عبدالسلام الشريدة شاعر يتميز بوصف الطير

السلام عليكم ورحمة الله وبركاتة
قصيدة لشاعرالصقار عبدالسلام الشريدة عن وصف الطير الاسودفيها وصف جميل ومميز


طير الملوك

عينت ياتركي لك الطير فاالسوق
أللى تمنيتة عقب موتت أدهام

لمحة زولة يوم شفتة وأنا فوق
كني غشي فكون من سيف ألأعدام

مير الوكاد أنة تفرمت بي البوق
تضاربت فيني معايير ألالغام

مدري ويش أسال ماطلع من منطوق
بس المهم أنة يشيد فاالأسوام

فرخٍ ومجهم كل مافية معشوق
طرح الشبك مجلوب من يمة الشام

ماهوب تفريخٍ أختم لة ابصندوق
فرخ وصنف بين جورة وجراهام

لآبلة ألآ معتلي راس شاهوق
وسط الخلاْ عايش على الصيد جزام

أحري وقول أنة من الضلع ماثوق
سنجار حروة ماكرة فى ميسام

سبعة عشر فى الطول والعرض مايفوق
ميرالمهم أنة وفينٍ فا ألأراقام

صافي ولابة لا مراديع ودقوق
حتي العمد ممسوح والراس بجهام

عاري تقول أنة من الموس محلوق
أمفصلٍ ريشة تقل خيط فلحام

أن جيت قفوة ماتعينت مخلوق
كنة صفاء الحرة عقب عج وكتام

بين المناكب كنة القار مشقوق
محدب ظهر من عاتقة لين ألأقدام

وان جيت قدمة كنة الريش محروق
كن الغتار أيدق فاالريش فوشام

قلد وتحت العنق مخلوق بة طوق
سبحان من تمم بة الزين هاالتام

وأن جيت جنبة منكب الزور مفهوق
والموت عظم الزور بارز وقدام

وأن شفت جناحنة تعزويت باالحوق
من طولهن روس المواسي بها أثلام

متراكبٍ ريشة من الموس أللى فوق
من فوق فخذه عاقد الموس فى ألزام

لآخذت عنة كنة الشمس بشروق
يعمي عيونك فى عيونة كما أسهام

كنك أليا شفتة من الشر مخنوق
تشدا عيونة عين جربوع فا بهام

حدٍ اعيونة فوقهن قحف من مطبوق
وبوزة كما هلالٍ ظهر بول العام

ولآلد عرض الخد مهزوع بشدوق
علية عاتق ياحسيبي أليا هام

أنة شبر كنة أليا تاق زاروق
أمدعجٍ وجهه كما ذيب لوهام

وأن شلت كفة فوق كفك لة أتروق
علية كفٍ كبر كفٍ للأغلام

ضافي شليلة لآتنفض وملصوق
تسبل سراويلة على تحت ألأقدام

هجرٍ قصي الساق والفخذ مطروق
ياحيف لآم الفخذ مخزون بنعام

نادر وشكلة مايوفية طاروق
متليمن فى الزين لآبس لة أوسام

هذي أوصوفة والفعل فية محقوق
العلم بيد الله وأنا قول عزام

أن كان قلبة ميت فبشر لك بعوق
حرام ماتطلع من الروض لوحام

يحري بفعلة لعنبو حية يشوق
كل مانظرتة قلت ويلاه لاهام

ويش ينقصة لآصار فى طيور مرفوق
ماشفت حلية غير بكين ووسام

ويمكن بعد سرهيد مثلة ولا حوق
طير الملوك أللى تسمابة أقزام

عطني وعجل رايك الحين واسوق
مالة وخزم القرش لوطال بخطام

حنا هلة لاصرت فى الحال مزنوق
نشرية ديننٍ لو غدا الحال منظام

لايهمك الى هاتة بوكر وسبوق
وأعطية شيكٍ صدق بحرف ورقام

ولابعود وترك الطير فى السوق
يشرية غير من صورايم ألأكرام