((( اذا الفتى ما قدمته يمينه = فما ينفعه لو قيل ذولا اجداده )))

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
اقولها ووجهي على السجادة = يا لله ياخافظ جميع عباده
تنصر مليك المملكة عبد الله = وولي عهده تحفظه والقاده
وانزل علينا الغيث في موطنا = واحرس بلدنا من ذرا حساده
واقبل شهيد مات اجمل ميته = روحه على كفيه دون بلاده
وسلام مني والتحايا تترا = ما لاح برق لاعبه رعاده
في خاطري بعض المعاني جدت = هل تسمحون اقولها يا ساده ؟؟
نصيحة يوم النصايح تشرى = والنصح عزك من خذاه وصاده
نصيحة للأب في حال ابنه = واما الولد في النصح دوره عاده
اعلم رعاك الله واقبل علمي = التربية تبدا قبل ميلاده
ابدا بنفسك قبل يخلق ابنك = يصير ابنك سهل في عواده
الابو عند الابن أول قدوة = والاولاد ما اعتاد الابو معتاده
ابنك لما انه كبر سنه خاوه = وعلى دروب اهل الطلاقة شادة
ثم اتركه ياخذ ثقه في نفسه = وبين العرب باسما الاسامي ناده
ثم كلفه بعض الامور الصعبة = وبعض الامور اللي تهمك باده
واذا تعود روحته للمسجد = يبقى الولد حي على اللي اعتاده
لا تكون شخص مهمل في ابنه = ولا اتنبه في تربية اولاده
يعطيه مطلوبه من اول كلمه = حتى ولو ماله مطالب زاده
ما يسأل الا ان كان ابنه جايع = واذ نعس يقول يالله داده
واذا رقد زاده ببطانية = يقول لا حد يزعجه في رقاده
يحسب معاني التربية تدليعه = ولا درى ان كثر الدلع ما فاده
كبر الولد والأب يرقب عونه = وبانت مواري التربية في عناده
لا عاد طاوع بوه ولا امه = واصحابه اللي في الخلا اسياده
ثم اشترى له بوه احدث موتر = متسلف في قيمته واقصاده
واعطاه مفتاحه وفك احباله = ولا درى بشرداده ومرداده
والابن عنده صاحب من ريعه = الصاحب اللي للبلاوي قاده
من شلة التفحيط والدواجة = متفنن في مهلكه وافساده
وسط الشوارع مذي خلق الله = تقول جني لايف مرماده
الله يا قوه ومقسى قلبه = عند الحوادث يقبل بهداده
الناس جرحى والجثث مرمية = وهو يفحط كن ما شي كاده
واالخاتمه له حادث روعنا = متقطع مافاد فيه انجاده
ابوه يبكي وامه المكلومه = نار الحزن في قلبها وقاده
هذا مثل واحد وكيف الباقي = يوم الحوادث للبشر حصاده
اقولها وبانتهزها فرصة = في توعية مرورنا وامجاده
( في انتباه السائق السلامة ) = شعار لاجل السائق وارشاده
الله امرنا ننتبه للاسباب = والا القدر ياجي على ميعاده
نصايح قدمتها في قافي = والشعر له شاعر وله نقاده
ان كان نلت اعجابكم من حظي = توفيق والتوفيق الله راده
تم اختياري عنوه وبالعاني = ولا اللقافة ماهي بلي عاده
متكلف بالقاف بل متشرف = والا البلد مليان بالقصاده
اذا الفتى ما قدمته يمينه = فما ينفعه لو قيل ذولا اجداده
واذا الشعر ما جمل بمن قاله = فيازين غيبة صاحبه وابعاده
( ويالله تجملني وتغفر ذنبي = اقولها ووجهي على السجاد) [/poem]

محمد بن نغموش


صح لسانك مدد


وافي وقصيدتك وافيه وجزله


كلها درر لاعدمناك


اخوك،،،

.

ارررررررررحب يامحمد


بيض الله وجهك


والله يكثر من امثالك


ابداع منقطع النظير


تحياتي وتقديري


اخوك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

ابو منصور

صح الله لسانك واعتلى شانك


لله درك يا بالدرر


ابدعت جعلك تبطي حي

ومشاركاتك نتشرف بها


لاتحرمنا المزيد


تحياتي لك

محمد بن نغموش بيض الله وجهك

من أجمل القصائد الهادفة التي قرأتها

إبداع في إبداع

ما شاء الله تبارك الله

إن شاء الله نراك في شاعر المليون

ما ينقصك شئ شاعر متمكن تغرف من بحر

بالتوفيق ،،

__________________

وافي وقصيدتك وافيه وجزله


وبيض الله وجهك



تحياتي

محمد بن نغموش




بيض الله وجهك وصح لسانك مليوووووووووووون



تقبل إعجابي بما تكتب



تحياتي

.



أخوي الشاعر الرائع : محمد بن نغموش




صح لسانك .. وبيض الله وجهك ..




وافي وقصيدك وافي ياكحيلان ..




لاعدمناك يامحمد أنت واللي شرواك ...




تقبل خالص تقديري ودائم متابعتي ..

صح السانك

قصيده جميله

السلام عليكم ورحمة الله وبركاته



الشاعر / محمد بن نغموش



صح الله لسانك


قصيدك له حضور مميز ،،
في جميع المناسبات الإجتماعية ،،

وتملئه بالنصح والارشاد والشعور الصادق ،،



.

__________________