قصيدة اعجبتني وحبيت انقلها لكم 00

السلام عليكم ورحمة الله وبركاته 00


هذي قصيدة اعجبتني وحبيت اني انقلها لكم وتمتعون نواظركم بها 00 ولا ادري هل هي موجودة في المنتدى ام لا 00 عموما اترككم مع القصيدة الرائعة :




سلام الله سلام ألذ وأحلى مـن حليـب النـوق
سلام يفوح من طيبه بريـح المسـك والكـادي

على ربعي هل الطالات وأهل المستوى اللي فوق
قحاطين ٍ لنا التاريخ يشهد من عصـر عـادي

سلاطين العرب وافيـن قـولٍ ثابـت موثـوق
مواريث الفخر والمجد من ماضيـن الاجـدادي

فخرنا الأوس والخزرج سناد الصادق المصدوق
وفخرنا عمر ابن معدي كرِب شجـاع وقيـادي

وفخرنا حاتم الطائـي مثـالٍ بالكـرم مرمـوق
تواريخ ٍ تدرّس في الكتـب لجيـال واحفـادي

من الماضي وحاضرنا نماري به على الطاروق
مادم انه شرف نعتـز فيـه جمـوع وافـرادي

لنا بالطيب منهاج ٍ على العليـا نسوقـه سـوق
قبايـل للشـرف والعـز والنـامـوس روادي

بني عمي عبيده سيف هنـدٍ للمعـادي عـوق
عيون الصف الاول سلم ولا حـرب وطـرادي

وجمع شريّف قومٍ بالمواقف للنواضـر شـوق
أهـل وجـه وجـاه وللعـداء سـم ٍ بالكبـادي

وفرسان الجحـادر بالنـوادر مالهـم ملحـوق
نجـوم ٍ نستـدل بهـا وللـعـدوان هـجّـادي

وسنحان الظفر والعرف رمح ٍ حامـي ٍ مفتـوق
على العيّال من ضربه تعـاف النـوم والـزادي

وصبيان الحباب اللي على الهيجى وساع طروق
شغاميم الرجال اللـي لحـوض المـوت ورّادي

بني بشر ورفيـده بالوفـا والمعرفـه والـذوق
لهم شان ٍ كبير وفـي اللـوازم درع وسنـادي

عيال العود أهل عز وعـزم ٍ بالنقـى مرفـوق
لنا عـدّ وحـدّ ٍ نفتخـر بـه بيـن الاجـوادي

شمال حدودنا في نجـد كلـه فاهـق ومفهـوق
على نجد العذيّـه باسطيـن ٍ حاضـر وبـادي

جنوب حدودنا نجران وتهامـه ورى الشاهـوق
ومن غرب شهران وشرقنا من يام لي الـوادي

إلى شرق الحساء وبقيق ناطى خدها المطـروق
على وجه الخريطـه كلهـا مصـدر وميـرادي

حميناها وحلنا دونهـا يـوم العـوادي طـوق
بحـدّ سيوفنـا مـن كـل طمـاع وحـسـادي

ولا على القبايل زود كل ٍ لـه فخـر وحقـوق
وكـل ٍ دون حقـه يعتـزي وعيونـه حـدادي

وحنّا كلنـا روح وجسـد واحـد ودم وعـروق
جنود للوطـن بارواحنـا مـن دونـه نفـادي

على شبه الجزيره فى ذرى أهل البيرق المدقوق
صناديد الملوك اللـي لهـم تاريـخ وأمجـادي



للشاعر المتألق المبدع / عبدالله بن شايع الزهيري القحطاني


اخووووووكم:

قحطاني والراس طرباني

كفو كفو كفو ببن شايع والله يعز دولتنا بالاسلام وحكمام شرعه الله يعزهم





لاهنت يا طربان الراس

مشكور اخوي الغالي


طربان


لاهنت وصحت يمناك على النقل


وصح لسان الشاعر المميز

__________________
« اللهم كما أحسنت خَلقي فحسن خُلقي »

الاخوان

عبنون:

فتى الجوة :


لاهنتم اخوني على المرور والردود الجميلة الكريمة00



اخوووووووكم

__________________

مشكور أخي على نقل هذه القصيده
أبيات جميله في قمة الابداع نشكرك ونشكر الشاعر عبدالله
ونتمنى جديدك

اخوي سفر الحبابي:


لاهنت يابعدي على المرور والرد اللي اسعدني كثير ..





اخووووووك:قحطاني والراس طرباني

__________________

صح السانك والسان قايلها


اخوي لااااااااهنت على النقل الجميل جدا




تحياتي,,,,,,

__________________

احسنت

__________________
كفارة المجلس : سبحانك اللهم وبحمدك اشهد ان لا اله الا انت استغفرك واتوب اليك

صح لسانك ولاهنت