((.. واعذاب اللي غدى اليوم مصيوبي ..))

السلام عليكم

مساء الخير يا وجيه الخير ..

اعيد واقول انما بيني وبين الغزل مسافات ومسافات ولكن ..

اتمنى ان تصل الى ذائقتكم الكريمه ..

::::::::::::::::::::::
[poem=font="Arial,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

يا هواجيسي ليا غاب محبوبي = كن في قلبي براكين مشبوبه

شدّ حيلك يا قلم وأنت مندوبي=سطـّر القيفان لعيون محبوبه

لي ثلاث شهور والقلب مصيوبي=يوم قالوا يا حسن (( مي )) مخطوبه

ساهر ٍ ليلي ولا اذوق مشروبي=عقب ما صارت عن العين محجوبه

لاغفيت شوي فزّيت مرعوبي=ليت علم سمـّني كلـّه اكذوبه

ما نفعني علاج ولا فادت طبوبي = العمر يمضي والايام محسوبه

حبّها وسط الشرايين مكتوبي = بالحنايا العوج بالأسم مكتوبه

حبّنا ما خالطه مكر وذنوبي=حبّنا طاهر ولا شيء ٍ يشوبه

ومن هوى الخفرات بشوم واتوبي=عقبها ما يملي العين رعبوبه

كل زين ٍ غيرها فيه عذروبي = كامله بالزين واظنـّها اعجوبه

زينها غطـّى على (( نانسي وروبي )) =والقمر لا شافها يعلن غروبه

من نظرها قلبه يون ويذوبي=وكم عقول ٍ منـّها اليوم مسلوبه

لا تحاكت يجذبك زين الاسلوبي = لا هي مغروره ولا هيب لاعوبه

واعذاب اللي غدى اليوم مصيوبي=سبّة اللي راحت اليوم مخطوبه


[/poem]

::::::::::::::::::

وسلامتكم

(( .. اخوكم / حسن بن علي الهاجري ..))

__________________

هلا والله وغلا يا هاجرى ما قصرت وصح لسانك

صح لسانك يابوعلي



وااااااااافيه من واااافي ولك سلامي


المهداني

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح السانك



عدد




بلا



مدد



لاهنت ياوجه جنب

__________________