اول قصيدة لي

السلام عليكم


اخواني انا كتبت قصيده واريد حد يشوف وزنها واكيد فيها اغلاط وعيوب من اللي راح يتكرم ويساعدني
ويعطيكم العافية

__________________

هذه القصيده يالربع

بسم الله الرحمن الرحيم

لا ياللي اخذت ايميل طارق من دون اعلامه

يوم فقت بنت الاجواد لمشوار تروحه

من طيب قلبج قلتي من هالحلو لي لابس العمامه

تريج من كل قلبي يالاخت مسموحه

ماضاق صدري والله وماعليج ملامه

عساج تشيلي همه وقلبه اداوين جروحه

والزين غالي عند الخلايق وجدير باهتمامه

واهل الطيب حاضين بصدور وقلوب مفتوحه

وسالتي من انا يوم صرت اخضر فالقائمة

وبدلت صورتي بطير شقر(ن) جنوحه

طبعي احب الطيبين وخاوي النشامه

والشين ماني بحول وجياته وسروحه

وآخذ واعطي علومي للطيب حاضيه باحترامه

ولااكثر سوالف عرجا واقبل مزوحه

له من عز التراحيب وحلو الابتسامه

غالي علي شرتا للي منور الدوحه

و ايات الرحمن عن يمناج ويسراج حوامه

وسرج طارق والعرب للسرابدأ ماتبوحه

والهاشمي وثقه بتوقيعه واكده بابهامه

عساه يسقي دار من الغيث ام شحوحه

وعساه يرحمه ويرزقه الاستقامه

ولطريق الخير يدله مثل شذى نفوحه

ولايحشره في زمرة كفار واهل الندامه

وثبت قدمه عالصراط اللي للجنه نروحه





وسلامتكم

__________________

افاااااااااااا ياخوان شما حد يجبر الخاطر

__________________

وعليكم السلام ...


هلا بك اخوي الهاشمي ... وبمحاولتك الجميـله ...

محاوله تشكر عليها ... وكذلك أشكرك على طلب النقد وتقبله ... وهذا يدل على طهارة قلبك ... وحبك للتعلم ...
لان النقد بشكل اول واخير فائدته يعود لك انت ...

ملاحظتي وهي الاهم كبدايه ...
هي الوزن : وبالنسبه للوزن .. فتستطيع ان تعالج هذه المشكله بإذن الله ...
وهي ان تأتي بلحن يعجبك .. وتردده دائما ... ووتنسق الأبيات على هذا اللحن ... حتى آخر القصيده ... ..

وأما باقي الأساسيات فهي تهون ... وانما المهم في البدايه هو الوزن ...


وحياك الله اخا عزيز بين اخوانك ...
.... وآسفين على التأخير بالـرد ولعلك تعذرنا ...

موفق

__________________

لسماع قصائد الشاعر : سعيد بن مانع
اضغط هنا

مرحبا اخوي سعيد

والله يبيض ويهك بصرراحه تراني فرحت وااااااااااااااايد

بس اخوي ماقلت لي القصيده موزونه ولا فيها عيوب


وتسلم ياخوي

__________________

الاخ الهاشمي القصيده مافيها ولا بيت موزون....................

يعني لازم تعيد من اول الله يعينك ومثل ماقال سعيد خذ لحن وغنه وابدع عليه مثلا لحن

1- ليتك معي ساهر ليل الهوى كله

او لاي لحن تحب تسمعه من القلطه المهم على لحن واحد من اول بيت الى اخر بيت واذا تبي مساعده ابشرررر

اخوك الشاعر/ بعيد المدى----------------الرياض

بما اني لست شاعر ((واتمنى ان اصبح شاعر))


فرايي كراي اي واحد ماعنده سالفه بالشعر يسمع به بس

قصيده جميله
لاهنت

الله يعطيك العافيه خوي بعيد المدى

اي والله احتاج المساعده والقلطات وين الاقيها في المنتدى

__________________

أخوي الهاشمي اتمنى لك من الله العلي القدير التوفيق وإلى الأمام وشد حيلك وهذه بداية جيدة ولاتنسى متابعة وقراءة القصائد خاصة قصائد كبار الشعراء لكي تزيد فهمك ووزنك للقصيدة ولك مني جزيل التحية والشكر .

__________________