العبيدي القحطاني وسالفته مع الشدادين

بسم الله الرحمن الرحيم

السلام عليكم ورحمة الله وبركاته..

في أحد الأيام غزو الشدادين بقيادة الأمير الفارس مبارك ابن مهرس الملقب بـ(( أبو سعد)) طلباً للمغنم وأستطاعوا أن يظفروا بإبل إحدى القبائل,, وعندما كانوا في طريقهم إلى ديارهم واجههم أحد فرسان قبيلة عبيده قحطان ومعه مجموعة من قومه فأنقضوا على الإبل طمعاً في كثرة الإبل التي كسبها الشدادين ولكن حصل بين الطرفين طراد وأصيب العبيدي القحطاني في ساقه وأنكسرت وأستطاعوا الشدادين الحفاظ على كسبهم..

أما العبيدي القحطاني فذهبوا به ربعه إلى بيشه عند أحد المجبرين ليجبر ساقه ولم يكن يعلم العبيدي منهم القوم الذين كسروا ساقه فسأل أحد ربعه وش عزوتهم؟؟
قال يقولون : الاد شداد ياحماية التالي!!
فقال أثرهم ربعنا عوال الشايب!!

فعرف أنهم الشدادين ولو كان يعلم أنهم الشدادين لم يهاجمهم ولكن حصل الذي حصل وهو يقول في أحد أبياته:
[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لـكـن ثــار الهـيـج بـيـن الـرجـالـي=ومنا ومنهم صار ضرب المشاويك [/poem]
وخلال فترت وجوده في بيشه كان بجواره أحد القرويين وكان عنده ديك,, فكان كلماً أذن الديك أستثار هذا القحطاني وفي أحد الأيام قال هذه الأبيات:
[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يـا ديـك ياللـي فـي العـلالـي تـلالـي=لا واهـنـيـك بالتعـاجـيـب يـــا ديـــك
تغنـي بصوتـك مــا شكـيـت الليـالـي=وأنـا جرالـي فـي زمـانـي شرابـيـك
أتعبـت ساقـي بطـرد عُـرْب ٍ متـالـي=لعيـون مـن حـط العويـدي مسـاويـك
لـيـن أعطبـونـي محتمـيـن الـتـوالـي=جمـع الشـلاوى مبعديـن المصاويـك
يـتـلـون شـيــخ ٍ شيـخـتـه بالـعـدالـي=(( أبو سعد)) أليا عزل ذيك عن ذيك
الـعـود مــن جنـسـه يجيـلـه ظـلالـي=والجـد واحـد مـاش ريبـه وتشكـيـك
ربـعـي عبـيـده فــي نـهـار القـتـالـي=سـوات سـيـل ٍ مــن مخيـلـه تهالـيـك
لـكـن ثــار الـهـيـج بـيــن الـرجـالـي=ومنا ومنهم صار ضـرب المشاويـك [/poem]

وعندما وصلت القصيدة للشدادين قال الأمير مبارك ابن مهرس:بيض الله وجه العبيدي ولو درينا أنهم ربعنا ما حصل اللي حصل لكن يبشر صلب جدي بقسمه من البل وعطوه من اللي عليها وسوم يام..

وعطوه الشدادين قسمه من البل واللي مثل هذا الفارس يستاهل كل خير..

وفي الختام نقول رحم الله الفرسان الشجعان وأسكنهم فسيح جناته..

لاهنت ياعيد الركاب على الموضوع الرائع ونترقب لك كل جديد


تحياتي يالغالي

تسلم يا ابو حسين

بيض الله وجهك

وللعلم ترى الشدادين من عبيدة وانا منهم

لاهنت

__________________

تكفون ياقحطان الغلابة لاتخلونه

وعليكم السلام ورحمة الله وبركاته ,, ولاهنت على السالفه الطيبة والعلوم اللي تنومس كل رجاااااال ,,


العود مـن جنسـه يجيلـه ظلالـي
والجد واحد ماش ريبـه وتشكيـك

هنا مربط الفرس انا اشهد ,,



لاتحرمنا من المزيد ,, تقبل احترامي وتقديري ,,,,

__________________
أخوكم / سعد السحيمي

لاهنت ,,,

والله يعطيك العافية ...

تحياتي

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

تسلم ياعيد الركاب على القصة الرايعة

وعلى تلاحم عوال الشايب رغم الظروف الصعبة....

والله يرحمهم برحمة كانوا مضرب للمثل في الحمية والوفاء ..

وتقبل تحيتي يالذيب .....

بيض الله وجهك ياعيد الركاب

والطيب متأصل في قحطان ليوم الدين

تقبل تحياتي

رائد عايض القحطاني

مرورك شرف يالنشمي لا هنت

والله سالفه مشوقه و قصيدة رائعة

تدل على الوفا و على الحمية


بيض الله وجهك يالذيب

__________________