تعالوا فسرولي حلمي لكن بشرطين يصير عنده علم بالتفسير ولا يضحك


إستراحة المجالس يختص بالالغاز العادية والصور المضحكة والفرفشة والنكت و وصورالاماكن السياحية والترفيهية في العالم

موضوع مغلق
قديم 14-10-2006, 05:27 PM
  #1
أبـوعـبـدالـرحـمـن
عضو جديد
 الصورة الرمزية أبـوعـبـدالـرحـمـن
تاريخ التسجيل: Sep 2006
المشاركات: 9
أبـوعـبـدالـرحـمـن is on a distinguished road
افتراضي تعالوا فسرولي حلمي لكن بشرطين يصير عنده علم بالتفسير ولا يضحك

.منقوووووووووووول.

يا شباب .. يا بنات ....
والله يا أنا البارح شفت لكم حــلم !!! حل ل ل ل ل لم ... بس حلم يخوف بصراحة !!؟؟

* * *

حلمت البارح ( اللهم اجعله خير ) إني ملبـق - راكن – وانيتي البيك أب قدام مبنى الحرس الوطني اللي على طريق خريص ، بعز الظهر .. ومحمل الوانيت جح !!

إيه جح : ( يعني بطيخ .. شتسمونه أنتم : حبحب .. أو رقي أو شمام ؟؟ مدري ) المهم وقاعد
أحرج عليه بصوت عالي .. " ( على عشرة .. على عشرة .. يا اللي تبي الطيب على عشرة
جح ساجـر .. جح ساجر ( طبعاً جح ساجر من أفضل أنواع البطيخ في المملكة) .. ما دريت إلا
هالمطفوق يلبق – يركن – موتره جنبي " جمس حوض 87 دفرنسين مليان جح .. ونزل وركب فوق الجمس وانسدح على شحنة الجح تـقـل ضب !! وبدا يحرج على الجح : " ألى همسة .. ألى همسة ( يعني : على خمسة ) .. يا اللي تبي التيب على همسة !! ليامل الوجع

قربت منه وأطالع في وجهه زين !! إلا هذا والله إلفيس برسلي ( نجم البوب الأمريكي في الستينات ) لابس فنيلة وسروال .. وطاقية عن الشمس ، وبياض بطنه يلق ( يلمع) .. وسره طالع من تحت الفنيلة " مجعـص يعني " ؟؟؟؟؟
أنا بالأول شبهته على واحد من شباب ( سدير) أعرفه .. يوم قربت منه و الا هو يقول :

" جح من ( ميسوري ) ميسوري في أمريكا طبعاً.. لا يفوتك يا اللي تبي التيب . جح ميسوري مهب جح ( قصمان ) !!

يــؤ !! قهرني بها الكلمة .. هديت أعصابي وقربت من الجمس .. و الا الجمس مليان أجهزة إليكترونية وأذرعة آلية تنزل البطيخة لين سيارة الزبون .. وحصالات تماتيك .. وأناتل مضادة للصواعق .. وشــــي ........

قلت : يا إلفيس تكفى انقلع من هنا وخلنا نترزق الله ..

قال : وين أروه ؟؟؟؟

قلت : ياخي دور لك أي شارع فاضي .. شف عندك الربوة ولا العزيزية ..

قال : أنت شايفني أبيع جح مستعمل أنت ووجهك !! هذا جح المسيسبي يا لوح .

أرتفع ضغطي يوم قال المسيسبي قلت : ما نيب لامسن شي بس انقلع الله يلعن والديك لا هالحين أعفط وجهك .. حسبته كان يقل أدبه مافهمت عليه بصراحه وش يقصد .

قال : الهين بتجي البلدية وبيضفونك من هنا يا الهيس ( علباله هو بس اللي عنده واسطة)
أنا أحترق جلدي يوم قال يا الهيس ، يحسبني ما أعرف واحدن في وزارة المعارف يعني ...

تجيكم السالفة ...

المهم . . رحت الوانيت وسحبت لي ذيك العجرا ( عجرا يعني عصا غليظة نستخدمها للأزمات).. ويوم رجعت إلا صاحب ( كامري ) خضرا مضلل وقف وسط الشارع قدامنا وقام السواق حط شماغه على الطبلون ونزل وجا عندنا .. يوم قرب وأثاريه : آرنولد شوارتزنيقر
ومعه الأهل و.. ( عجيز ن ) راكبتن قدام أظنها أمه .. قبل يتكلم الدب .. وحده حلوه فتحت الشباك اللي ورا بالكامري وطلت منها بنت في منتهى الجمال وأثاريها : بروك شيلدز .
وسلمت علينا بالإشارة بس .. الظاهر أنها كانت متحنية بعد ماني متأكد !!!

تجيكم السـالفة ...

نزلت العجوز ... أثاريها ماهيب عجوز !! صارت ( جانيت – جاكسون ) أختك يا مايكل جاكسون بس متـنكرة ....

الظاهر أنهم بيمثلون برنامج " طاش ما طاش بالإنقليزي " ... قامت ( بروك ) وشغلت المسجل وعلت عليه ع الآخر على أغنية خالد عبد الرحمن الأخيرة ( خواطر العشاق ) وقامت ها اللحجية ( جانيت ) تشقق .. يا ويــلاه .. آآآه وتسدح على الزفلت .. وتسحب سحبات أخوها القرد وتصرخ صرخات تعور ؟؟؟
أظنها طاحت زار .. أبووووك يالرقص !!! لعنبو ها العبند إذا استنزلوا !!!!!!

تجيكم السالفة ....

المهم .. أنا خفت من ذا الدب ( آرنولد ) وحسيت إن إلفيس يـبي يستفزع به وأنا عاد العربي الوحيد بين هالحمران .. قام صفط جنبنا راعي سيارة بيجو 76 ونزل منها شويب يعرج وبيده عصا يوم قرب عرفته على طول .. فرانسوا ( رئيس فرنسا السابق ) ونزلت من السيارة زوجة ملك السويد ( أنا أحسنت الظن بصراحه وما شكيت فيهم قلت يمكن تكون أخته من الرضاع ولا شي ؟؟)

المهم قلت بس ... الحين هالشويب يبي يفزع لي يوم دريت إلا هو يقول : ( =*# @@ >+ × @ $% ) يعني : " بكم هالتفاح الكبير ماشا الله " ؟؟

أبووووووك يا النذالة أثاريه جاي يشتري !!! يوم دريت ( مار ) يجي عريف من مبنى الحرس اللي قدامنا .. بالبداية كلنا خفنا بصراحة !!

حتى إلفيس إ نصفق لونه وطلع المسواك يمكن علشان ما معه إقامه .. والعجيز جانيت ضفت عبايتها من الأرض وركبت السيارة .. وبروك تغطت و سكرت الدريشة والمسجل .. يوم وصل العريف قال : يا جيماااعه .. يا جيماااعه حياكم الله ...أقلطوا .. أقلطوا فينجال قهوة .. تعوذوا من بليس !!!

تجيكم السالفة ...

ما درينا إلا صوت سحبت جلنط سيارة !! ( فرملة قوية يعني ) لكزس بيضاء مليانة شباب متلطمين نزلوا كنهم كوماندوز .. يعجبونك والله عيال ديرتي .. نزل أول واحد وبيده مربوعة( مربوعة يعني عصا للمباني والعماير يستخدم عندنا أحياناً للمضاربة ) ولابس زبيريات برتقالية ( زبيريات ماراح أترجمها عاد ) والشنبات طالعه من ورا اللطمة .. يوم قرب والا هذا ( وهم !!) واللي وراه معاه (بلكة ) يا الله .. يا الله يشيلها .. وأثاريها ( الفك المفترس الحب خطر وسنونها تخوف !! ) والثالثة جايه مسرعه وبيدها قلاية بيض تبي تفقع آرنولد مع خشمه وأثاريها النطيطة ( سحر الغرام أختك يا طاير من الفرحة !! )

< == معليش السلوك كلها ضاربة عندي وانا نايم ...

والسواق شكله يشبه ( إحساس عاشق !! ) بس ما نزل !! الظاهر جالس يتسمع أخبار بانوراما . أبوووووك يالثقة علباله الربع يصورون فلم " ميشن أمباسيـبـل "

يوم درينا كلنا إلا صوت انفجار قوي !!؟؟

فزيت وقمت من النوم إلا أمي الظاهر تعبت من كثر ما تتصل علي على تلفون غرفتي تصحيني للدوام يوم ملت جت وبالعصا تخبط الباب بقوة أثاريه ماصار أنفجار ..

قمت وتفاجأت لمن شفت غرفتي محيوسه ع الآخر ويبدو أنه كان فيه ناس يتضاربون البارح وأنا نايم !! الكمبيوتر طايح !! ولوحات الرسم ع الأرض !! والتلفون سلكه مقطوع!! وأمي تقول بصوت عالي : " سامي أنا ماقلت لك البارح على العشا ماتكثر جح يعور بطنك !!

تعوذت من الشيطان وتوضيت وصليت وقبل ألبس ملابسي شفت ورقة صغيرة تحت شاشة الكمبيوتر مكتوب فيها : "


هاه جح ميسوري أحسن ولا جح ساجر يا ...يا الهيس !!؟؟؟ " *45*

التوقيع / إلفيس ابن برسلي بن ردن


شرايكم عا د من يفسر لي هالحلم !!! ؟؟؟ *24*
أبـوعـبـدالـرحـمـن غير متواجد حالياً  
قديم 14-10-2006, 08:42 PM
  #2
الهيثم
عضو متميز
 الصورة الرمزية الهيثم
تاريخ التسجيل: Sep 2006
المشاركات: 967
الهيثم is a jewel in the roughالهيثم is a jewel in the roughالهيثم is a jewel in the roughالهيثم is a jewel in the rough
افتراضي رد : تعالوا فسرولي حلمي لكن بشرطين يصير عنده علم بالتفسير ولا يضحك

التفسير عندي وانا خوك

اما الفيس ,, فترا الزهيري المغترب هو اللي مرسله عليك من عنده من ميزوري تراه ولد جيرانهم واذا مو مصدقني شوف توقيع الزهيري وشوف وين ساكن ...تراه ملقوف الى ابعد درجه ويسويها ...بس عاد احمد ربك انه جاك بالحلم ما جا حقيقه ,, والله لو جاك صدق كان انهبللللللللللت ,,تدري ليه ...؟؟؟؟؟







لانه ميت من زماااااااان والحين قدهو صنيه ((( كلنا نعرف وشهي الصنيه ياعيال قحطان ))) طبعا بتسألني وشلون قدهو صنيه ؟؟؟؟
اقول لك لانه بعد مامات ودفنوه تعفن وما طول الين اكتملت عنده عملية التعفن لانه من يوم هو حي وهو متعفن وخالص ..بعد ما تعفن صار بترول ..بعد ما صار بترول كرروه وسووه صنيه ...

وباقي الحلم واضح يخوي مايبي له تفسير الا بروك شيلدز اللي والله ما ادري ايش اللي طمر امها بحلمك ..لااا ومتحنيه يابو الشباب ..اقول عد سم الله يحفظك ,سم واذكر الله ,, واذا على جانيت جاكسون فهذي ما تطلع للاوادم الا اذا ما ذكروا الله قبل النوم ,, فانما هو حافظ على اية الكرسي قبل النوم والعفاريت ذولا فكك منهم وتعوذ بالله من ابليس ومنهم ...واذا عاد تناقزوا لك بالحلم فما جاك عندي ...

وشف شغلك مع الزهيري تراه هو السبب ..........<<<<<< طالب حرش ....ههههههههه
__________________
الهيثم غير متواجد حالياً  
قديم 14-10-2006, 10:01 PM
  #3
الزهيري المغترب
عضو ذهبي
 الصورة الرمزية الزهيري المغترب
تاريخ التسجيل: Mar 2006
الدولة: والله مااقول لكم!
المشاركات: 3,627
الزهيري المغترب has a brilliant futureالزهيري المغترب has a brilliant futureالزهيري المغترب has a brilliant futureالزهيري المغترب has a brilliant futureالزهيري المغترب has a brilliant futureالزهيري المغترب has a brilliant futureالزهيري المغترب has a brilliant futureالزهيري المغترب has a brilliant futureالزهيري المغترب has a brilliant futureالزهيري المغترب has a brilliant futureالزهيري المغترب has a brilliant future
افتراضي رد : تعالوا فسرولي حلمي لكن بشرطين يصير عنده علم بالتفسير ولا يضحك

انا ما عرفت افسر الحلم ولكن انا موجود بالسالفه! وايش انتوا تدورون بمزوري
الهيثم لاتنشبنا هههههههههههههههههه
الزهيري المغترب غير متواجد حالياً  
قديم 15-10-2006, 01:45 AM
  #4
مرتاح البال
..:: قلم من ذهب ::..
 الصورة الرمزية مرتاح البال
تاريخ التسجيل: Aug 2005
الدولة: الخبر+ سراة عبيده
المشاركات: 4,240
مرتاح البال has a reputation beyond reputeمرتاح البال has a reputation beyond reputeمرتاح البال has a reputation beyond reputeمرتاح البال has a reputation beyond reputeمرتاح البال has a reputation beyond reputeمرتاح البال has a reputation beyond reputeمرتاح البال has a reputation beyond reputeمرتاح البال has a reputation beyond reputeمرتاح البال has a reputation beyond reputeمرتاح البال has a reputation beyond reputeمرتاح البال has a reputation beyond repute
افتراضي رد : تعالوا فسرولي حلمي لكن بشرطين يصير عنده علم بالتفسير ولا يضحك

تصدق والله --- حلم على مستوى ----والرجل الكفو ---- يحلم صح --- والا بلاش ---- واذا عاد مثل هذا الحلم اليك او شبيه

له --- تكفى اتصل علي ---- لان عندي مشكله مع الاحلام --- طايح في ناس دائما يكفخوني --- والا مدحدر مع الهدا

والفرامل --تعطلت --- والا وحوش يطاردوني --- والا راعي البيت مترصد لي في الشارع يبي اجاره ---- الخ

ما عمري حلمت بحلم عليه القيمه وتحقق الا مره --- عندما نجحت في دله واخذت رخصه ----------- مشكور -- تحياتي
__________________
أبشرب من دلتك لو كلها سم .. ما أهز فنجانك و لا أقول كافي

دامها من يمناك و تقول لي سم.0. بسم الله أشرب كل سمك عوافي
مرتاح البال غير متواجد حالياً  
قديم 15-10-2006, 12:12 PM
  #5
منصور العبدالله
مـــراقــــب
 الصورة الرمزية منصور العبدالله
تاريخ التسجيل: Jun 2005
الدولة: أمجاد الرياض
المشاركات: 11,034
منصور العبدالله has a reputation beyond reputeمنصور العبدالله has a reputation beyond reputeمنصور العبدالله has a reputation beyond reputeمنصور العبدالله has a reputation beyond reputeمنصور العبدالله has a reputation beyond reputeمنصور العبدالله has a reputation beyond reputeمنصور العبدالله has a reputation beyond reputeمنصور العبدالله has a reputation beyond reputeمنصور العبدالله has a reputation beyond reputeمنصور العبدالله has a reputation beyond reputeمنصور العبدالله has a reputation beyond repute
افتراضي رد : تعالوا فسرولي حلمي لكن بشرطين يصير عنده علم بالتفسير ولا يضحك

والله حلم راقي وعلى مستوي

بس أبو عبدالرحمن بقولك شيء وحقيقة أنا متأكد منها

ترى كلام الهيثم في محلة والزهيري المغترب هو السبب ( واحد يحب النشبة)

بس مدري الزهيري ليش يسوي كذا

بالرغم إني كلمتة وطلبتة بس يحب كذ.... الله يهديه

أبو عبدالرحمن

حلومك ذي من كل وادي بس قويه وطريفة

والله روعة جدا

بإنتظار حلمك أو جديدك

لاتحرمنا من طلت ومن وجودك الرائع وتميزك الأروع

شكرا أبو عبدالرحمن
__________________



اللهم أرحم والدتي ..وأجعل قبرها روضه من رياض الجنه..واسكنها جناتك
منصور العبدالله غير متواجد حالياً  
قديم 16-10-2006, 01:16 AM
  #6
سعيد بن مذي
عضو فضي
 الصورة الرمزية سعيد بن مذي
تاريخ التسجيل: Apr 2006
الدولة: الواديين/قرى البطحاء
المشاركات: 2,240
سعيد بن مذي has a reputation beyond reputeسعيد بن مذي has a reputation beyond reputeسعيد بن مذي has a reputation beyond reputeسعيد بن مذي has a reputation beyond reputeسعيد بن مذي has a reputation beyond reputeسعيد بن مذي has a reputation beyond reputeسعيد بن مذي has a reputation beyond reputeسعيد بن مذي has a reputation beyond reputeسعيد بن مذي has a reputation beyond reputeسعيد بن مذي has a reputation beyond reputeسعيد بن مذي has a reputation beyond repute
افتراضي رد : تعالوا فسرولي حلمي لكن بشرطين يصير عنده علم بالتفسير ولا يضحك

الزهيري ماله ذنب

لو إن له يد في السالفة كان حصلت إلفيس برسلي يبيع سمن وعسل بدل الحبحب !!!!؟؟؟


مشكووووووووووووووور وأي حلم منا ولا منا إعرضه عالهيثم تراه خبير بهالأمور ههههههه
__________________
No thing
سعيد بن مذي غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كل ما تريد من الأذكـــــــــــــــــــار فارس الشواطي مجلس الإسلام والحياة 24 06-10-2008 05:30 PM
فتاوى السحر والعين للامام ابن باز رحمه الله تعالى ابو اسامة مجلس الإسلام والحياة 11 26-03-2008 12:23 AM
ألغاز فقهيه ممتعه واجا با تها ابن ذروه مجلس الإسلام والحياة 9 16-11-2007 10:14 PM
فتاوى السحر والمس والعين مفرغا من شريط للعلامة ابن باز : اعداد بعض طلبة العلم ابو اسامة مجلس الإسلام والحياة 11 26-05-2007 01:52 PM
صفات الشيخ عبد العزيز بن باز رحمه الله كما يحكيها الشيخ عبد العزيز الراجحي حفظه الله ابو اسامة مجلس الإسلام والحياة 3 04-08-2006 08:08 AM


الساعة الآن 04:21 AM

سناب المشاهير