.. ! .. ( لبيــّــه ) .. ! ..

بسم الله الرحمن الرحيم

آمــل ان تحوز على رضاكم

[poem=font="Times New Roman,4,darkred,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لبيه يا أصدق حروفي واعذب ابياتي=لبيه من خاطر ٍ ما قد سلا دونك
لبيه يأطهر خفوق ٍ لملم شتاتي=لبيه من قلب واحساس يحبونك
تقصر على شانك بعيد المسافاتي=وتبعد مسافات عذال ٍ يعادونك
فيك ابتدي خطوتي وأعلن نهاياتي=وفيك اثبت الحاكم انى صدق مسجونك
فيك أنظم الشعر وابدع في كلٍماتي=وفيك اقطف ازهار قلبي بس لعيونك
فيك القصيده روايه من رواياتي=لجلك جميع القوافي جو يهنونك
اروع معانيك تنبض به كتاباتي=وسم الغلا بان من طرياك ولحونك
لامرني طيفك اكتب تالي وصاتي=من خوف طيفي وحسي لا يأذونك
مجنون عادي اذا هي من عذاباتي=فدوى شبابي لمنى صرت مجنونك
غلطه فديت الغلط يا حلو غلطاتي=أطعن بسيف الغلط يا حظ مطعونك
دام الهبايب تهب بغير مشهاتي=لاضاق صدر الوسيعه موسع اركونك
آمر تدلل تدلع وأنت لا تحاتي=وإن مت من كثر حبي لك على هونك
يأول غلا وآخره يا كل غاياتي=يا أعذب نغم مرني لا قلت وشلونك
ايه اعشقك واعشقك لو زادت آهاتي=وأعشق حروف ٍ من شفاهي ينادونك
ثلاثه احروف تغني عن طموحاتي=أروي بها خافق ٍ بالحيل مفتونك
إيه اعشقك كثر ماشفت ابتساماتي=ايه اعشقك كثر لليل ٍ يكسي متونك
إيه اعشقك والغلا في كل نظراتي=إيه اعشقك واهتنى في لذه طعونك
من كثر حبي قطعت اغلب علاقاتي=ماهمنى دام كل الخلق يفدونك
ومن كثر حبي وصلت الا مبالاتي=ان جيت تجرح خفوقي حالف ظنونك
الناس في كف وانت بكف بالذاتي=تفرق عن الناس في شكلك ومضمونك
يعني احبك واحب بكل حالاتي=واحب طيفك واحب احساسك ولونك
ولوّ الغلا غاب له فتره يبي ياتي=تبي الصراحه انا ما عيش من دونك
يكفني حبك غلا قلبي ونبضاتي=ويكفنى ان اسم سالم في تليفونك
خلنى كذا عايش ٍ بأقصى خيالاتي=مدامنى صرت شاعر بس لعيونك
وأسمع صدرى كلمه بكل اتجاهاتي=مجبور اردد حروف ٍ ماهي تخونك
أن حبي غلط يا حلوو غلطاتي=وان كانها طعنه انقش لذه طعونك
نعم احبك واحب بكل حالاتي= مادام كل الخلايق صدق يفدونك [/poem]

يا سالم يابن سعران
وش اقول
اقول صح السانك وبيض الله وجهك والله ان قصيدتك من اجمل القصايد اللى مرت علي حتى اني احترت وش
اختار من الابيات قصيده وافيه من وافي استمتعت وانا اقرئها .

يكفـنـي حـبــك غـــلا قـلـبـي ونبـضـاتـي
ويكفـنـى ان اســم سـالـم فــي تليفـونـك
خلنـى كـذا عايـش ٍ بأقـصـى خيـالاتـي
مدامـنـى صــرت شـاعـر بــس لعيـونـك


الله الله ابيات في قمة الروعه
تقبل مروري واعجابي بالقصيده

ابن سعران

صح والله لسانك على القصيده العذبه

والله اني احترت مدري وش اخذ من الابيات

قصيده جميله جدا جدا جدا

لاتحرمنا من جديدك

سجلني متابع لك
ا
خوك/عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI

المعذره يالربع كان فيه اخطأ املائيه وتدققت واعذروني عليها

القصـيـده روايــه مــن روايـاتــي
لجـلـك جمـيـع القـوافـي جــو يهـنـونـك


صح لسانك

قصيدهـ رائعه

مع اطيب الامنيات

العلياني

__________________