريق ولا اتقـا فـي نزيلـه
له ربعة للضيـف مصـدر ومـورد=ملفـا لهشـال الخـلا كـل ليلـه
فيهـا الشحـم ودلال بـن تقـنـد=بهيل الحبش والعود الازرق يهيلـه
ذباح كوم البل لمن شحشـح المـد=كريـم سبـلا فالسنيـن المحيلـه
يمناه في جـزل العطـا مـا تـردد=تعطـي عطايـا وافيـات جزيـلـه
يفرح به اللي ضامه الدهر والضـد=زبن المجنى اللـي ربوعـه قليلـه
اخو منيره درع لمـن جـاه يطـرد=خليـل لا شـب الزنـد فالفتيـلـه
ونشب المشط في ضافي الدقن الاربد=في ساعة وابليـس يومـي شليلـه
وقف لها خليل فـي موقـف الجـد=وداوا الكبود اللـي سنيـن غليلـه
ولا كـل عـد ينذكـر لـك بمـورد=وهداج تيمـا مـا يـوازي الثميلـه
وسلطان كنـه ابـوه لـو مانعـدد=يهـوم هاماتـه ويفعـل فعيـلـه
ونهـار دخنـه بذكـره واتمـجـد=بمجـد يتمجـد كـل يـوم وليلـه
لراعي البويضا ناصر جد مـن عـد=لا قيل ناصـر قيـل خلـو سبيلـه
قابل جـرود مـن جـرود تسانـد=ووقف لهم وقفاتـه اللـي مهيلـه
من الضحا حتى دجا الليـل الاسـود=وافتـك ربعـه والمحـارم وخيلـه
لاجل الخلوج اللي تدوج على العـد=تقنب قنيب الذيـب وتعـول عويلـه
لعيـون ترفـات الصبايـا تقـعـد=للخصـم لا بـار العميـل بعميلـه
يطعن برمح ويضرب بسيف اجـرد=وسوا سوايا مـن حضرهـا تهيلـه
حتى يمينه يبسـت بمقضـب الحـد=مافكهـا الا بالسمـن والمليـلـه
وغيره شيوخ ما اقدر احصي لهم عد=كم شيـخ قـوم وسـدوه النثيلـه
ترثة ولد هـادي المسمـى محمـد=شيخ الشيوخ اللي الهـداوي تجيلـه
وشيوخ وقت اليوم من دخلـه ازود=وان جيت اقول الشيخ لاهي ثقيلـه
هذا زمان صار فيـه الجـزر مـد=والمد جـزر وكـل ينظـر حصيلـه
الشيخ مـن جتـه الهـداوي تقـود=وقاد السرايـا بالسيـوف الصقيلـه
يقدم بني عمه هل الحـرد والسـرد=وساق المعادي لين خـلا الحليلـه
هذاك بن هادي لـه النـاس تشهـد=والله يشهـد والسمـا والمسيـلـه
وكل القبايل ما اقدر اهضم لهم مـد=اللـي مقاودهـا تـفـك الدبيـلـه
ولا قلتها من شـان مـد ولا جـد=لا شك اقول الصدق واثبـت دليلـه
ولو قلت زور قالت الناس لـي لـد=والكـذب عيـب للرجـال وفشيلـه
وصلو عدد ما قمري البـان غـرد=على النبي واعـداد وبـل المخيلـه
[/poem]
وهذه قصيدة حمد الحبابي في الشيخ سلطان بن خليل بن قرمله :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


سلطان ركب شداد ابوه وعمامه=ومع الحرار الشقر ضخم رصيده
جده محمد قادنـا مـن تهامـه=من باب صنعا قادنـا والحديـده
سرج حصانه واعتصب بالعمامه=وقاد الجحادر والحباب وعبيـده
وساروا بمسراحه وناموا بمنامه=سنحان وشريف وقبيلـة رفيـده
تتلا زعيـم يستحـق الزعامـه=شيخ لهم وأريـاه دايـم سديـده
حول بنا سيـل يطـم العدامـه=وطبع العرب والجيش يتلا عقيده
وحدر بنا بين الحصير وسنامـه=يبغي قرارة نجـد ويفيـد فيـده
نفصخ كتامه وان تلقـا كتامـه=لما انجلى وحده نطحنـا جديـده
حتى ضربنا نجد شرقه وشامـه=وان حل بره ما نوينـا شديـده
يالله عسى الجنة منازل عظامـه=عود جذبنا من الديـار البعيـده
[/poem]

ويقول الشاعر مسفر فهد العاطفي


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]



ياللي تنشد من يكـف القحاطيـن=اخذ العلـوم ولاتضيـع عددهـا
اخذ العلوم اللي عليهـا براهيـن=والعاقب اللي مايحضـر سندهـا
اسمع كـلامً راجـحً بالموازيـن=مثل الذهـب مايختلـف ياولدهـا
شيخ قحطان اللي يكف السلاطين=لاخيلـت ثـمً تـرزم رعـدهـا
زيزومهم في موقف العسر واللين=حكيم لاكبـرت يخلـص عقدهـا
محمد ولد هادي سعوط المجانيين=شيخ الشيوخ اللي ينومس هددها
تهدى عليه الخيل قـبً ملاويـن=خيلً نهار الكـون محـدً جحدهـا
خيلً على العدوان مثل الشياهيـن=وخيالهـا لامـن تعـزوا لكدهـا
وانا ليا منـي مدحـت المديحيـن=يشيب قافي في النجوم وعددهـا
وانا ادري انهم عن مديحي غنيين=لاكـن حدانـي واحـدً معتمدهـا
علم خويك بالخبر يااحمر العيـن=ويش العدود اللي يسمى وردهـا
قول ًبليا فعـل مايقضـي الديـن=نقصً(ن) على اللي كلمته مانقدها
رح وانشد بن حميد ولابن حثليـن=ولاانشد الدوشـان منهوسعدهـا
وان كان به شيخً طلع عام اللفين=الله يعـز المملكـه مـع فهدهـا
مرحوم ياً صقرً رفع راية الديـن=اسس قواعدهـا وثبـت عمدهـا
وسارو على نهجه قروم ً شجيعين=في نصرة الاسلام تبـذل جهدهـا
امن اومان ونخلةً بيـن سيفيـن=نعمه عسى الله مايغيـر رغدهـا
الله يثبتهم علـى العـز واميـن=والرابح اللي نعمـة الله حمدهـا
[/poem]
وآخر شيء أقول كما قال الامير هزاع بن عمر بن قرمله راثيا عمه محمد بن هادي :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


ما اخبلك ياباغي الحكايا تزيده=مراجل ومحمـد قـد خذاهـا
كل المدايح حطها فـي مزيـده=وكل المراجل فوق راسه طواها[/poem]